عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
ئه‌ی گیانی من، ستایشی یه‌زدان بكه‌.
ئه‌ی یه‌زدانی په‌روه‌ردگارم، تۆ زۆر مه‌زنیت!
شكۆمه‌ندی و پایه‌به‌رزیت له‌به‌ركردووه‌.
2
وه‌ك به‌رگ ڕووناكیت پۆشیوه‌،
وه‌ك خێوه‌ت ئاسمانت هه‌ڵداوه‌،
3
وه‌ك كاریته‌ به‌یتوونه‌كه‌ت له‌سه‌ر ئاو داناوه‌.
هه‌وری ئاسمانت كردووه‌ته‌ گالیسكه‌ت،
به‌سه‌ر باڵی باوه‌ ده‌ڕۆیت.
4
بایه‌كانت كردووه‌ته‌ فریشته‌كانت،
بڵێسه‌ی ئاگر خزمه‌تكارانت.
5
زه‌ویت له‌سه‌ر بناغه‌ی خۆی دامه‌زراندووه‌،
هه‌تاهه‌تایه‌ ناله‌قێت.
6
تۆ وه‌ك كراس زه‌ویت به‌ ده‌ریای قووڵ داپۆشی،
له‌سه‌ر چیاكان ئاو ڕاده‌وه‌ستێت.
7
به‌ڵام له‌ سه‌رزه‌نشتی تۆ ده‌ریاكان هه‌ڵاتن،
له‌ گرمه‌ی ده‌نگی تۆ به‌ ترسه‌وه‌ ڕایانكرد،
8
به‌سه‌ر چیاكان كه‌وتن و
شۆڕ بوونه‌وه‌ ناو دۆڵه‌كان،
بۆ ئه‌و شوێنه‌ی تۆ بۆت دامه‌زراندبوون.
9
سنوورێكت دانا لێی تێنه‌په‌ڕن،
نه‌گه‌ڕێنه‌وه‌ هه‌تا زه‌وی دابپۆشن.
10
كانیاو له‌ شیوه‌كان ده‌ته‌قێنیته‌وه‌،
بۆ ئه‌وه‌ی له‌نێوان چیاكاندا بڕۆن.
11
هه‌موو زینده‌وه‌رێكی ده‌شتوده‌ر ئاوده‌ده‌ن،
كه‌ره‌كێوییه‌كان تینووێتی خۆیانی پێ ده‌شكێنن.
12
باڵنده‌ی ئاسمان هێلانه‌ی تێدا ده‌كات،
له‌ناو چڵه‌كان ده‌خوێنێت.
13
له‌ به‌یتوونه‌كه‌ی خۆته‌وه‌ چیاكان ئاو ده‌ده‌یت،
زه‌وی له‌ به‌روبوومی كرده‌وه‌كانت تێر ده‌بێت.
14
گیا بۆ ئاژه‌ڵی ماڵی ده‌ڕوێنیت،
سه‌وزه‌ بۆ خزمه‌تی مرۆڤ،
بۆ ده‌رهێنانی نان له‌ زه‌وییه‌وه‌.
15
مه‌ی پێ ده‌به‌خشی بۆ ئه‌وه‌ی دڵی مرۆڤ خۆش بكه‌ی،
ڕۆن بۆ دره‌وشانه‌وه‌ی زیاتری ڕووی،
نان بۆ پته‌وكردنی دڵی مرۆڤ.
16
دره‌خته‌كانی یه‌زدان تێر ده‌بن،
ئه‌و داری ئورزه‌ی لوبنان كه‌ چاندی،
17
ئه‌وه‌ی چۆله‌كه‌ هێلانه‌ی تێدا ده‌كات،
له‌قله‌قیش داری سنه‌وبه‌ر ماڵیه‌تی،
18
چیای به‌رزیش بۆ بزنه‌ كێوی،
تاشه‌به‌رده‌كانیش په‌ناگای گۆڕهه‌ڵكه‌نه‌.
