عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
ڕۆڵه‌، ئه‌گه‌ر بووی به‌ كه‌فیلی دراوسێكه‌ت،
ئه‌گه‌ر له‌گه‌ڵ بێگانه‌یه‌ك ته‌وقه‌ت كرد[a] ،
2
ئه‌گه‌ر به‌ داوی قسه‌كانی ده‌مته‌وه‌ بوویت،
به‌ قسه‌ی ده‌می خۆت پێوه‌ بوویت،
3
ڕۆڵه‌، ئه‌مه‌ بكه‌ و فریای خۆت بكه‌وه‌،
چونكه‌ ژێرده‌سته‌ی دراوسێكه‌ت بوویت،
بڕۆ، خۆت نزم بكه‌ره‌وه‌ و له‌ هاوڕێكه‌ت بپاڕێوه‌.
4
خه‌و مه‌ده‌ چاوه‌كانت و
پێڵووه‌كانت خه‌واڵوو نه‌بن.
5
وه‌ك مامز خۆت له‌ناو ده‌ست ده‌رباز بكه‌،
وه‌ك چۆله‌كه‌ له‌ ده‌ستی ڕاوچی.
6
ئه‌ی ته‌مبه‌ڵ، بڕۆ لای مێرووله‌،
بڕوانه‌ ڕێگاكانی و ببه‌ به‌ دانا.
7
بێ ئه‌وه‌ی پێشه‌وا و
كوێخا و فه‌رمانڕه‌وای هه‌بێت،
8
به‌ڵام له‌ هاویندا نانی خۆی ئه‌مبار ده‌كات و
له‌ كاتی دروێنه‌دا خۆراكی خۆی كۆده‌كاته‌وه‌.
9
ئه‌ی ته‌مبه‌ڵ، هه‌تا كه‌ی پاڵده‌ده‌یته‌وه‌؟
كه‌ی له‌ خه‌وه‌كه‌ت هه‌ڵده‌ستی؟
10
كه‌مێك خه‌وتن، كه‌مێك خه‌واڵووبوون،
كه‌مێكیش ده‌ست تێكنان بۆ ڕاكشان،
11
ئینجا هه‌ژاریت وه‌ك چه‌ته‌ دێت،
نه‌بوونیشت وه‌ك چه‌كدار.
12
كه‌سی هیچوپووچ، پیاوی چه‌واشه‌كار،
به‌ زمان خواری ڕه‌فتار ده‌كات،
13
چاوی ده‌قوچێنێت و
به‌پێی ئاماژه‌ ده‌كات و
به‌ په‌نجه‌ ده‌ریده‌بڕێت،
14
فێڵ له‌ دڵیدایه‌،
خراپه‌ داده‌هێنێت،
هه‌موو كاتێك ناكۆكی ده‌وروژێنێت.
15
له‌به‌ر ئه‌وه‌ له‌پڕ لێی ده‌قه‌ومێت،
له‌ناكاو ده‌شكێت و چاره‌سه‌ری نییه‌.
16
شه‌ش شت هه‌ن یه‌زدان ڕقی لێیانه‌،
حه‌وتیش[b] قێزه‌ونه‌ له‌لای:
17
چاوی به‌فیز،
زمانی درۆزن،
ده‌ستێك كه‌ خوێنی بێتاوانی ڕشتبێت،
18
دڵێك پیلانی خراپ دابهێنێت،
پێیه‌ك به‌ په‌له‌ به‌ره‌و خراپه‌كاری ڕابكات،
19
شایه‌تی درۆزن درۆ بڵاو بكاته‌وه‌ و
وروژێنه‌ری ناكۆكی نێوان برایان.
ئاگاداركردنه‌وه‌ له‌ داوێنپیسی 
20
ڕۆڵه‌، ڕاسپارده‌كانی باوكت به‌جێبگه‌یه‌نه‌ و
فێركردنه‌كانی دایكت پشتگوێ مه‌خه‌.
21
هه‌میشه‌ به‌ دڵته‌وه‌ گرێیان بده‌ و
به‌ گه‌ردنی خۆته‌وه‌ هه‌ڵیانواسه‌.
22
له‌ هاتوچۆكردنتدا ڕێنماییت ده‌كه‌ن،
له‌ ڕاكشانت چاودێریت ده‌كه‌ن و
كه‌ خه‌به‌ریشت بووه‌وه‌ ده‌تدوێنن.
23
چونكه‌ ئه‌م ڕاسپاردانه‌ چران و
ئه‌م فێركردنه‌ش ڕووناكییه‌،
سه‌رزه‌نشتی ته‌مبێكردنیش ڕێگای ژیانه‌،
24
بۆ ئه‌وه‌ی له‌ ژنی به‌دڕه‌وشت بتپارێزێت،
له‌ زمانلووسی داوێنپیس.
25
له‌ دڵه‌وه‌ ئاره‌زووی جوانییه‌كه‌ی مه‌كه‌،
با به‌ برژانگه‌كانی نه‌تبات،
26
چونكه‌ ژنی له‌شفرۆش وا ده‌كات پێویستیت به‌ نانێك بێت،
به‌ڵام ژنی به‌مێرد گیانی گرانبه‌هات ڕاوده‌كات.
27
ئایا كه‌س ده‌توانێت ئاگر له‌ باوه‌ش بگرێت و
جله‌كانی نه‌سووتێت؟
28
یان به‌سه‌ر پشكۆدا بڕوات و
پێیه‌كانی داغ نه‌بێت؟
29
ئاوایه‌ ئه‌وه‌ی بچێته‌ لای ژنی كه‌سێكی دیكه‌،
هه‌ركه‌سێك ده‌ستی لێ بدات بێ سزا نابێت.
30
سووكایه‌تی به‌ دز ناكرێت كه‌ دزی ده‌كات
بۆ خۆتێركردن كاتێك كه‌ برسییه‌.
31
هه‌رچه‌نده‌ كه‌ لێی ئاشكرا بوو ده‌بێت حه‌وت قات بداته‌وه‌،
ئه‌گه‌ر هه‌موو ماڵی خۆشی له‌سه‌ر دانابێت.
32
به‌ڵام ئه‌وه‌ی داوێنپیسی له‌گه‌ڵ ژنێك بكات تێنه‌گه‌یشتووه‌،
هه‌ركه‌سێك وا بكات خۆی ده‌فه‌وتێنێت.
33
تووشی لێدان و سه‌رشۆڕی ده‌بێت و
شه‌رمه‌زارییه‌كه‌ی ناسڕێته‌وه‌،
34
چونكه‌ ئیره‌یی پیاو ده‌وروژێنێت،
له‌ ڕۆژی تۆڵه‌دا ده‌ست ناگێڕێته‌وه‌،
35
چاوی له‌ هیچ قه‌ره‌بووێك نییه‌،
به‌ دیاری ڕازی نابێت، ئه‌گه‌ر بۆشی زیاد بكه‌یت.
  1. a. 6‏:1 ته‌وقه‌كردن به‌ مه‌به‌ستی ڕێككه‌وتن به‌بێ هیچ به‌ڵگه‌نامه‌یه‌ك.
  2. b. 6‏:16 ده‌ربڕینێكی عیبرییه‌ بۆ دووپاتكردنه‌وه‌ بۆ ژماره‌ حه‌وت.