عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .
کتێبی پیرۆز
- ڕووباری ژیان
- 1
- پاشان فریشته‌كه ڕووباری ئاوی ژیانی پیشاندام، پڕشنگدار وه‌ك كریستاڵ، له ته‌ختی خودا و به‌رخه‌كه و
- 2
- به ناوه‌ڕاستی شه‌قامی شاره‌كه‌دا ده‌ڕوات. له هه‌ردوو ڕۆخی ڕووباره‌كه‌دا دره‌ختی ژیان ڕوابوو كه دوازده جار به‌رهه‌م ده‌دات، هه‌ر مانگه و به‌رهه‌مێك. گه‌ڵای دره‌خته‌كه‌ش بۆ چاكبوونه‌وه‌ی نه‌ته‌وه‌كانه.
- 3
- ئیتر هیچ نه‌فره‌تێك نامێنێت. ته‌ختی خودا و به‌رخه‌كه‌ش له‌ناو شاره‌كه‌دا ده‌بن، به‌نده‌كانی خزمه‌تی ده‌كه‌ن و
- 4
- ڕووی ده‌بینن و ناوی له‌سه‌ر نێوچه‌وانیانه.
- 5
- له‌وێ شه‌و دانایه‌ت و پێویستییان به چرا و ڕووناكی خۆر نابێت، چونكه یه‌زدانی په‌روه‌ردگار به‌سه‌ریاندا ده‌دره‌وشێته‌وه و هه‌تاهه‌تایه فه‌رمانڕه‌وایه‌تی ده‌كه‌ن.
- 6
- پاشان پێی فه‌رمووم: «ئه‌م وشانه متمانه‌دار و ڕاستن. خودای په‌روه‌ردگاری ڕۆحی پێغه‌مبه‌ران، فریشته‌كه‌ی خۆی نارد تاكو ئه‌و شتانه پیشانی به‌نده‌كانی خۆی بدات كه ده‌بێت زوو ڕووبده‌ن.»
- من به په‌له دێم
- 7
- «ئه‌وه‌تا به په‌له دێم! خۆزگه ده‌خوازرێت به‌وه‌ی پێشبینییه‌كانی ئه‌م په‌ڕتووكه وشه به وشه په‌یڕه‌و ده‌كات.»
- 8
- من یۆحه‌نام، ئه‌وه‌ی كه ئه‌م شتانه‌م بینی و بیستم. كاتێك بینیم و بیستم، كه‌وتم بۆ ئه‌وه‌ی له‌به‌رپێی ئه‌و فریشته‌یه كڕنۆش ببه‌م كه ئه‌م شتانه‌ی پیشانده‌دام.
- 9
- جا پێی گوتم: «وا مه‌كه! منیش وه‌ك تۆ به‌نده‌ی هاوكارتم، له‌گه‌ڵ خوشك و برا پێغه‌مبه‌ره‌كانت و ئه‌وانه‌ی په‌یامی ئه‌م په‌ڕتووكه په‌یڕه‌و ده‌كه‌ن. كڕنۆش بۆ خودا ببه!»
- 10
- هه‌روه‌ها پێی گوتم: «په‌یامی پێشبینییه‌كانی ئه‌م په‌ڕتووكه مه‌شاره‌وه، چونكه كاته‌كه نزیكه.
- 11
- ئه‌وه‌ی سته‌مكاره با هه‌ر سته‌مكاری بكات، ئه‌وه‌ی گڵاوه با هه‌ر گڵاو بێت، ئه‌وه‌ی ڕاستودروسته با هه‌ر كاری ڕاستودروست بكات، ئه‌وه‌ی پیرۆزیشه با هه‌ر پیرۆز بێت.
- 12
- «ئه‌وه‌تا به په‌له دێم! پاداشتی خۆم پێیه، تاكو پاداشتی هه‌ركه‌سێك به‌گوێره‌ی كاره‌كه‌ی بده‌مه‌وه.
- 13
- من ئه‌لف و یێم، یه‌كه‌مین و دواهه‌مینم، سه‌ره‌تا و كۆتاییم.
- 14
- «خۆزگه ده‌خوازرێت به‌وانه‌ی جله‌كانیان ده‌شۆن، تاكو مافیان له دره‌ختی ژیان هه‌بێت و له ده‌رگاكانه‌وه بچنه ناو شاره‌كه.
- 15
- سه‌گه‌كان و جادووگه‌ران و داوێنپیسان و بكوژان و بتپه‌رستان و هه‌موو درۆزن و ئه‌وانه‌ی حه‌ز له درۆ ده‌كه‌ن له ده‌ره‌وه ده‌بن.
- 16
- «من عیسام، فریشته‌كه‌مم نارد تاكو به‌م شتانه شایه‌تی بۆ كڵێساكان بده‌م. من له ڕه‌گ و نه‌وه‌ی داودم، ئه‌ستێره‌ی به‌یانی پڕشنگدار.»
- 17
- ڕۆحی پیرۆز و بووك ده‌فه‌رموون: «وه‌ره!» ئه‌وه‌ی گوێی لێیه با بڵێت: «وه‌ره!» ئه‌وه‌ی تینوویه‌تی با بێت، ئه‌وه‌ی ده‌یه‌وێت با به‌خۆڕایی ئاوی ژیان ببات.
- 18
- من ئاگاداری هه‌موو ئه‌وانه ده‌كه‌مه‌وه كه گوێیان له وشه‌كانی پێشبینیی ئه‌م په‌ڕتووكه ده‌بێت، هه‌ركه‌سێك وشه‌یه‌ك بۆ ئه‌م پێشبینییانه زیاد بكات ئه‌وا خودا ئه‌و ده‌ردانه‌ی له‌سه‌ر زیاد ده‌كات كه له‌م په‌ڕتووكه‌دا نووسراون.
- 19
- ئه‌گه‌ر كه‌سێكیش وشه‌یه‌كی پێشبینییه‌كانی ئه‌م په‌ڕتووكه بسڕێته‌وه، خودا له دره‌ختی ژیان و له شاره پیرۆزه‌كه بێبه‌شی ده‌كات، ئه‌وه‌ی له‌م په‌ڕتووكه‌دا نووسراون.
- 20
- شایه‌تی ئه‌مانه ده‌فه‌رموێ: «به‌ڵێ، به په‌له دێم.»
ئامین! وه‌ره، عیسای خاوه‌ن شكۆ. - 21
- نیعمه‌تی عیسای خاوه‌ن شكۆ له‌گه‌ڵ هه‌مووتان بێت. ئامین.
