عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .
کتێبی پیرۆز
- خشتەی نەتەوەکان لەدوای لافاوەکە
- 1
- ئەمانەش نەوەکانی نوحن، سام و حام و یافەت کە دوای لافاوەکە ئەوانیش کوڕیان بوو.
- یافەتییەکان
- 2
- کوڕەکانی یافەت:
گۆمەر، ماگۆگ، مادەی، یاڤان، توبال، مەشەک و تیراس. - 3
- کوڕەکانی گۆمەر:
ئەشکەنەز، ڕیفەت و تۆگەرما. - 4
- کوڕەکانی یاڤان:
ئەلیشا، تەرشیش، کیتیم[a] و ڕۆدانیم. - 5
- لەمانەوە نەتەوەکانی کەنار ئاوەکان[b] بەنێو خاکەکانیاندا بڵاو بوونەوە، هەریەکەیان بەپێی زمان و هۆز و نەتەوەی خۆی.
- حامییەکان
- 6
- کوڕەکانی حام:
کوش، میسر، پووت و کەنعان. - 7
- کوڕەکانی کوش:
سەبا، حەڤیلا، سەڤتا، ڕەعما و سەبتەکا.
کوڕەکانی ڕەعما:
شەبا و دیدان. - 8
- نەمرود لە نەوەی کوش لەدایکبوو، کە بووە جەنگاوەرێکی مەزن لەسەر زەوی.
- 9
- ئەو لەبەردەم یەزدان بووە ڕاوچییەکی بەتوانا. لەبەر ئەمەیە دەگوترێت: «وەک نەمرودیت، ڕاوچییەکی بەتوانا لەبەردەم یەزدان.»
- 10
- سەرەتای شانشینەکەی بابل، ئەرەک، ئەکەد و کەلنێ بوو لە خاکی شینعار[c] .
- 11
- لەو خاکەوە چوو بۆ ئاشور، لەوێ نەینەوا، ڕەحۆبۆت عیر و کەلەحی بنیاد نا،
- 12
- هەروەها ڕەسەن کە شارە گەورەکەیە دەکەوێتە نێوان نەینەوا و کەلەح.
- 13
- میسر باوکی
لوودی، عەنامی، لەهابی، نەفتوحی، - 14
- پاتروسی و کەفتۆری بوو، هەروەها باوکی کەسلوحییەکانیش بوو کە فەلەستییەکانیان لێ کەوتنەوە.
- 15
- کەنعان باوکی
سەیدا بوو، کە نۆبەرەکەی بوو، لەگەڵ حیتییەکان، - 16
- هەروەها یەبوسی، ئەمۆری، گرگاشی،
- 17
- حیڤی، عەرقی[d] ، سینی[e] ،
- 18
- ئەرڤادی، چیماری و حەماتییەکانیشی بوو.
لەدوای ئەوە هۆزەکانی کەنعانییەکان بڵاو بوونەوە. - 19
- سنووری کەنعانییەکان لە سەیداوە بە گراردا دەڕۆیشت هەتا دەگەیشتە غەزە، پاشان بە سەدۆم، عەمۆرا، ئەدما و چەبۆئیمدا دەڕۆیشت هەتا لەشەع.
- 20
- ئەمانە نەوەی حامن، بەپێی هۆز و زمانیان، لە خاک و نەتەوەکانیان.
- سامییەکان
- 21
- سامیش کوڕی بوو کە یافەت برای گەورەی بوو. سام باپیرە گەورەی هەموو کوڕانی عێبەر بوو.
- 22
- کوڕەکانی سام:
ئیلام، ئەشوور، ئەرپەکشاد، لوود و ئارام. - 23
- کوڕەکانی ئارام:
عوچ، حوول، گەتەر و مەشەک. - 24
- ئەرپەکشاد باوکی شالەح بوو،
شالەحیش باوکی عێبەر بوو. - 25
- عێبەریش دوو کوڕی بوو،
یەکێکیان ناوی پەلەگ[f] بوو، چونکە لە سەردەمی ئەودا زەوی دابەش کرا. براکەشی ناوی یۆقتان بوو. - 26
- یۆقتان ئەم کوڕانەی هەبوو:
ئەلمۆداد، شەلەف، حەچەرماڤەت[g] ، یارەح، - 27
- هەدۆرام، ئوزال، دیقلە،
- 28
- عۆبال، ئەبیمائێل، شەبا،
- 29
- ئۆفیر، حەڤیلا و یۆڤاڤ. هەموو ئەمانە کوڕانی یۆقتان بوون.
- 30
- نشینگەکانیان لە مێشاوە دەستی پێدەکرد هەتا دەگەیشتە سفاری ناوچە شاخاوییەکانی ڕۆژهەڵات.
- 31
- ئەمانەن نەوەی سام، بەپێی هۆزیان و زمانیان، لە خاکیان و بەپێی نەتەوەکانیان.
- 32
- ئەمانەن هۆزەکانی نەوەی نوح بەپێی نەوەکانیان لەنێو نەتەوەکانیان. لە ئەوانیشەوە لەدوای لافاوەکە نەتەوەکان بەسەر زەویدا بڵاو بوونەوە.
- a. 10:4 کیتیم واتا کیتییەکان، خەڵکی قوبرس.
- b. 10:5 ئەو نەتەوانەی کە لە کەنار دەریای ناوەڕاستدا دەژیان.
- c. 10:10 شینعار ناوێکی عیبرییە بۆ تەواوی خاکی بابل، کە دەکەوێتە ناوەندی ئێراقی ئێستا.
- d. 10:17 عەرق: هەمان شاری عەرقە ئەمڕۆش لە لوبنان هەیە.
- e. 10:17 سین: لەوانەیە لە نزیکی شاری عەرق لە لوبنان بووبێت. بڕوانە یەکەم پوختەی مێژوو 1:15.
- f. 10:25 پەلەگ واتا دابەشکردن.
- g. 10:26 حەچەرماڤەت: ناوی ئاواییەکیشە لە یەمەن، لە ناوچەیەک کە ئێستا بە حەدرەمەوت ناسراوە.
