عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- ئبلیس عیسای تاقی دكەت
- 1
- پاشی گیانێ خودێ عیسا برە چۆلی، دا ژ لایێ ئبلیسی ڤە بهێتە تاقیكرن.
- 2
- پشتی چل رۆژ و چل شەڤان ب رۆژی بووی، برسی بوو.
- 3
- تاقیكەر هاتە نك وی و گۆتێ: «ئەگەر تۆ كوڕێ خودێی، بێژە ڤان بەران ببنە نان!»
- 4
- عیسای بەرسڤ دا و گۆت: «یا هاتیە نڤیسین:
‹مرۆڤ نە ب تنێ ب نانی دژیت،
لێ ب هەر پەیڤەكا ژ دەڤێ خودێ دەردكەڤیت.›[a] » - 5
- پاشی ئبلیسی ئەو برە باژێڕێ پیرۆز و ل سەر لێڤا بانێ پەرستگەهێ راوەستاند
- 6
- و گۆتێ: «ئەگەر تۆ كوڕێ خودێی، خۆ بهاڤێژە خوارێ، چنكو یا هاتیە نڤیسین:
‹ئەو دێ دەربارەی تە فەرمانێ ل فریشتەیێن خۆ كەت
و دێ تە ل سەر دەستێن خۆ هەلگرن،
نەكو پێیێ تە ب بەرەكی بكەڤیت›.»[b] - 7
- عیسای گۆتێ: «هەروەسا یا هاتیە نڤیسین: ‹خودان خودایێ خۆ تاقی نەكە›!»[c]
- 8
- پاشی ئبلیسی ئەو برە سەرێ چیایەكێ گەلەك بلند و هەمی پاشایەتیێن جیهانێ و مەزناهیا وان نیشا دان
- 9
- و گۆتێ: «ئەز دێ ڤان هەمیان دەمە تە، ئەگەر تۆ بۆ من چوك ڤەدەی و سوجدێ ببەی!»
- 10
- ئینا عیسای گۆتێ: «هەڕە هەی ئبلیس! چنكو یا هاتیە نڤیسین:
‹بۆ خودان خودایێ خۆ سوجدێ ببە و وی ب تنێ بپەرێسە›.»[d] - 11
- وی دەمی ئبلیسی ئەو هێلا و وەسا چێبوو فریشتە هاتنە نك و خزمەتا وی كر.
- عیسا دەست ب كارێ مزگینیدانێ دكەت
- 12
- پشتی عیسای گوهـ لێ بووی كو یوحەننا یێ هاتیە گرتن، چوو جەلیل
- 13
- و ناسیرە هێلا و بەرەڤ كەفەرناحوم چوو، ئەوا دكەڤیتە سەر لێڤا دەریاكێ، ل ناڤ سنوورێن زەبولون و نەفتالی و ل وێرێ ئاكنجی بوو.
- 14
- ئەڤ چەندە چێبوو داكو ئەوا ب رێیا ئیشایا پێغەمبەری هاتیە گۆتن، ب جهـ بهێت، دەمێ دبێژیت:
- 15
- «ئەردێ زەبولون و ئەردێ نەفتالی،
رێكا دەریایێ ل لایێ دی یێ رویبارێ ئوردن
و دەڤەرا جەلیلا مللەتان،[e] - 16
- ئەو خەلكێ د تاریاتیێ دا روینشتی،
رۆناهیەكا مەزن دیت
و ئەوێن ل دەڤەر و سیبەرا مرنێ دروینشتی،
رۆناهیەك ب سەردا هەلات.»[f] - 17
- ژ هنگی وەرە عیسای دەست ب راگەهاندنا مزگینیێ كر و دگۆت: «ل خۆ بزڤڕن، چنكو پاشایەتیا ئەسمانان یا نێزیك بووی.»
- عیسا شاگردێن ئێكەمین داخواز دكەت
- 18
- دەمێ عیسا ل بەر كنارێ دەریاكا جەلیل بڕێڤە دچوو، دوو برایێن ئێك دیتن، ئەو ژی شەمعون یێ دگۆتنێ پەترۆس و برایێ وی ئەندراوس بوون، یێ تۆڕێ دهاڤێژنە د دەریاكێ دا، چنكو ئەو ماسیگر بوون.
- 19
- گۆتە وان: «ب دویڤ من بكەڤن، دێ هەوە كەمە نێچیرڤانێن مرۆڤان[g] !»
- 20
- ئێكسەر وان تۆڕێن خۆ هێلان و ب دویڤ وی كەفتن.
- 21
- پاشی ژ وێرێ وێڤەتر چوو، دوو برایێن دی دیتن، ئەو ژی یەعقوبێ كوڕێ زەبەدی و یوحەننایێ برایێ وی بوون. د بەلەمێ دا ل گەل بابێ خۆ تۆڕێن خۆ دروست دكرن، ئینا گازی وان كر.
- 22
- وان ئێكسەر بەلەم و بابێ خۆ هێلان و ب دویڤ وی كەفتن.
- عیسا فێركرنێ دكەت و نەخۆشان ساخ دكەت
- 23
- عیسا ل ناڤ هەمی دەڤەرا جەلیل دگەڕیا و فێركرن د ناڤ كنیشتەیێن[h] وان دا دكر، مزگینیا پاشایەتیێ رادگەهاند و هەمی دەرد و نەخۆشیێن د ناڤ خەلكی دا ساخ دكرن.
- 24
- ئەڤجا ناڤودەنگێن وی ل هەمی سوریێ[i] بەڵاڤ بوو، ئەوان ژی هەمی نەخۆش ئینانە نك، یێن دەرد و ژانێن جۆراوجۆر لێ، یێن ئەجنەیان هنگافتی، یێن تەبۆیی و یێن فاڵنجیبووی. وی هەمی ساخ كرن
- 25
- و جەماوەرێن مەزن ژ جەلیل و دێكاپۆلیس[j] و ئورشەلیمێ و یەهودیایێ و لایێ دی یێ رویبارێ ئوردن[k] ب دویڤ كەفتن.
- a. 4:4 گۆتارا مووسای 8:3
- b. 4:6 زەبوور 91:11-12
- c. 4:7 گۆتارا مووسای 6:16
- d. 4:10 گۆتارا مووسای 6:13
- e. 4:15
q مللەتان: مەبەست پێ مللەتێن نە جوهی. - f. 4:16 ئیشایا 9:1-2
- g. 4:19
q نێچیرڤانێن مرۆڤان: ئانكو یێن مرۆڤان قاییل دكەن كو ببنە شاگردێن مەسیحی. - h. 4:23
q كنیشتە: جهێ پەرستنێ یێ جوهیان. ل فەرهەنگۆكێ بنێڕە. - i. 4:24
q سوری: مەبەست پێ ئەو دەڤەرە یا دكەڤیتە باكوورێ جەلیل. ل فەرهەنگۆكێ بنێڕە. - j. 4:25
q دێكاپۆلیس: ئانكو دەهـ باژێڕ. ل فەرهەنگۆكێ بنێڕە. - k. 4:25 رویبارێ ئوردن دكەڤیتە رۆژهەلاتێ ئورشەلیمێ و ‹لایێ دی یێ رویبارێ ئوردن› رۆژهەلاتێ رویباریە.
