عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
زه‌بوورێكی داود. 
1
ئه‌ی یه‌زدان، پاشا به‌ هێزی تۆ شادمان ده‌بێت.
چه‌ند دڵخۆشه‌ به‌و ڕزگارییه‌ی پێت به‌خشیوه‌!
2
ئاره‌زووی دڵیت پێ به‌خشیوه‌ و
له‌ داواكارییه‌كانی زمانیت ڕانه‌گرتووه.[a]
3
به‌ به‌ره‌كه‌تێكی زۆره‌وه‌ پێشوازیت لێكرد و
تاجێكی زێڕی بێگه‌ردت له‌ سه‌ری كرد.
4
داوای ژیانی لێكردیت، پێت به‌خشی،
ڕۆژگاری درێژی هه‌تاهه‌تاییه‌.
5
به‌و ڕزگارییه‌ی كه‌ پێت داوه‌، شكۆمه‌ندییه‌كه‌ی مه‌زنه‌،
تۆ شكۆمه‌ندی و پایه‌به‌رزیت پێ به‌خشیوه‌.
6
چونكه‌ به‌ره‌كه‌تێكی بێ كۆتاییت داوه‌تێ،
به‌ خۆشی دیداری خۆت شادی ده‌كه‌یت.
7
چونكه‌ پاشا پشت به‌ یه‌زدان ده‌به‌ستێت،
به‌ خۆشه‌ویستی نه‌گۆڕی خودای هه‌ره‌به‌رزه‌ هه‌رگیز ناله‌قێت.
8
ده‌ستت به‌سه‌ر هه‌موو دوژمنه‌كانتدا ده‌ڕوات،
ده‌ستی ڕاستت به‌سه‌ر ناحه‌زانت.
9
كه‌ ده‌رده‌كه‌ویت وه‌ك ته‌نوورێكی بڵێسه‌داریان لێ ده‌كه‌یت،
له‌ تووڕه‌ییدا یه‌زدان هه‌ڵیانده‌لووشێت،
ئاگریش ده‌یانخوات.
10
ڕه‌چه‌ڵه‌كیان له‌سه‌ر زه‌وی له‌ناوده‌به‌یت،
نه‌وه‌یان له‌ناو ئاده‌میزاد.
11
هه‌رچه‌نده‌ پیلانیان له‌ دژت دانا و
بیریان له‌ خراپه‌ كرده‌وه‌، سه‌رناكه‌ون،
12
چونكه‌ تۆ وایان لێ ده‌كه‌یت ڕابكه‌ن،
كاتێك به‌ تیروكه‌وان نیشانیان لێ ده‌گریت.
13
ئه‌ی یه‌زدان، به‌ هێزی خۆت پایه‌به‌رز به‌،
گۆرانی و ستایش بۆ توانای تۆ ده‌ڵێین.
  1. a. 21‏:2 له‌ ده‌قی عیبری لێره‌ وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.