عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- رابوونا مەسیحی
- 1
- نوكە ئەز دێ وێ مزگینیێ ئینمە بیرا هەوە، گەلی خویشك و برایان، ئەوا من دایە هەوە و هەوە ژی قەبیل كری و خۆ پێڤە گرێ دای.
- 2
- هوین ب وێ قورتال دبن ژی، ئەگەر هوین وێ پەیامێ یا من بۆ هەوە راگەهاندی قاییم بگرن. ژبلی ئەگەر هەوە ژ قەستا باوەری ئینابیت[a] .
- 3
- چنكو من بەری هەر تشتەكی ئەو بۆ هەوە راگەهاند یا من ژی وەرگرتی: كو مەسیح ژ پێخەمەت گونەهێن مە مر، هەروەكو بەری هنگی د نڤیسارێن پیرۆز[b] دا هاتبوو نڤیسین.
- 4
- ئەو هاتە ڤەشارتن و ل رۆژا سێیێ رابوو، هەروەكو بەری هنگی د نڤیسارێن پیرۆز[c] دا هاتبوو نڤیسین.
- 5
- ئەو بۆ كیفاسی[d] ، پاشی بۆ هەر دوازدان دیار بوو،[e]
- 6
- پشتی هنگی بۆ پتر ژ پێنج سەد برایان[f] ب جارەكێ دیار بوو، پڕانیا وان تا نوكە یێن ماین، لێ هندەك یێن نڤستین[g] ،
- 7
- پاشی بۆ یەعقوبی دیار بوو و پشتی هنگی بۆ هەمی هنارتیان،
- 8
- ل دویماهیا هەمیان بۆ من ژی دیار بوو، هەروەكو ئەز ژ دایكبوویەكێ نە د دەمێ خۆ دا بم،[h]
- 9
- چنكو ئەز كێمترین هنارتیمە، نە هەژیمە وەكو هنارتی بهێمە بناڤكرن، چنكو من جڤاكا گازیكریێن خودێ تەپەسەر كربوو.[i]
- 10
- لێ ئەز چ بم، ئەز ب كەرەما خودێ ئەوم و كەرەما وی یا بۆ من هاتیە دان یا ژ قەستا نەبوو، ب راستی من ژ وان هەمیان پتر كار كر. لێ نە من كار دكر، كەرەما خودێ، ئەوا ل گەل من، كار دكر.
- 11
- ئەڤجا چ ئەز بم یان ئەو، ئەم هۆسا رادگەهینین و هەوە ژی هۆسا باوەر كریە.
- رابوونا مریان
- 12
- مادەم ئەم هەمی رادگەهینین كو مەسیح ژ ناڤ مریان رابوویە، چەوا هندەك ژ هەوە دبێژن: «رابوونا مریان نینە»!
- 13
- ئەگەر رابوونا مریان نەبیت، مەسیح ژی نەهاتیە راكرن.
- 14
- ئەڤجا ئەگەر مەسیح رانەبوویە، هنگی راگەهاندنا مە یا ژ قەستایە و باوەریا هەوە ژی یا ژ قەستایە.
- 15
- ئەم ژی دێ د دەرهەقا خودێ دا دەركەڤین شاهدێن درەوین، چنكو مە بۆ خودێ شاهدەیی دا كو وی مەسیح ژ ناڤ مریان راكر، لێ ئەگەر ب راستی مری ناهێنە راكرن، هنگی وی ئەو رانەكریە.
- 16
- چنكو ئەگەر مری رانابن، مەسیح ژی رانەبوویە.
- 17
- ئەگەر مەسیح رانەببیت، باوەریا هەوە یا بێ مفایە، هوین هێشتا یێن د ناڤ گونەهێن خۆ دا.
- 18
- وی دەمی، ئەوێن ل سەر باوەریێ ب مەسیحی نڤستین ژی یێن ژناڤچووین.
- 19
- ئەگەر هیڤیا مە ب مەسیحی ب تنێ بۆ ڤێ ژیانێ بیت، هنگی ئەم ژ هەمی مرۆڤان پەریشانترین.
- 20
- لێ راستی ئەوە كو مەسیح ژ ناڤ مریان رابوویە و ئەو خێڤەیێ[j] نڤستیانە.
- 21
- مادەم مرن ب رێكا مرۆڤەكی هاتیە، رابوونا مریان ژی ب رێكا مرۆڤەكی هات.
- 22
- كا چەوا هەمیێن ژ ئادەمی بووین دمرن، هۆسا هەمیێن ژ مەسیحی بووین دێ هێنە ڤەژاندن.
- 23
- لێ هەر كەس ب دۆرا خۆ: ل بەراهیێ مەسیح كو خێڤەیە، پاشی د دەمێ هاتنا وی دا، ئەوێن كو یێن وینە.
