عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، زه‌بوورێكی كوڕانی قۆره‌ح. 
1
ئه‌ی یه‌زدان، تۆ له‌ زه‌وی خۆت ڕازیت،
دیله‌كانی یاقوبت گێڕاوه‌ته‌وه‌.
2
له‌ تاوانه‌كانی گه‌له‌كه‌ت خۆشبوویت،
هه‌موو گوناهه‌كانیت داپۆشیوه‌.[a]
3
هه‌موو تووڕه‌یی خۆتت گرته‌وه‌،
له‌ جۆشانی تووڕه‌ییت گه‌ڕایته‌وه‌.
4
ئه‌ی خودای ڕزگاریمان، بمانگه‌ڕێنه‌وه‌،
تووڕه‌یی خۆتمان له‌سه‌ر لابده‌.
5
ئایا هه‌تاهه‌تایه‌ لێمان تووڕه‌ ده‌بیت؟
نه‌وه‌ دوای نه‌وه‌ درێژه‌ به‌ تووڕه‌ییت ده‌ده‌یت؟
6
ئایا تۆ ناگه‌ڕێیته‌وه‌ هه‌تا زیندوومان بكه‌یته‌وه‌،
بۆ ئه‌وه‌ گه‌له‌كه‌ت پێت شاد بێت؟
7
ئه‌ی یه‌زدان، خۆشه‌ویستییه‌ نه‌گۆڕه‌كه‌تمان پیشان بده‌،
ڕزگاریی خۆتمان پێ ببه‌خشه‌.
8
ئه‌وه‌ی خودای په‌روه‌ردگار ده‌یڵێت، گوێی لێ ده‌گرم،
چونكه‌ باسی ئاشتی ده‌كات بۆ گه‌له‌كه‌ی و بۆ خۆشه‌ویستانی،
به‌ڵام با نه‌گه‌ڕێنه‌وه‌ سه‌ر گێلایه‌تی.
9
بێگومان ڕزگارییه‌كه‌ی له‌و كه‌سانه‌ نزیكه‌ كه‌ لێی ده‌ترسن،
بۆ ئه‌وه‌ی شكۆمه‌ندییه‌كه‌ی له‌ خاكی ئێمه‌دا نیشته‌جێ بێت.
10
خۆشه‌ویستی نه‌گۆڕ و ڕاستی به‌ یه‌ك گه‌یشتوون،
ڕاستودروستی و ئاشتی یه‌كتری ماچ ده‌كه‌ن[b] .
11
ڕاستی له‌ زه‌وییه‌وه‌ ده‌ڕوێت و
ڕاستودروستی له‌ ئاسمانه‌وه‌ سه‌ر ده‌ردێنێت.
12
هه‌روه‌ها یه‌زدان چاكه‌ ده‌به‌خشێت و
زه‌وی ئێمه‌ش ده‌غڵودان ده‌دات.
13
ڕاستودروستی له‌پێشی ده‌ڕوات،
ڕێگای بۆ خۆش ده‌كات.
  1. a. 85‏:2 له‌ ده‌قی عیبری لێره‌ وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.
  2. b. 85‏:10 تایبه‌تمه‌ندی دیاری خودا، پاشایه‌تی خودا له‌سه‌ر زه‌وی و دڵی مرۆڤ داده‌مه‌زرێت.