عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .
کتێبی پیرۆز
- بۆ گه‌وره‌ی گۆرانیبێژان، زه‌بوورێكی داود.
- 1
- ئه‌ی یه‌زدان، له كه‌سی به‌دكار ده‌ربازم بكه،
له پیاوی توندوتیژ بمپارێزه، - 2
- ئه‌وانه‌ی له دڵه‌وه بیر له خراپه ده‌كه‌نه‌وه و
هه‌موو ڕۆژێك خه‌ریكی شه‌ڕانگێزین. - 3
- زمانیان وه‌ك زمانی مار تیژكردووه،
ژه‌هری تیره‌مار له‌ژێر لێویانه.[a] - 4
- ئه‌ی یه‌زدان، له ده‌ست به‌دكار ئاگادارم به،
له پیاوی توندوتیژ بمپارێزه،
ئه‌وانه‌ی پیلانیان داناوه بۆ ئه‌وه‌ی قاچم بخلیسكێنن. - 5
- لووتبه‌رزان ته‌ڵه‌یان بۆم ناوه‌ته‌وه،
په‌ت و تۆڕیان بڵاو كردووه‌ته‌وه،
له ده‌م ڕێگا داویان بۆم ناوه‌ته‌وه. - 6
- به یه‌زدانم گوت: «تۆ خودای منی!»
ئه‌ی یه‌زدان، گوێ له ده‌نگی پاڕانه‌وه‌م بگره. - 7
- ئه‌ی یه‌زدانی په‌روه‌ردگار، هێزی ڕزگاریم،
له ڕۆژی شه‌ڕدا سه‌ری منت داپۆشی. - 8
- ئه‌ی یه‌زدان، ئاره‌زووه‌كانی به‌دكار مه‌هێنه دی،
لێمه‌گه‌ڕێ پیلانه‌كانی سه‌ربگرێت،
بۆ ئه‌وه‌ی لووتبه‌رز نه‌بن. - 9
- با سه‌ری ئه‌وانه‌ی ده‌وریان داوم
به خراپه‌ی لێویان بپۆشرێن، - 10
- با پشكۆیان به‌سه‌ردا ببارێت،
بكه‌ونه ناو ئاگره‌وه،
بكه‌ونه ناو چاڵه‌وه، ڕاست نه‌بنه‌وه. - 11
- با بوختانكه‌ر له‌سه‌ر زه‌وی جێگیر نه‌بێت،
با كه‌سی توندوتیژ ببێته نێچیری خراپه. - 12
- ده‌زانم یه‌زدان دادپه‌روه‌ری ده‌كات بۆ هه‌ژاران،
ماف ده‌دات به نه‌داران. - 13
- بێگومان ڕاستودروستان ستایشی ناوت ده‌كه‌ن،
سه‌رڕاستان له ئاماده‌بوونت داده‌نیشن.
- a. 140:3 له ده‌قی عیبری لێره و له ئایه‌ته‌كانی 5 و 8، وشه‌ی \+tl سه‌لاه\+tl* هه‌یه كه له‌وانه‌یه ئاماژه‌یه‌كه بۆ وه‌ستانی مۆسیقا و خوێندنه‌وه.
