عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
وه‌رن، هه‌لهه‌له‌ بۆ یه‌زدان لێبده‌ین،
هاواری شادی بكه‌ین بۆ تاشه‌به‌ردی ڕزگاریمان.
2
به‌ ستایشه‌وه‌ بچینه‌ به‌رده‌می،
به‌ مۆسیقاوه‌ هاواری شادی بۆ بكه‌ین.
3
چونكه‌ یه‌زدان خودایه‌كی گه‌وره‌یه‌،
پاشایه‌كی گه‌وره‌یه‌ به‌سه‌ر هه‌موو خوداوه‌نده‌كانه‌وه‌.
4
قووڵاییه‌كانی زه‌وی به‌ ده‌سته‌ و
لووتكه‌ی شاخه‌كان هی ئه‌ون.
5
ده‌ریا هی ئه‌وه‌ و ئه‌و دروستی كردووه‌،
به‌ ده‌ستی خۆی شێوه‌ی وشكانیی پێكهێنا.
6
وه‌رن، كڕنۆشی بۆ ببه‌ین و بیپه‌رستین،
له‌به‌رده‌م یه‌زدانی دروستكه‌رمان چۆك دابده‌ین،
7
چونكه‌ ئه‌و خودامانه‌ و
ئێمه‌ گه‌لی له‌وه‌ڕگاكه‌ی ئه‌وین،
مه‌ڕی ده‌ستی ئه‌وین.
ئه‌مڕۆ، كاتێك گوێتان له‌ فه‌رمایشتی ئه‌و ده‌بێت،
8
دڵی خۆتان ڕه‌ق مه‌كه‌ن وه‌ك له‌ مه‌ریبا ڕوویدا،
وه‌ك ئه‌و ڕۆژه‌ له‌ مه‌سا[a] له‌ بیابان،
9
له‌وێ باوباپیرانتان تاقییان كردمه‌وه‌،
هه‌رچه‌نده‌ كرداره‌كانی منیان بینی،
به‌ڵام هه‌ر تاقییان كردمه‌وه‌.
10
چل ساڵ له‌و نه‌وه‌یه‌ تووڕه‌ بووم،
فه‌رمووم: «ئه‌مانه‌ گه‌لێكن دڵیان گومڕا بووه‌ و
ڕێگای منیان نه‌ناسی.»
11
بۆیه‌ له‌ تووڕه‌ییمدا سوێندم خوارد:
«نایه‌نه‌ ناو حه‌سانه‌وه‌ی من.»
  1. a. 95‏:8 ناوێكی عیبرییه‌ به‌ واتای تاقیكردنه‌وه‌، شوێنێكه‌ له‌ چۆڵه‌وانی سینا، هه‌روه‌ها پێی ده‌گوترێت مه‌ریبا. بڕوانه‌ ڕوونكردنه‌وه‌ ده‌رباره‌ی مێرگی مه‌ریبا له‌\+xt زه‌بووره‌كان 81‏:7.‏\+xt*‏ هه‌روه‌ها بڕوانه‌\+xt ده‌رچوون 17‏:1‏-7.‏\+xt*‏