عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- پەترۆس روهنكرنێ بۆ جڤاكا باوەرداران پێشكێش دكەت
- 1
- هنارتی و برایان ل یەهودیایێ بهیست كو مللەتێن نەجوهی ژی پەیڤا خودێ یا وەرگرتی.
- 2
- دەمێ پەترۆس سەركەفتیە ئورشەلیمێ، باوەردارێن سونەتكری[a] رەخنە لێ گرت
- 3
- و گۆتن: «تۆ چوویە مالا زەڵامێن سونەتنەكری[b] و تە ل گەل وان خوار!»
- 4
- پەترۆسی دەست پێ كر بۆ وان ئێك ل دویڤ ئێكێ شڕۆڤە كر و گۆت:
- 5
- «من ل باژێڕێ یافا نڤێژ دكر و د بێهشیێ دا من بینینەك دیت كو تشتەكێ وەكو چارچەڤەكا مەزن داددا، ژ هەر چوار كوژیان ڤە ژ ئەسمانی دهاتە شۆڕكرن و نێزیكی من بوو.
- 6
- دەمێ من باش بەرێ خۆ دایێ و هزر تێدا كری، من گیانەوەرێن چوارپێ یێن ئەردی و دڕندە و خشۆك و باڵندەیێن ئەسمانی دیتن.
- 7
- هنگی من گوهـ ل دەنگەكی بوو، گۆتە من: ‹پەترۆس، رابە، ڤەكوژە و بخۆ.›
- 8
- ئینا من بەرسڤ دا: ‹حاشا، خودان! تشتێ هەڕمی یان حەرام چ جاران نەچوویە د دەڤێ من دا.›
- 9
- ئینا ئەوی دەنگی دووبارە ژ ئەسمانی بەرسڤا من دا: ‹ئەو تشتێ خودێ پاقژ كری، نەبێژە یێ هەڕمیە.›
- 10
- ئەڤ تشتە سێبارە بوو و پاشی هەمی بۆ ئەسمانی هەلكێشانەڤە.
- 11
- هەر د وی دەمی دا، سێ زەڵام ل بەر دەرگەهێ وێ مالێ راوەستیان یا ئەم لێ مێڤان، كو ژ قەیسەریێ هنارتبوونە ب دویڤ من را.
- 12
- ئینا گیانی فەرمان ل من كر كو بێ دوودلی ل گەل وان بچم. ئەڤ هەر شەش برایە ل گەل من هاتن و ئەم چووینە د مالا وی زەڵامی ڤە یێ ئەو هنارتینە ب دویڤ من را.
- 13
- وی ژی بۆ مە ڤەگێڕا كا چەوا وی فریشتە دیت د مالا وی ڤە یێ راوەستیایە و دبێژیتە وی: ‹هندەكان بهنێرە یافایێ و گازی شەمعونی بكە، ئەوێ دبێژنێ پەترۆس.
- 14
- ئەو دێ پەیامەكێ گەهینیتە تە، تۆ و هەمی خەلكێ مالا تە دێ پێ قورتال بن.›
- 15
- دەمێ من دەست ب ئاخفتنێ كری، گیانێ پیرۆز ب سەر وان دا هات، هەروەكو ل دەستپێكێ ب سەر مە دا هاتی.
- 16
- ئینا گۆتنا خودانی هاتە بیرا من، كو گۆتبوو: ‹یوحەننای ب ئاڤێ تافیر كر، لێ هوین دێ ب گیانێ پیرۆز هێنە تافیركرن.›[c]
- 17
- ئەڤجا ئەگەر خودێ ئەو دیاری دابیتە وان وەكو یا دایە مە، دەمێ مە باوەری ب خودان عیسایێ مەسیح ئینای، ما ئەز كیمە دا بشێم بەرهنگاریا خودێ بكەم؟»
- 18
- دەمێ وان گوهـ ل ڤێ چەندێ بووی، بێدەنگ بوون. ئەوان پەسنا[d] خودێ كر و گۆتن: «ئانكو خودێ لخۆزڤڕین ژ بۆ ژیانێ یا دایە مللەتێن نەجوهی ژی.»
