عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
زه‌بوورێكی داود. 
1
زه‌وی و هه‌رچی تێدایه‌ هی یه‌زدانه‌،
جیهان و ئه‌وانه‌ی تێیدا ده‌ژین،
2
چونكه‌ له‌سه‌ر ده‌ریاكان بناغه‌ی داناوه‌ و
له‌سه‌ر ڕووباره‌كان دایمه‌زراندووه‌.
3
كێ سه‌رده‌كه‌وێته‌ سه‌ر كێوی یه‌زدان؟
كێ له‌ جێگای پیرۆزی ئه‌و ده‌وه‌ستێت؟
4
ئه‌وه‌ی ده‌ست پاك و دڵی بێگه‌رد بێت،
ئه‌وه‌ی مه‌یلی شتی پووچ نه‌كات و
به‌ درۆ سوێند نه‌خوات.
5
له‌ یه‌زدانه‌وه‌ به‌ره‌كه‌ت به‌ده‌ستده‌هێنێت،
له‌ خودای ڕزگاركه‌ری بێتاوانكردن.
6
ئه‌مه‌یه‌ ئه‌و نه‌وه‌یه‌ی دوای یه‌زدان ده‌كه‌وێت،
ئه‌وه‌ی ڕوویان له‌ تۆ ده‌كه‌ن، ئه‌ی خودای یاقوب.[a]
7
ئه‌ی ده‌روازه‌كان، سه‌ر هه‌ڵبڕن!
ئه‌ی ده‌رگا دێرینه‌كان، به‌رزبنه‌وه‌،
هه‌تا پاشای شكۆمه‌ندی بێته‌ ژووره‌وه‌.
8
ئه‌م پاشایه‌ی شكۆمه‌ندی كێیه‌؟
یه‌زدانی به‌هێز و ده‌سه‌ڵاتداره‌،
یه‌زدانی پاڵه‌وان له‌ جه‌نگ.
9
ئه‌ی ده‌روازه‌كان، سه‌ر هه‌ڵبڕن!
ئه‌ی ده‌رگا دێرینه‌كان، به‌رزبنه‌وه‌!
هه‌تا پاشای شكۆمه‌ندی بێته‌ ژووره‌وه‌.
10
ئه‌م پاشایه‌ی شكۆمه‌ندی كێیه‌؟
یه‌زدانی سوپاسالار پاشای شكۆمه‌ندییه‌.
  1. a. 24‏:6 له‌ ده‌قی عیبری لێره‌ و له‌ ئایه‌تی 10، وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.