عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، بۆ كوڕانی قۆره‌ح. گۆرانییه‌ك به‌ شێوه‌ی عه‌لامۆت[a]
1
خودا په‌ناگا و هێزمانه‌،
له‌ ته‌نگانه‌دا به‌هاناوه‌ دێت.
2
بۆیه‌ ترسمان نییه‌ ئه‌گه‌ر زه‌ویش بله‌رزێت،
ئه‌گه‌ر چیاكانیش بكه‌ونه‌ ناو قووڵایی ده‌ریاكانه‌وه‌،
3
ئه‌گه‌ر ئاوه‌كه‌شی بجۆشێت و كه‌ف بكات،
چیاكانیش له‌ سه‌ركێشی ئه‌و بله‌رزن. [b]
4
ڕووبارێك هه‌یه‌ جۆگه‌كانی شاری خودا[c] شاد ده‌كات،
ئه‌و شوێنه‌ پیرۆزه‌ی كه‌ هه‌ره‌به‌رز تێیدا نیشته‌جێیه‌.
5
خودا له‌ناوه‌ڕاستدایه‌، بۆیه‌ هه‌رگیز ناكه‌وێت،
له‌گه‌ڵ به‌ره‌به‌یاندا خودا به‌هاناوه‌ دێت.
6
نه‌ته‌وه‌كان هه‌ڵده‌چن و شانشینه‌كان ده‌كه‌ون،
خودا ده‌نگی به‌رز ده‌كاته‌وه‌ و زه‌وی ده‌توێته‌وه‌.
7
یه‌زدانی سوپاسالار له‌گه‌ڵمانه‌،
خودای یاقوب په‌ناگامانه‌.
8
وه‌رن سه‌یری كرداره‌كانی یه‌زدان بكه‌ن،
ئه‌و وێرانكارییه‌كانی به‌سه‌ر زه‌ویدا هێناوه‌.
9
جه‌نگه‌كان ڕاده‌گرێت هه‌تا ئه‌وپه‌ڕی جیهان،
كه‌وانه‌كان ده‌شكێنێت و ڕمه‌كان پارچه‌پارچه‌ ده‌كات،
گالیسكه‌كان به‌ ئاگر ده‌سووتێنێت.
10
«هێوربنه‌وه‌، بزانن كه‌ من خودام،
له‌نێو نه‌ته‌وه‌كان پایه‌م به‌رز ده‌بێته‌وه‌،
له‌سه‌ر زه‌وی به‌رز ده‌بمه‌وه‌.»[d]
11
یه‌زدانی سوپاسالار له‌گه‌ڵمانه‌،
خودای یاقوب په‌ناگامانه‌.
  1. a. 46‏:0 جۆره‌ ئاوازێكه‌، واته‌ به‌ ده‌نگی كچان.
  2. b. 46‏:3 له‌ ده‌قی عیبری لێره‌ و له‌ ئایه‌ته‌كانی 7 و 11، وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.
  3. c. 46‏:4 ئۆرشه‌لیم، بڕوانه‌ ئاشكراكردن 21، \+xt حزقیێل 40‏\+xt*‏.
  4. d. 46‏:10 خودا بۆ نه‌ته‌وه‌كان قسه‌ ده‌كات.