عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ناعۆمی و ڕائووس 
1
له‌ سه‌رده‌می فه‌رمانڕه‌وایه‌تی ڕابه‌ره‌كان، قاتوقڕییه‌ك له‌ خاكه‌كه‌ سه‌ریهه‌ڵدا. له‌ بێت‌له‌حمی یه‌هوداوه‌ پیاوێك خۆی و ژنه‌كه‌ی و دوو كوڕه‌كه‌ی كۆچیان كرد و په‌نایان بۆ وڵاتی مۆئاب برد.
2
ناوی پیاوه‌كه‌ ئه‌لیمه‌له‌خ بوو، ناوی ژنه‌كه‌شی ناعۆمی بوو، ناوی دوو كوڕه‌كه‌شی مه‌حلۆن و كیلیۆن بوو، له‌ ئه‌فراتییه‌كانی[a] بێت‌له‌حمی یه‌هودا بوون. ئیتر هاتن بۆ وڵاتی مۆئاب و له‌وێ ژیان.
3
له‌وێ ئه‌لیمه‌له‌خی مێردی ناعۆمی مرد، ناعۆمی و دوو كوڕه‌كه‌ی مانه‌وه‌ و
4
دوو ژنی مۆئابیان هێنا، یه‌كێكیان ناوی عۆرپا بوو ئه‌وه‌ی دیكه‌یان ڕائووس. له‌وێ بۆ ماوه‌ی ده‌ ساڵ مانه‌وه‌.
5
ئینجا مه‌حلۆن و كیلیۆن مردن، ئیتر ناعۆمی له‌ كوڕه‌كانی و مێرده‌كه‌ی بوو.
6
دوای ئه‌وه‌ی ناعۆمی له‌ وڵاتی مۆئابدا بیستی كه‌ خودا گه‌له‌كه‌ی خۆی به‌سه‌ركردووه‌ته‌وه‌ و نانی داوه‌ پێیان، خۆی و بووكه‌كانی هه‌ستان و وڵاتی مۆئابیان به‌جێهێشت.
7
له‌و شوێنه‌ی كه‌ لێی بوون له‌گه‌ڵ بووكه‌كانی چوونه‌ ده‌ره‌وه‌ بۆ ئه‌وه‌ی بگه‌ڕێنه‌وه‌ خاكی یه‌هودا.
8
ناعۆمی به‌ بووكه‌كانی گوت: «هه‌ریه‌كه‌تان بگه‌ڕێته‌وه‌ بۆ ماڵی دایكی خۆی. خودا پاداشتی ئه‌و چاكه‌یه‌تان بداته‌وه‌ كه‌ له‌گه‌ڵ مردووه‌كان و مندا كردتان.
9
خودا بتانحه‌سێنێته‌وه‌ هه‌ریه‌كه‌ و له‌ ماڵی مێردی خۆی.»
ئینجا ماچی كردن و ئه‌وانیش به‌ ده‌نگی به‌رز گریان.
10
پێیان گوت: «ئێمه‌ش له‌گه‌ڵت دێین بۆ لای گه‌له‌كه‌ت.»
11
ناعۆمی گوتی: «كچه‌كانم بگه‌ڕێنه‌وه‌. بۆچی له‌گه‌ڵ من دێن؟ ئایا سكم كوڕی تێدا ماوه‌ بۆ ئه‌وه‌ی ببن به‌ مێردتان؟
12
بگه‌ڕێنه‌وه‌ و بڕۆن چونكه‌ تازه‌ پیر بووم، ناتوانم شوو بكه‌مه‌وه‌. وا گوتیشم ئومێدی ئه‌وه‌ هه‌بوو كه‌ ئه‌مشه‌و شوو بكه‌مه‌وه‌ و چه‌ند كوڕێكیشم بوو،
13
ئایا چاوه‌ڕێیان ده‌كه‌ن هه‌تا گه‌وره‌ ده‌بن؟ ئایا له‌به‌ر ئه‌وان خۆتان ده‌به‌ستنه‌وه‌ و شوو ناكه‌نه‌وه‌؟ نا كچه‌كانم. زۆر خه‌فه‌ت بۆ ئێوه‌ ده‌خۆم، چونكه‌ خودا خراپه‌ی به‌سه‌رم هێنا».
14
ئینجا دیسان به‌ ده‌نگی به‌رزه‌وه‌ گریان. عۆرپا خه‌سووی ماچكرد، به‌ڵام ڕائووس به‌ توندی له‌ باوه‌شی گرت.
15
ناعۆمی گوتی: «ئه‌وه‌تا عۆرپا گه‌ڕایه‌وه‌ بۆ لای گه‌له‌كه‌ی و خوداوه‌نده‌كانی. تۆش له‌گه‌ڵ عۆرپا بگه‌ڕێوه‌.»
16
ڕائووس گوتی: «زۆرم لێ مه‌كه‌ به‌جێت بهێڵم و وازت لێ بهێنم، چونكه‌ بۆ كوێ بچیت ده‌چم و له‌ هه‌ركوێ بمێنیته‌وه‌ ده‌مێنمه‌وه‌. گه‌لی تۆ گه‌لی منه‌ و خودای تۆ خودای منه‌.
17
له‌كوێ بمریت له‌وێ ده‌مرم و هه‌ر له‌وێش به‌ خاك ده‌سپێردرێم. با یه‌زدان توندترین سزام بدات، ئه‌گه‌ر جگه‌ له‌ مردن شتێك من له‌ تۆ جیا ده‌كاته‌وه‌.»
18
كه‌ بینی سووره‌ له‌سه‌ر ئه‌وه‌ی له‌گه‌ڵیدا بڕوات، ئیتر زۆری لێ نه‌كرد.
19
ئینجا هه‌ردووكیان ڕۆیشتن هه‌تا چوونه‌ ناو بێت‌له‌حم. كاتێك گه‌یشتنه‌ بێت‌له‌حم شارۆچكه‌كه‌ هه‌مووی له‌به‌ر ئه‌وان خرۆشا و گوتیان: «ئایا ئه‌مه‌ ناعۆمییه‌؟»
20
ئه‌ویش پێی گوتن: «پێم مه‌ڵێن ”ناعۆمی“[b] ، به‌ڵكو پێم بڵێن ”مارا“[c] چونكه‌ خودای هه‌ره‌ به‌ توانا ژیانی زۆر تاڵ كردم.
21
من به‌ پڕی ڕۆیشتم و خودا به‌ به‌تاڵی منی هێنایه‌وه‌. بۆچی به‌ ناعۆمی بانگم ده‌كه‌ن؟ ئه‌وه‌تا یه‌زدان كۆستی خستم، هه‌ره‌ به‌ توانا تووشی خراپه‌ی كردم؟»
22
ئیتر ناعۆمی و ڕائووسی مۆئابی بووكی، له‌ وڵاتی مۆئابه‌وه‌ هاتنه‌وه‌ و له‌ سه‌ره‌تای دروێنه‌ی جۆ چوونه‌ ناو بێت‌له‌حمه‌وه‌.
  1. a. 1‏:2 ئه‌فراتی ده‌گه‌ڕێته‌وه‌ بۆ هۆزی ئه‌فرایم، دووه‌م كوڕی یوسف. بڕوانه‌ \+xt په‌یدابوون 41‏:52‏\+xt*‏.
  2. b. 1‏:20 واته‌ (هۆی خۆشی و شادییه‌كه‌م).
  3. c. 1‏:20 له‌ زمانی عیبری \+tl ناعۆمی\+tl* به‌ واتای خوێن شیرین دێت، هه‌روه‌ها (مارا) به‌ واتای تاڵ.