عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، بۆ یه‌دوتون[a] زه‌بوورێكی داود. 
1
گوتم: «چاودێری ڕێگای خۆم ده‌كه‌م و
زمانی خۆم له‌ گوناه ده‌پارێزم.
ئه‌وه‌نده‌ی به‌دكار له‌به‌رده‌ممه‌،
ده‌مم به‌ لغاو ده‌به‌ستم.»
2
به‌ڵام كاتێك كپ و بێده‌نگ بووم،
ته‌نانه‌ت شتی چاكیشم نه‌ده‌گوت،
ئازارم زیاد بوو.
3
دڵم له‌ ناخمه‌وه‌ قوڵپی ده‌دا،
هه‌روه‌ها كه‌ نوقومی بیركردنه‌وه‌ ده‌بووم، گڕم ده‌گرت،
ئه‌وسا به‌ زمانم هاتمه‌ قسه‌كردن:
4
«ئه‌ی یه‌زدان، كۆتایی ژیانی خۆم پیشان بده‌،
هه‌روه‌ها ڕۆژه‌كانی ژیانم چه‌نده‌،
بۆ ئه‌وه‌ی بزانم من چ فه‌وتاوێكم.
5
به‌ڕاستی ڕۆژگاری منت كردووه‌ به‌ بستێك،
ته‌مه‌نم له‌به‌رچاوت وه‌ك هیچه‌.
ژیانی هه‌ر مرۆڤێك ته‌نها هه‌ناسه‌یه‌كه‌.[b]
6
«به‌ڕاستی مرۆڤ وه‌ك سێبه‌ر دێت و ده‌چێت،
ڕه‌نج ده‌دات، به‌ڵام بێگومان بێهووده‌یه‌،
سامان كۆده‌كاته‌وه‌، نازانێت دوای خۆی بۆ كێ ده‌بێت.
7
«ئێستاش ئه‌ی په‌روه‌ردگار، من چاوه‌ڕێی چی بكه‌م؟
هیوای من به‌ تۆیه‌.
8
له‌ هه‌موو سه‌رپێچییه‌كانم ڕزگارم بكه‌،
مه‌مكه‌ به‌ گاڵته‌جاڕی گێله‌كان.
9
بێده‌نگ بووم، ده‌مم ناكه‌مه‌وه‌،
چونكه‌ تۆ ئه‌وه‌ی كه‌ ئه‌مه‌ت كردووه‌.
10
به‌ڵای خۆت له‌سه‌ر من لابده‌،
به‌ زه‌بره‌كانی ده‌ستی تۆ فه‌وتام.
11
مرۆڤ به‌ سه‌رزه‌نشتكردنی له‌به‌ر گوناهه‌كانی ته‌مبێ ده‌كه‌یت،
وه‌ك مۆرانه‌ سامانی ئه‌و له‌ناوده‌به‌یت،
هه‌ر مرۆڤێك ته‌نها هه‌ناسه‌یه‌كه‌.
12
«ئه‌ی یه‌زدان، گوێ له‌ نوێژم بگره‌،
گوێ له‌ هاوارم بگره‌،
له‌ ئاست گریانم گوێت دامه‌خه‌،
چونكه‌ له‌لای تۆ وه‌ك نامۆیه‌كم،
میوانم وه‌ك هه‌موو باوباپیرانم.
13
ڕووی گرژت له‌ من وه‌رگێڕه‌، هه‌تا شادمان ببمه‌وه‌،
پێش ئه‌وه‌ی بڕۆم و نه‌مێنم.»
  1. a. 39‏:0 یه‌كێك بووه‌ له‌ ڕابه‌رانی ستایش له‌ په‌رستگا. بڕوانه‌\+xt یه‌كه‌م پوخته‌ی مێژوو 16‏:41‏-42.‏\+xt*‏
  2. b. 39‏:5 له‌ ده‌قی عیبری لێره‌ و له‌ ئایه‌تی 11، وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.