عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
گۆرانی گه‌شتیاران، بۆ سلێمان. 
1
ئه‌گه‌ر یه‌زدان خانووه‌كه‌ دروستنه‌كات،
وه‌ستاكان بێ سوود خۆیان ماندوو ده‌كه‌ن.
ئه‌گه‌ر یه‌زدان چاودێری شاره‌كه‌ نه‌كات،
پاسه‌وان بێ سوود ئێشك ده‌گرێت.
2
بێ سووده‌ بۆتان زوو هه‌ستان و دانیشتن هه‌تا دره‌نگی شه‌و،
خواردنی نانی ڕه‌نجكێشی،
چونكه‌ خه‌و به‌ خۆشه‌ویستانی خۆی ده‌به‌خشێت.
3
بێگومان منداڵان میراتن له‌ یه‌زدانه‌وه‌،
پاداشتی به‌ری سكن.
4
وه‌ك تیری ده‌ستی پاڵه‌وان،
ئاوان كوڕانی مرۆڤی گه‌نج.
5
خۆزگه‌ ده‌خوازرێ به‌و كه‌سه‌ی تیردانی خۆی له‌وان پڕكردووه‌،
شه‌رمه‌زار نابێت كه‌ له‌ دادگا[a] له‌گه‌ڵ دوژمنان ده‌كه‌وێته‌ ده‌مه‌قاڵێ.
  1. a. 127‏:5 عیبری: له‌ ده‌روازه‌. له‌ كه‌لتوری عیبری دادگا له‌ ده‌روازه‌ی شار بووه‌، زۆر جار وشه‌ی ده‌روازه‌ له‌بری دادگا به‌كاردێت.