عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
ئه‌وه‌ی له‌ په‌ناگای هه‌ره‌به‌رز داده‌نیشت،
ئه‌وه‌ی له‌ سێبه‌ری خودای هه‌ره‌ به‌ توانا ده‌مێنێته‌وه‌،
2
به‌ یه‌زدان ده‌ڵێ: «تۆ په‌ناگامی، قه‌ڵامی،
خودای منی، پشتت پێ ده‌به‌ستم.»
3
چونكه‌ له‌ تۆڕی ڕاوچی ده‌ربازت ده‌كات،
له‌ ده‌رد و به‌ڵای كوشنده‌.
4
به‌ باڵی خۆی داتده‌پۆشێت،
له‌ژێر باڵه‌كانی په‌نا ده‌گریت و
دڵسۆزییه‌كه‌ی قه‌ڵغان و شوورایه‌.
5
نه‌ له‌ تۆقینی شه‌و ده‌ترسیت و
نه‌ له‌و تیره‌ی به‌ ڕۆژ ده‌هاوێژرێت،
6
نه‌ له‌و ده‌رده‌ی كه‌ له‌ تاریكی دێت،
نه‌ له‌و ئافاته‌ی به‌ ڕۆژی نیوه‌ڕۆ زیان ده‌به‌خشێت.
7
هه‌زار كه‌س له‌ته‌نیشتت به‌رده‌بنه‌وه‌،
ده‌ هه‌زار له‌لای ده‌سته‌ ڕاستت،
به‌ڵام له‌ تۆ نزیك ناكه‌وێته‌وه‌.
8
به‌ڵكو ته‌نها به‌ چاوی خۆت سه‌یر ده‌كه‌یت و
سزای به‌دكاران ده‌بینیت.
9
چونكه‌ یه‌زدانت كرد به‌ په‌ناگات،
هه‌ره‌به‌رزت كرد به‌ لانه‌ی خۆت،
10
هیچ خراپه‌ت به‌سه‌رنایه‌ت و
هیچ به‌ڵایه‌ك له‌ ماڵت نزیك ناكه‌وێته‌وه‌.
11
له‌به‌ر ئه‌وه‌ی سه‌باره‌ت به‌ تۆ فه‌رمان به‌ فریشته‌كانی ده‌دات،
بۆ ئه‌وه‌ی له‌ هه‌موو هه‌نگاوێكت بتپارێزن،
12
له‌سه‌ر ده‌ستیان هه‌ڵتده‌گرن،
تاكو پێت به‌ر به‌ردێك نه‌كه‌وێت.
13
پێ به‌ شێر و ماری كۆبرادا ده‌نێیت،
به‌چكه‌ شێر و ئه‌ژدیها پێشێل ده‌كه‌یت.
14
یه‌زدان ده‌فه‌رموێت: «له‌به‌ر ئه‌وه‌ی دڵی به‌ منه‌وه‌ به‌نده‌، ڕزگاری ده‌كه‌م،
ده‌یپارێزم، چونكه‌ من ده‌ناسێت[a] .
15
نزام بۆ ده‌كات، وه‌ڵامی ده‌ده‌مه‌وه‌،
له‌ ته‌نگانه‌ له‌گه‌ڵیدام،
ده‌ربازی ده‌كه‌م و ڕێزداری ده‌كه‌م.
16
به‌ ڕۆژگاری درێژ تێری ده‌كه‌م،
ڕزگاریی خۆمی نیشان ده‌ده‌م.»
  1. a. 91‏:14 به‌ واتای ناسینی خودا و كه‌سایه‌تییه‌كه‌ی.