عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
دانایی خانووی خۆی بنیاد ناوه‌،
حه‌وت[a] كۆڵه‌كه‌كه‌ی داتاشیوه‌.
2
سه‌ربڕدراوه‌كه‌ی سه‌ربڕیوه‌ و شه‌رابه‌كه‌ی تێكه‌ڵ كردووه‌،
هه‌روه‌ها خوانه‌كه‌ی ئاماده‌ كردووه‌.
3
كه‌نیزه‌كانی خۆی ناردووه‌ و بانگ ده‌كات،
له‌سه‌ر به‌رزاییه‌كانی شار:
4
«كێ ساویلكه‌یه‌، با ڕوو لێره‌ بكات!»
به‌ تێنه‌گه‌یشتووش ده‌ڵێت:
5
«وه‌رن، له‌ نانی من بخۆن و
له‌و شه‌رابه‌ی تێكه‌ڵم كردووه‌ بخۆنه‌وه‌.
6
واز له‌ ساویلكه‌یی بهێنن و بژین،
به‌ ڕێگای تێگه‌یشتندا بڕۆن.»
7
ئه‌وه‌ی گاڵته‌جاڕ ته‌مبێ بكات شه‌رمه‌زاری ده‌ست ده‌كه‌وێت،
ئه‌وه‌ی به‌دكار سه‌رزه‌نشت بكات خۆی له‌كه‌دار ده‌كات.
8
سه‌رزه‌نشتی گاڵته‌جاڕ مه‌كه‌، نه‌وه‌ك ڕقی لێت بێته‌وه‌،
سه‌رزه‌نشتی دانا بكه‌، تۆی خۆشده‌وێت.
9
ڕێنمایی دانا بكه‌، داناتر ده‌بێت،
كه‌سێكی ڕاستودروست فێر بكه‌، زاناتر ده‌بێت.
10
له‌خواترسی سه‌ره‌تای داناییه‌،
ناسینی خودای پیرۆزیش تێگه‌یشتنه‌.
11
چونكه‌ به‌ من ڕۆژگارت زیاد ده‌كات،
ساڵانی ژیانت پتر ده‌بێت.
12
ئه‌گه‌ر دانا بیت، بۆ خۆت دانایت،
ئه‌گه‌ر گاڵته‌جاڕ بیت، ته‌نها له‌سه‌ر خۆت ده‌كه‌وێت.
13
گێلایه‌تی وه‌ك خاتوونێكی به‌ بۆڵه‌بۆڵه‌،
ساویلكه‌یه‌ و هیچ شتێك نازانێت.
14
له‌ به‌رده‌رگای ماڵه‌كه‌ی داده‌نیشێت،
له‌سه‌ر كورسییه‌ك له‌ به‌رزترین شوێنی شار،
15
بۆ بانگكردنی ڕێبواره‌كان،
ئه‌وانه‌ی له‌ ڕێچكه‌ی خۆیان ده‌ڕۆن:
16
«كێ ساویلكه‌یه‌، با ڕوو لێره‌ بكات!»
به‌ تێنه‌گه‌یشتووش ده‌ڵێت:
17
«ئاوی دزراو شیرینه‌،
نانی به‌ دزی به‌تامه‌.»
18
به‌ڵام ئه‌وان نازانن، خێوه‌كان له‌وێن،
میوانه‌كانی نه‌زانیش له‌ناو جه‌رگه‌ی جیهانی مردوواندان.
  1. a. 9‏:1 له‌وانه‌یه‌ ژماره‌ حه‌وت بۆ هێمای ته‌واوه‌تی و ڕێكوپێكی ماڵه‌كه‌ به‌كارهاتووه‌. بڕوانه‌ \+xt ئاشكراكردن 1‏:19‏\+xt*‏.