- 24
- پشتی هنگی دویماهی دێ هێت، دەمێ مەسیح پاشایەتیێ ددەتە دەستێ خودایێ باب، پشتی كو هەمی سەروەری و دەستهەلات و هێزان ژ ناڤ دبەت.
- 25
- چنكو دڤێت مەسیح دەستهەلاتداریێ بكەت، تا ئەو هەمی دوژمنێن خۆ بكەتە دبن پێیێن خۆ ڤە.[k]
- 26
- دوژمنێ دویماهیێ یێ كو دهێتە ژناڤبرن، مرنە.
- 27
- چنكو خودێ «هەمی تشت ئێخستنە د بن پێیێن وی ڤە،»[l] هەروەكو د نڤیساران دا هاتی. لێ دەمێ دبێژیت «هەمی تشت» ملكەچی وی كرن، یا ئاشكرایە كو ژ خودێ ب خۆ ناگریت، ئەوێ هەمی تشت ملكەچی مەسیحی كرین.
- 28
- دەمێ هەمی تشت ملكەچی وی هاتنە كرن، هنگی كوڕ ب خۆ ژی دێ ملكەچی وی بیت، یێ هەمی تشت ملكەچی وی كرین، داكو خودێ هەمی تشت بیت د هەر تشتەكی دا.
- 29
- ئەگەر نە، ئەوێن ژ پێخەمەت مریان دهێنە تافیركرن، دێ چ كەن؟ ئەگەر مری ب ئێكجاری رانابن، ئەڤجا ئەو بۆچی ژ پێخەمەت وان دهێنە تافیركرن؟
- 30
- و بۆچی ئەم هەردەم خۆ دئێخینە د مەترسیێ دا؟
- 31
- ئەز ب وێ شانازیێ سویند دخۆم، یا من ب هەوە هەی ل نك مەسیح عیسایێ خودانێ مە، گەلی خویشك و برایان، ئەز هەر رۆژ دمرم.
- 32
- ئەگەر ل ئەفەسۆسی من شەڕ ل گەل هندەكان كر بیت، ئەوێن مرۆڤ دشێت بێژیتە وان گیانەوەرێن دڕندە، چ مفای دگەهینیتە من؟ ئەگەر مری رانابن، ئەڤجا «دا بخۆین و ڤەخۆین، چنكو ئەم سوبەهی دێ مرین.»[m]
- 33
- نەهێنە خاپاندن: «هەڤالینیا خراب رەوشتێ جوان پویچ دكەت.»[n]
- 34
- وەرنە سەر هشێ خۆ یێ دروست و ئێدی گونەهێ نەكەن، چنكو دەربارەی خودێ هندەك ژ هەوە د نەزانن. ئەز ڤێ دبێژم دا هوین شەرم ژ خۆ بكەن.
- لەشێ ژ مرنێ رابووی
- 35
- لێ دبیت ئێك بێژیت: «مری چەوا رادبن؟ لەشێ وان دێ یێ چەوا بیت؟»
- 36
- هەی نەزان! ئەو تشتێ تۆ دچینی شین نابیت تاكو نەمریت.
- 37
- تشتێ تۆ دچینی، تۆ وی لەشی ناچینی یێ كو دێ پاشی بیتێ، لێ دندكەكا رویتە، دبیت ژ گەنمی بیت یان ژی ژ دانەكێ دی بیت.
- 38
- لێ خودێ هەروەكو وی ڤیای لەشەكی ددەتێ و هەر دندكەكێ لەشەكێ تایبەت ددەتێ.
- 39
- پێكهاتەیا هەمی لەشان[o] وەكو ئێك نینە: پێكهاتەیا لەشێ مرۆڤان یا جودایە، پێكهاتەیا لەشێ گیانەوەران یا جودایە، پێكهاتەیا لەشێ باڵندەیان یا جودایە و پێكهاتەیا لەشێ ماسیان یا جودایە.
- 40
- لەشێن ل ئەسمانی[p] هەنە و لەشێن ل ئەردی ژی هەنە، لێ رەونەقیا لەشێن ل ئەسمانی یا جودایە و رەونەقیا یێن ل ئەردی ژی یا جودایە.
- 41
- رۆژێ رەونەقەكا جودا، هەیڤێ رەونەقەكا جودا و ستێران ژی رەونەقەكا جودا هەیە. د رەونەقیێ دا ستێر ژی ژ ستێرێ یا جودایە.
- 42
- رابوونا مریان ژی یا وەسایە. ئەو لەشێ دهێتە چاندن رزی دبیت، ئەوێ دهێتە راكرن رزی نابیت.
- 43
- دەمێ دهێتە چاندن یێ كرێتە و دەمێ دهێتە راكرن یێ ب رەونەقە. دەمێ دهێتە چاندن یێ لاوازە و دەمێ دهێتە راكرن یێ هێزدارە.
- 44
- لەشەكێ سرۆشتی دهێتە چاندن، لەشەكێ روحانی دهێتە راكرن. كا چەوا لەشێ سرۆشتی هەیە، وەسا ژی لەشێ روحانی هەیە.
