عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، زه‌بوورێكی داود. 
1
خۆزگه‌ ده‌خوازرێ به‌وه‌ی ئاوڕ له‌ هه‌ژار ده‌داته‌وه‌،
یه‌زدان له‌ ڕۆژی ته‌نگانه‌دا ڕزگاری ده‌كات.
2
یه‌زدان ده‌یپارێزێت و ژیانی ده‌بووژێنێته‌وه‌،
له‌سه‌ر زه‌وی خۆشحاڵی ده‌كات و
نایداته‌ ده‌ست حه‌زی دوژمنه‌كانی.
3
یه‌زدان له‌ كاتی لاوازی پاڵپشتی ده‌كات و
له‌ كاتی نه‌خۆشی ده‌یبووژێنێته‌وه‌.
4
گوتم: «ئه‌ی یه‌زدان، له‌گه‌ڵم میهره‌بان به‌،
چاره‌سه‌رم بكه‌، چونكه‌ گوناهم ده‌رهه‌ق به‌ تۆ كردووه‌.»
5
دوژمنه‌كانم ده‌رباره‌ی من قسه‌ی خراپ ده‌كه‌ن:
«كه‌ی ده‌مرێت و ناوی ده‌سڕێته‌وه‌؟»
6
كاتێك یه‌كێكیان بۆ دیده‌نیم بێت،
به‌ درۆ قسه‌ ده‌كات، بوختان له‌ دڵی كۆده‌كاته‌وه‌،
كه‌ ده‌چێته‌ ده‌ره‌وه‌ش بڵاوی ده‌كاته‌وه‌.
7
هه‌موو دوژمنه‌كانم چرپه‌چرپ ده‌كه‌ن،
پیلان دژم ده‌گێڕن، ده‌ڵێن:
8
«ده‌ردێكی كوشنده‌ ته‌نگی پێ هه‌ڵچنیوه‌،
له‌كوێ بكه‌وێ هه‌ستانه‌وه‌ی نابێت.»
9
ته‌نانه‌ت ئه‌و براده‌ره‌ نزیكه‌شم كه‌ متمانه‌م پێی هه‌بوو،
ئه‌وه‌ی نمه‌كی كردووم، ناپاكی له‌گه‌ڵم كرد.[a]
10
به‌ڵام تۆ ئه‌ی یه‌زدان، له‌گه‌ڵم میهره‌بان به‌،
هه‌ڵمستێنه‌وه‌ بۆ ئه‌وه‌ی تۆڵه‌یان لێ بكه‌مه‌وه‌.
11
به‌مه‌ ده‌زانم تۆ لێم ڕازیت،
چونكه‌ دوژمنه‌كه‌م هاواری سه‌ركه‌وتن ناكات به‌سه‌رمدا.
12
به‌هۆی ئه‌وه‌ی من دروستم، تۆ پاڵپشتیم ده‌كه‌یت و
له‌پێش خۆت ڕامده‌گریت، هه‌تاهه‌تایه‌.
13
ستایش بۆ یه‌زدانی په‌روه‌ردگاری ئیسرائیل،
له‌ ئه‌زه‌له‌وه‌ هه‌تا هه‌تاهه‌تایه‌.
ئامین و ئامین.
  1. a. 41‏:9 ناپاكی له‌گه‌ڵم كرد: له‌ زمانی عیبری نووسراوه‌: (پاژنه‌پێی لێ به‌رز كردمه‌وه‌)، كه‌ ده‌ربڕینێكی عیبرییه‌ به‌ واتای ناپاكی.