19
مانگت دروستكرد بۆ دیاریكردنی وه‌رزه‌كان،
خۆریش ئاوابوونی خۆی ده‌زانێت.
20
تاریكی دادێنێت ده‌بێت به‌ شه‌و،
هه‌موو زینده‌وه‌ری دارستان تێیدا ده‌كه‌ونه‌ جموجۆڵ.
21
به‌چكه‌ شێر بۆ نێچیر ده‌نه‌ڕێنن،
بۆ داواكردنی خواردنیان له‌ خودا.
22
كه‌ ڕۆژ هه‌ڵدێت ده‌كشێنه‌وه‌،
له‌ناو لانه‌كانیان خۆیان مات ده‌كه‌ن.
23
مرۆڤ ده‌چێت بۆ ئیشوكاری،
بۆ ڕه‌نجكێشییه‌كه‌ی هه‌تا ئێواره‌.
24
ئه‌ی یه‌زدان، كرده‌وه‌كانت چه‌نده‌ زۆرن!
هه‌موویت به‌ دانایی دروستكردووه‌،
زه‌وی پڕه‌ له‌ ده‌ستكردی تۆ.
25
ئه‌م ده‌ریا گه‌وره‌ و فراوانه‌،
كه‌ بێشومار گیانداری گه‌وره‌ و بچووكی تێدا جمه‌ی دێت.
26
له‌وێ كه‌شتییه‌كان ده‌ڕۆن،
لیڤیاتان[a] ، ئه‌مه‌ی خۆت به‌دیت هێناوه‌ بۆ ئه‌وه‌ی یاری تێدا بكات.
27
ئه‌مانه‌ هه‌مووی چاویان له‌ تۆیه‌،
بۆ ئه‌وه‌ی له‌ كاتی خۆی خواردنیان بده‌یتێ،
28
پێیان ده‌ده‌یت و ده‌یقۆزنه‌وه‌،
ده‌ستت ده‌كه‌یته‌وه‌ تێر چاكه‌ ده‌بن.
29
ڕوو وه‌رده‌گێڕیت، ده‌تۆقن،
هه‌ناسه‌یان لێ ده‌بڕیت، ده‌مرن،
ده‌گه‌ڕێنه‌وه‌ بۆ خۆڵی خۆیان.
30
كاتێك ڕۆحی خۆت ده‌نێریت،
ئه‌وان به‌دیهێنراون،
ڕووی زه‌وی نوێ ده‌كه‌یته‌وه‌.
31
با شكۆی یه‌زدان هه‌تاهه‌تایه‌ به‌رده‌وام بێت،
با یه‌زدان به‌ كاره‌كانی خۆی دڵخۆش بێت.
32
ئه‌وه‌ی سه‌یری زه‌وی ده‌كات، له‌رز ده‌یگرێت،
ده‌ست ده‌داته‌ چیاكان، دووكه‌ڵ ده‌كه‌ن.
33
به‌ درێژایی ژیانم گۆرانی بۆ یه‌زدان ده‌ڵێم،
تاكو ماوم سروود بۆ خودای خۆم ده‌ڵێم.
34
با بیركردنه‌وه‌م شیرین بێت له‌لای،
منیش به‌ یه‌زدان دڵخۆش ده‌بم.
35
به‌ڵام با گوناهباران له‌سه‌ر زه‌وی دواییان ببڕێته‌وه‌،
با به‌دكاران ئیتر نه‌مێنن.
ئه‌ی گیانی من، ستایشی یه‌زدان بكه‌.
هه‌لیلویا![b]
  1. a. 104‏:26 جۆره‌ ئه‌ژدیهایه‌كه‌، بڕوانه‌ \+xt ئه‌یوب 41‏:1‏\+xt*‏.
  2. b. 104‏:35 وشه‌یه‌كی عیبرییه‌ به‌ واتای (ستایشی یه‌زدان بكه‌).