عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- موهركرنا بەنیێن خودێ ژ هۆزێن ئیسرائیل
- 1
- پشتی وێ چەندێ من چوار فریشتەیێن راوەستیای ل سەر هەر چوار كوژیێن ئەردی دیتن، وان هەر چوار بایێن ئەردی دگرتن، دا چ با ل سەر ئەردی، نە ل سەر دەریایێ، نە ژی ل سەر چ داران نەهێن.[a]
- 2
- من فریشتەیەكێ دی ژی دیت، ژ رۆژهەلاتێ دەردكەفت، موهرا خودایێ زیندی ڤێ بوو. ب دەنگەكێ بلند گازی وان هەر چوار فریشتەیان كر، ئەوێن دەستهەلاتی بۆ هاتیە دان كو زیانێ ل ئەردی و دەریایێ بكەن.
- 3
- وی فریشتەی گۆت: «زیانێ ل ئەردی و دەریایێ و داران نەكەن، تاكو ئەم ئەنیا بەنیێن خودایێ خۆ موهر نەكەین.»[b]
- 4
- وی دەمی من بهیست ژمارەیا ئەوێن هاتبوونە موهركرن، سەد و چل و چوار هزار بوون، ژ هەمی هۆزێن كوڕێن ئیسرائیلی هاتبوونە موهركرن:
- 5
- ژ هۆزا یەهودای دوازدە هزار هاتبوونە موهركرن،
ژ هۆزا رووبێنی دوازدە هزار،
ژ هۆزا گادی دوازدە هزار، - 6
- ژ هۆزا ئاشێری دوازدە هزار،
ژ هۆزا نەفتالی دوازدە هزار،
ژ هۆزا مناشەی دوازدە هزار، - 7
- ژ هۆزا شەمعونی دوازدە هزار،
ژ هۆزا لێڤی دوازدە هزار،
ژ هۆزا ئیساخاری دوازدە هزار، - 8
- ژ هۆزا زەبولونی دوازدە هزار،
ژ هۆزا یوسڤی دوازدە هزار،
ژ هۆزا بنیامینی دوازدە هزار هاتبوونە موهركرن. - جەماوەرەكێ مەزن ژ هەمی مللەتان
- 9
- پشتی ڤان تشتان من بەرێ خۆ دایێ، ئەڤە جەماوەرەكێ مەزن، كەس نەدشیا بهژمێریت، ژ هەمی مللەت و هۆز و گەل و زمانان، ل بەرامبەر تەختی و ل بەرامبەر بەرخی د راوەستیای بوون، جلكێن سپی ل بەر وان بوون و تایێن دارقەسپێ د دەستی وان دا بوون.
- 10
- وان ب دەنگەكێ بلند گازی دكر و دگۆت:
«قورتالبوون ب دەستێ خودایێ مەیە،
ئەوێ ل سەر تەختی روینشتی
و ب دەستێ بەرخیە.» - 11
- هەمی فریشتە ل دۆرێن تەختی و ریهسپی و هەر چوار ئافراندیێن زیندی د راوەستیای بوون، ئەوان ل بەرامبەر تەختی دەڤ و دەڤ خۆ هاڤێتە ئەردی و سوجدە بۆ خودێ بر
- 12
- و دگۆت:
«ئامین! پەسن و مەزناهی و ئاقلمەندی
و سوپاسی و رێز و شیان و هێز،
هەروهەر بۆ خودایێ مە بن! ئامین.» - 13
- ئێك ژ وان ریهسپیان ئاخفت و گۆتە من: «ئەڤێن جلكێن سپی ل بەر، كینە و ژ كیرێ هاتینە؟»
- 14
- من گۆتێ: «ئەزبەنی، تۆ دزانی.» هنگی وی گۆتە من: «ئەڤە ئەون یێن ژ تەنگاڤیا مەزن هاتین و جلكێن خۆ ب خوینا بەرخی شویشتین و سپی كرین.[c]
- 15
- لەوما ئەو ل بەرامبەر تەختێ خودێنە،
د پەرستگەها وی ڤە، ب شەڤ و رۆژ وی دپەرێسن.
ئەوێ ل سەر تەختی روینشتی
ب خیڤەتا خۆ دێ وان پارێزیت. - 16
- ئێدی ئەو نە برسی دبن و نە تێهنی دبن،
نە تاڤ ل وان ددەت، نە ژی گەرما سوژەك.[d] - 17
- چنكو ئەو بەرخێ ل ناڤەڕاستا تەختی،
دێ شڤانیێ ل وان كەت
و دێ وان بەتە سەر كانیێن ئاڤا ژیانێ
و خودێ دێ هەمی رۆندكان ژ چاڤێن وان ڤەمالیت.»[e]
- a. 7:1 دانیێل 7:2
- b. 7:3 حزقیێل 9:4-6
- c. 7:14 دانیێل 12:1؛ مەتتا 24:21
- d. 7:16 ئیشایا 49:10
- e. 7:17 زەبوور 23:1-2؛ ئیشایا 25:8؛ 49:10