- 45
- هۆسا ژی یا هاتیە نڤیسین: «مرۆڤێ ئێكێ، ئادەم، بوو هەبوویەكێ ژیاندار.»[q] لێ ئادەمێ دویماهیێ بوو گیانەكێ ژیاندەر.
- 46
- لێ یێ روحانی نە یێ ئێكێیە، یێ سرۆشتی یێ ئێكێیە و پاشی یێ روحانی.
- 47
- مرۆڤێ ئێكێ ژ ئەردی بوو، ژ ئاخێ هاتبوو چێكرن. مرۆڤێ دوویێ ژ ئەسمانی.
- 48
- یێ ژ ئاخێ یێ چەوا بیت، ئەوێن ژ ئاخێ ژی د وەسانە، یێ ئەسمانی یێ چەوا بیت، ئەوێن ئەسمانی ژی د وەسانە.
- 49
- كا چەوا وێنەیێ مرۆڤێ ژ ئاخێ ل بەر مە بوو، وێنەیێ مرۆڤێ ئەسمانی ژی دێ ل بەر مە بیت.
- 50
- ئەز ڤێ دبێژم، گەلی خویشك و برایان: خوین و گۆشت نەشێن ببنە میراتگرێن پاشایەتیا خودێ، نە ژی یێ درزیت دبیتە میراتگرێ یێ نارزیت.
- 51
- -52 ئەڤە ئەز بۆ هەوە نهێنیەكێ دبێژم: ئەم هەمی نانڤین[r] ، لێ ئەم هەمی دێ[s] د چركەیەكێ دا، د ناڤبەرا چاڤ و بریان دا، ل گەل دەنگێ بۆڕیزانا دویماهیێ هێینە گوهۆڕین. چنكو بۆڕیزان دێ هێتە لێدان و مری كو ئێدی تووشی رزیبوونێ نابن دێ هێینە راكرن و ئەم دێ هێینە گوهۆڕین.
- 53
- چنكو دڤێت ئەڤێ درزیت رزینەبوونێ ل بەر خۆ بكەت و ئەڤێ دمریت نەمریێ ل بەر خۆ بكەت.
- 54
- دەمێ ئەڤێ درزیت رزینەبوونێ و ئەڤێ دمریت نەمریێ ل بەر خۆ بكەت، هنگی ئەڤ گۆتنا نڤیسارێ دێ ب جهـ هێت:
«مرن د سەركەفتنێ دا هاتیە داعویران.»[t] - 55
- «هەی مرن، كانێ سەركەفتنا تە؟
هەی مرن، كانێ پێڤەدانا تە؟»[u] - 56
- پێڤەدانا مرنێ گونەهە، هێزا گونەهێ ژی دەستوورە.
- 57
- لێ سوپاس بۆ خودێ، ئەوێ ب رێكا خودانێ مە عیسایێ مەسیح سەركەفتنێ ددەتە مە.
- 58
- ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.
- a. 15:2 ئانكو ئەگەر ئەو تشتێ هەوە باوەری پێ ئینای، تشتەكێ راست نەبیت
- b. 15:3 ئیشایا 53:5-12
- c. 15:4 زەبوور 16:8-10
- d. 15:5 ناڤێ ئارامی یێ ‹پەترۆس›یە.
- e. 15:5 لوقا 24:34-36؛ مەتتا 28:16-17؛ مەرقۆس 16:14؛ یوحەننا 20:19
- f. 15:6 مەبەست پێ خویشك و برایێن باوەردار.
- g. 15:6 ئانكو یێن مرین
- h. 15:8 كارێن هنارتیان 9:3-6
- i. 15:9 كارێن هنارتیان 8:3
- j. 15:20 ئانكو بەرهەمێ دەستپێكێ. ل فەرهەنگۆكێ بنێڕە.
- k. 15:25 زەبوور 110:1
- l. 15:27 زەبوور 8:6
- m. 15:32 ئیشایا 22:13؛ 56:12
- n. 15:33 ئەڤە گۆتنەكا نڤیسكارەكێ یونانیە ناڤێ وی ‹مەناندەر›ە، د سەدساڵیا چوارێ دا بەری زایینی ژیایە.
- o. 15:39 ل ڤێرێ ‹پێكهاتەیا لەشی› وەرگێڕانا پەیڤا ‹گۆشت› یا یونانیە.
- p. 15:40
q لەشێن ل ئەسمانی: مەبەست پێ ستێر و ئەختەر و رۆژ و هەیڤن. - q. 15:45 دەستپێكرن 2:7
- r. 15:51 ئانكو: نامرین
- s. 15:51 1 سالونیكی 4:14-17
- t. 15:54 مەبەست پێ سەركەفتنا خودانیە ل سەر مرنێ. ئیشایا 25:8
- u. 15:55 هۆشێیەع 13:14
