عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ گه‌وره‌ی گۆرانیبێژان، له‌سه‌ر ئاوازی گتیت[a] ، زه‌بوورێكی كوڕانی قۆره‌ح. 
1
ئه‌ی یه‌زدانی سوپاسالار،
ماڵه‌كه‌ت چه‌ند خۆشه‌!
2
گیانم شه‌یدایه‌، ته‌نانه‌ت تامه‌زرۆی چوونه‌ ناو حه‌وشه‌ی ماڵی یه‌زدانه‌.
له‌ش و دڵم هه‌لهه‌له‌ لێده‌ده‌ن بۆ خودای زیندوو.
3
پاساری ماڵی ده‌ست ده‌كه‌وێت و
په‌ڕه‌سێلكه‌ش هێلانه‌، ته‌نانه‌ت له‌ قوربانگای تۆدا،
بۆ ئه‌وه‌ی بێچووه‌كانی تێدا دابنێت،
ئه‌ی یه‌زدانی سوپاسالار، پاشا و خودام.
4
خۆزگه‌ به‌وانه‌ ده‌خوازرێ كه‌ له‌ ماڵی تۆدا نیشته‌جێن،
هه‌میشه‌ ستایشی تۆ ده‌كه‌ن.[b]
5
خۆزگه‌ به‌وانه‌ ده‌خوازرێ كه‌ هێزیان له‌ تۆوه‌یه‌،
ڕێگاكانت له‌ناو دڵیاندایه‌[c] ،
6
كه‌ به‌ دۆڵی فرمێسك[d] تێده‌په‌ڕن،
ده‌یكه‌نه‌ كانیاو،
پاییزه‌ بارانیش پڕ به‌ره‌كه‌تی ده‌كات.
7
له‌ هێزێكه‌وه‌ ده‌چنه‌ هێزێكی دیكه‌،
تاكو هه‌ریه‌ك له‌به‌رده‌م خودا له‌ سییۆن ده‌ربكه‌وێت.
8
ئه‌ی یه‌زدان، خودای سوپاسالار، گوێت له‌ نوێژم بێت،
خودای یاقوب، گوێ شل بكه‌.
9
ئه‌ی خودایه‌، بڕوانه‌ قه‌ڵغانه‌كه‌مان،
سه‌یری ڕوخساری ده‌ستنیشانكراوه‌كه‌ت[e] بكه‌.
10
یه‌ك ڕۆژ له‌ حه‌وشه‌ی ماڵی تۆ
له‌ هه‌زار ڕۆژ له‌ شوێنێكی دیكه‌ باشتره‌.
ڕاوه‌ستان له‌ به‌رده‌رگای ماڵی خودای خۆمم هه‌ڵبژارد،
نه‌ك نیشته‌جێی نێو ڕه‌شماڵی به‌دكاران.
11
چونكه‌ یه‌زدانی په‌روه‌ردگار خۆر و قه‌ڵغانه‌،
یه‌زدان میهره‌بانی و شكۆ ده‌به‌خشێت،
ڕێ له‌ چاكه‌ ناگرێت بۆ ئه‌وانه‌ی ڕێگایان ته‌واوه‌.
12
ئه‌ی یه‌زدانی سوپاسالار،
خۆزگه‌ به‌وه‌ ده‌خوازرێ كه‌ پشت به‌ تۆ ده‌به‌ستێت.
  1. a. 84‏:0 ده‌سته‌واژه‌یه‌كی بواری مۆسیقایه‌.
  2. b. 84‏:4 له‌ ده‌قی عیبری لێره‌ و له‌ ئایه‌تی 8، وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.
  3. c. 84‏:5 ئه‌و ڕێگایانه‌ی كه‌ به‌ره‌و سییۆنه‌ و له‌ دڵه‌وه‌ په‌رۆشین.
  4. d. 84‏:6 عیبری: \+tl دۆڵی باخا\+tl*.
  5. e. 84‏:9 به‌ زمانی عیبری پێی ده‌گوترێ \+tl مه‌شیخ \+tl*یان \+tl مه‌شیح\+tl*.