Isa got,
«Erd û ezman wê bibihûrin, lê peyvên min tu caran nabihûrin.»
Încîl (Mizgînî)
- Ji bo şefê muzîkê, Zebûra lawên Korah e.
- 1
- Ey hemû miletno, li çepikan xin!
Bi stranên şahiyê biqîrin ji Xwedê re! - 2
- Çimkî Xudan, Yê Herî Berz e, tirsdar e,
Li ser tevahiya erdê, padîşahê mezin e. - 3
- Ew miletan dike bin me,
Ummetan dike bin lingê me. - 4
- Wî mîrasa me ji bo me bijart,
Serbilindiya Aqûbê ku wî jê hez dikir. - 5
- Xwedê bi qîrîna şahiyê,
Xudan bi dengê boriyê bilind bû. - 6
- Pesnê Xwedê bidin, bidin pesnê wî;
Pesnê padîşahê me bidin, pesnê wî bidin! - 7
- Çimkî Xwedê padîşahê hemû dinê ye,
Bi têgihîştin, bidin pesin! - 8
- Xwedê li ser textê xwe yê pîroz rûdinê,
Padîşahî dike li ser hemû miletan. - 9
- Serokên miletan, li hev civiyan,
Ji bo ku bibin milet ji bo Xwedayê Brahîm;
Çimkî mertalgirên erdê, yên Xwedê ne.
Ew gellek mezin e.
