عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
دڵدار 
1
ئه‌ی كچه‌ میر،
پێیه‌كانت له‌ناو پێڵاو چه‌نده‌ جوانن!
كه‌وانی ڕانت وه‌ك خشڵه‌
ده‌ستكردی ده‌ستی وه‌ستای كارامه‌یه‌.
2
ناوكت جامێكی خڕه‌
شه‌رابی تێكه‌ڵاوی لێ كه‌م ناكات،
ناوقه‌دت خه‌رمانی گه‌نمه‌
به‌ سه‌وسه‌ن په‌رژین كراوه‌.
3
جووته‌ مه‌مكه‌كه‌ت وه‌ك دوو كارمامزن،
وه‌ك جووتێك مامزن.
4
گه‌ردنت قولله‌یه‌كی عاجه‌.
چاوه‌كانت وه‌ك گۆمن له‌ حه‌شبۆن
له‌به‌رده‌م ده‌روازه‌ی به‌ت ڕه‌بیم.
لووتت وه‌ك قولله‌ی لوبنانه‌
ڕووه‌و دیمه‌شق ده‌ڕوانێت.
5
سه‌رت وه‌ك كێوی كارمه‌له‌ به‌سه‌رته‌وه‌ و
پرچی سه‌رت ئه‌رخه‌وانییه‌،
پاشا به‌ندی ئه‌گریجه‌كانه‌.
6
چه‌ند جوان و چه‌ند شیرینیت،
ئه‌ی ئه‌وینداره‌كه‌م، من به‌ تۆ دڵشادم!
7
ئه‌م به‌ژنه‌ت له‌ دار خورما ده‌چێت،
مه‌مكه‌كانت له‌ هێشوو.
8
گوتم: «به‌سه‌ر دار خورما ده‌كه‌وم،
خۆم به‌ به‌رهه‌مه‌كه‌ی ده‌گرم.»
با مه‌مكه‌كانت وه‌ك هێشووه‌ ترێ بن،
بۆنی هه‌ناسه‌ت وه‌ك سێو بێت،
9
ده‌مت وه‌ك باشترین جۆری شه‌راب بێت.
با شه‌رابه‌كه‌ به‌ ئاسانی بۆ دڵداره‌كه‌م بڕژێت،
به‌ نه‌رمی به‌سه‌ر لێو و دداندا بڕوات.
ئه‌ویندار 
10
من بۆ دڵداره‌كه‌مم و
ئه‌و په‌رۆشی منه‌.
11
دڵداره‌كه‌م، وه‌ره‌ با بچینه‌ كێڵگه‌،
له‌ گونده‌كان شه‌و به‌سه‌رببه‌ین.
12
با به‌یانی زوو بگه‌ینه‌ سه‌ر ڕه‌زه‌مێوه‌كان،
ببینین ئاخۆ دار مێو چه‌كه‌ره‌ی كردووه‌،
په‌سیره‌كان كراونه‌ته‌وه‌،
هه‌ناریش پشكوتووه‌؟
له‌وێ ئه‌وینه‌كه‌مت پێ ده‌به‌خشم.
13
گیائاده‌مه‌[a] بۆن بڵاو ده‌كاته‌وه‌،
له‌ به‌رده‌رگاكه‌شمان هه‌موو میوه‌یه‌كی به‌تام هه‌یه‌،
كۆن و نوێ
كه‌ بۆ تۆم هه‌ڵگرتووه‌، ئه‌ی دڵداره‌كه‌م.
  1. a. 7‏:13 بڕوانه‌ \+xt په‌یدابوون 30‏:14‏-16.‏\+xt*‏