عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
كوشتنا یەعقوبی و گرتنا پەترۆسی 
1
ل وی دەمی هێرودێس پاشای دەستێ خۆ بۆ ئازاردانا هندەك كەسێن ژ كەنیسەیێ درێژ كر،
2
ئەڤجا یەعقوبێ برایێ یوحەننای ب شیری كوشت.
3
دەمێ دیتی ئەڤ چەندە ب دلێ جوهیانە، رابوو پەترۆس ژی دا گرتنێ و ئەڤێ ل جەژنا نانێ شكەڤا[a] رویدا.
4
پشتی گرتی، هاڤێتە د زیندانێ دا ل ژێر زێرەڤانیا چوار كۆمێن زێرەڤانان، هەر كۆمەك ژ چوار سەربازان پێكدهات. وی دڤیا پشتی جەژنا دەربازبوونێ ل بەرامبەری خەلكی وی دادگەهـ بكەت.
5
ئێدی پەترۆس د زیندانێ دا ل بن زێرەڤانیێ بوو، لێ كەنیسەیێ پێخەمەت وی ب گەرمی نڤێژ بۆ خودێ دكرن.
رزگاربوونا پەترۆسی ژ زیندانێ 
6
دەمێ هێرودێسی ل بەر بوو پەترۆسی بینیتە بەرامبەری خەلكی، وێ شەڤێ پەترۆس د ناڤبەرا دوو سەربازان دا یێ نڤستی بوو و ب دوو زنجیران یێ گرێدایی بوو، ل بەر دەرگەهی ژی هندەك زێرەڤانان زێرەڤانی ل زیندانێ دكر.
7
ژ نشكەكێ ڤە فریشتەیەكێ خودانی[b] دیار بوو، رۆناهیێ شەوق دا ژۆرێ و فریشتەی دەستێ خۆ ل كێلەكا پەترۆسی دا و هشیار كر و گۆتێ: «زوی رابە!» ئینا زنجیر ژ دەستێن وی كەفتن.
8
فریشتەی گۆتێ: «قایشا خۆ گرێ بدە و پێلاڤێن خۆ بكە پێ خۆ!» وی وە كر. پاشی فریشتەی گۆتێ: «كوركێ خۆ بكە بەر خۆ و ل دویڤ من وەرە!»
9
ئەو ل دویڤ فریشتەی دەركەفت و نەدزانی ئەو تشتێ ب رێكا فریشتەی چێبووی راستیە، لێ هزر دكر ئەو یێ بینینەكێ دبینیت.
10
ئەو ژ خالا زێرەڤانیێ یا ئێكێ و دوویێ دەرباز بوون و گەهشتنە دەرگەهێ زیندانێ یێ ئاسنی، ئەوێ دچیتە باژێڕی، ئینا ئەو ب خۆ بۆ وان ڤەبوو. ئەو دەركەفتن و ژ كۆلانەكێ دەربازبوون، ئێكسەر فریشتەی ئەو هێلا.
11
هنگی پەترۆس هاتە سەر هشێن خۆ و گۆت: «نوكە پشتڕاست من زانی كو خودانی فریشتەیێ خۆ یێ هنارتی و ئەز ژ دەستێ هێرودێسی و ژ وان هەمی تشتان ئەوێن خەلكێ جوهی ل هیڤیێ بوون، قورتال كرم!»
12
پشتی كو د ڤێ چەندێ گەهشتی، چوو مالا مەریەما دایكا یوحەننای ئەوێ دگۆتنێ مەرقۆس و ژمارەیەكا مەزن ژ باوەرداران د كۆمبووی بوون و نڤێژ دكرن.
13
دەمێ دەرگەهێ ژ دەرڤە قوتای، كەنیزەیەك ب ناڤێ رۆدا هات، دا گوهێ خۆ بدەتە دەرگەهی.
14
دەمێ دەنگێ پەترۆسی نیاسی، دەرگەهـ ژ كەیفان دا ڤەنەكر، ب غار چوو ژۆر و گۆتە وان كو پەترۆس یێ ل بەر دەرگەهی.
15
وان گۆتێ: «تۆ یا دین بووی!» لێ ئەو ل سەر ئاخفتنا خۆ یا رژد بوو. وان گۆت: «ئەو فریشتەیێ ویە!»
16
لێ پەترۆس ل سەر دەرگەهـ قوتانێ یێ بەردەوام بوو تا بۆ وی ڤەكری و دەمێ وان ئەو دیتی، گوهشین.
17
پەترۆسی ب دەستێ خۆ ئاماژە كر، كو بێدەنگ بن و بۆ وان ڤەگێڕا كا چەوا خودانی ئەو ژ زیندانێ دەرئێخست و گۆت: «ڤێ چەندێ بێژنە یەعقوبی[c] و برایان،» پاشی دەركەفت و چوو جهەكێ دی.
18
دەمێ بوویە سپێدە، تێكچوونەكا نە بچویك كەفتە د ناڤ سەربازان دا و پرسیاركرن: «ئایا چ ل پەترۆسی هات؟»
19
هێرودێسی فەرمانا لێ گەڕیانا وی دا، لێ دەمێ نەدیتی، لێپرسین ل گەل زێرەڤانان كر و فەرمان ب كوشتنا وان دا. پاشی هێرودێس ژ دەڤەرا یەهودیایێ خواركەفتە قەیسەریێ و ل وێرێ ما.
مرنا هێرودێسی 
20
هێرودێس ژ خەلكێ سور و سایدا یێ تۆڕە بوو، ئینا ئەو ب ئێك دل هاتنە نك وی. ئەوان بلاستوسێ سەرپەرشتێ مالا پاشای قاییل كر و داخوازا ئاشتیێ كر، چنكو دەڤەرا وان خۆراكێ خۆ ژ دەڤەرا پاشایەتیا هێرودێسی دئینا.
21
د رۆژا دەستنیشان كری دا هێرودێسی جلكێن خۆ یێن پاشایەتیێ كرنە بەر خۆ و ل سەر تەختی روینشت و گۆتارەك پێشكێشی وان كر.
22
مللەتی گازی كر: «ئەڤە دەنگێ خوداوەندەكیە، نە دەنگێ مرۆڤانە!»
23
د گاڤێ دا فریشتەیەكێ خودانی دربەك لێدا، چنكو وی مەزناهی بۆ خودێ نەدانا، ئینا ئەو ب كرمان هاتە خوارن و مر!
24
لێ پەیڤا خودێ گەشە بوو و پتر بەڵاڤ دبوو.
25
بارناباس و شائوولی كارێ خۆ ب دویماهی ئینا و ژ ئورشەلیمێ ڤەگەڕیانەڤە و یوحەننایێ ناڤدار ب مەرقۆس ل گەل وان بوو.
  1. a. 12‏:3 q جەژنا نانێ شكەڤا ل فەرهەنگۆكێ بنێڕە.
  2. b. 12‏:7 ل ڤێرێ ‹خودان› جهناڤێ خودێیە، ل فەرهەنگۆكێ بنێڕە پەیڤا \k خودان\k*
  3. c. 12‏:17 q یەعقوب: برایێ عیسایێ مەسیحە. ل فەرهەنگۆكێ بنێڕە