- جڤاكا باوەرداران ل ئەنتاكیایێ
- 19
- ئەڤجا ئەوێن ژ ئەگەرێ وێ تەپەسەریا پشتی كوشتنا ستیڤانۆسی بەڵاڤبووین، چوونە فینیقیا و قوبرس و ئەنتاكیایێ و وان بەحسێ مزگینیێ بۆ كەسێ نەدكر، ژبلی جوهیان.
- 20
- لێ هندەك ژ وان هەبوون، خەلكێ قوبرس و قەیرەوانێ بوون، دەمێ گەهشتینە ئەنتاكیایێ، بۆ یونانیان ژی دئاخفتن و مزگینیا خودان عیسای ددایێ.
- 21
- دەستێ خودانی ل گەل وان بوو و ژمارەیەكا زۆر باوەری ئینا و بۆ خودانی زڤڕین.
- 22
- ئەڤ نوچە گەهشتە جڤاكا باوەرداران ل ئورشەلیمێ، ئینا ئەوان بارناباس هنارتە ئەنتاكیایێ.
- 23
- دەمێ گەهشتی و كەرەما خودێ دیتی، گەلەك كەیفخۆش بوو و هەمی هاندان كو ژ دل ل گەل خودانی بمینن.
- 24
- ئەو مرۆڤەكێ باش بوو و ژ گیانێ پیرۆز و باوەریێ یێ پڕ بوو. گەلەك كەس ژی گەهشتنە خودانی.
- 25
- بارناباس چوو تەرسۆسێ دا ل شائوولی بگەڕیێت،
- 26
- دەمێ دیتی، وی ئەو ئینا ئەنتاكیایێ. ساڵەكا تەمام ئەو پێكڤە ل گەل جڤاكا باوەرداران كۆم دبوون و گەلەك كەس فێر دكرن. ل ئەنتاكیایێ بوو كو شاگرد بۆ جارا ئێكێ ب ‹مەسیحی› هاتنە بناڤكرن.
- 27
- ل وان رۆژان هندەك پێغەمبەر[e] ژ ئورشەلیمێ ژۆردا هاتنە ئەنتاكیایێ.
- 28
- ئێك ژ وان ناڤێ وی ئاگابۆس بوو و د كۆمبوونەكێ دا رابوو ژ پێرڤە و ب رێكا گیانی[f] دیار كر كو نێزیكە دێ كولبەكا مەزن ل هەمی جیهانێ[g] چێبیت. (ئەڤ كولبە ل سەر دەمێ قەیسەر كلودیۆسی چێبوو.)
- 29
- ئینا شاگردان ل ئەنتاكیایێ بڕیار دا، كو هەر ئێك ل دویڤ پێچێبوونا خۆ هاریكاریێ بۆ برایێن ل یەهودیایێ[h] بهنێریت.
- 30
- وان ئەڤ چەندە كر و ب دەستێ بارناباسی و شائوولی بۆ ریهسپیان هنارت.
- a. 11:2
q باوەردارێن سونەتكری: ئانكو جوهیێن باوەری ب عیسای ئینای. - b. 11:3
q سونەتنەكری: ئانكو ئەوێن نەجوهی. - c. 11:16 كارێن هنارتیان 1:5
- d. 11:18
q پەسن: مەدح و سەنا - e. 11:27
q پێغەمبەر: ئەوێن پەیاما خودێ رادگەهاندن. ل فەرهەنگۆكێ بنێڕە. - f. 11:28
q گیان: مەبەست پێ گیانێ پیرۆزە كو گیانێ خودێیە. ل فەرهەنگۆكێ بنێڕە گیانێ پیرۆز*. - g. 11:28 مەبەست پێ هەمی ئیمپراتۆریا رۆمایێیە.
- h. 11:29 ئانكو: باوەردارێن ل یەهودیایێ.
