عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
به‌دكار بێ ئه‌وه‌ی كه‌س ڕاوی بنێت هه‌ڵدێت؟
به‌ڵام ڕاستودروست وه‌ك به‌چكه‌ شێر چاونه‌ترسه‌.
2
كه‌ یاخیبوون له‌ خاكێك هه‌بێت میری زۆر ده‌بێت،
به‌ڵام فه‌رمانڕه‌وایه‌كی تێگه‌یشتوو و زانا نیشتیمان به‌رقه‌رار ده‌كات.
3
ئه‌و سه‌ركرده‌یه‌ی هه‌ژاران بچه‌وسێنێته‌وه‌،
بارانێكی به‌خوڕه‌ هیچ خۆراكێك ناهێڵێته‌وه‌.
4
ئه‌وانه‌ی واز له‌ ته‌ورات[a] ده‌هێنن ستایشی به‌دكار ده‌كه‌ن،
به‌ڵام پارێزه‌رانی ته‌ورات دژایه‌تییان ده‌كه‌ن.
5
پیاوخراپان له‌ دادپه‌روه‌ری تێناگه‌ن،
به‌ڵام ئه‌وانه‌ی ڕوو له‌ یه‌زدان ده‌كه‌ن ته‌واو تێده‌گه‌ن.
6
باشتره‌ هه‌ژار ڕێگای ته‌واوه‌تی گرتبێت،
له‌ ده‌وڵه‌مه‌ند كه‌ ڕێگاكان خوارده‌كاته‌وه‌.
7
ئه‌وه‌ی ته‌ورات بپارێزێت كوڕێكی تێگه‌یشتووه‌،
به‌ڵام هاوڕێی ده‌ستبڵاوان باوكی خۆی ڕیسوا ده‌كات.
8
ئه‌وه‌ی به‌ سوو و بازاڕگرانكردن سامانی خۆی زۆر بكات،
بۆ یه‌كێكی كۆده‌كاته‌وه‌ كه‌ به‌زه‌یی به‌ نه‌داران دێته‌وه‌.
9
ئه‌وه‌ی گوێی دابخات له‌ بیستنی فێركردنه‌كه‌م،
ته‌نانه‌ت نوێژه‌كه‌شی قێزه‌ونه‌.
10
ئه‌وه‌ی سه‌رڕاستان وێڵی ڕێگای خراپه‌ بكات،
ده‌كه‌وێته‌ ئه‌و چاڵه‌وه‌ كه‌ خۆی هه‌ڵیكه‌ندووه‌،
به‌ڵام ئه‌وانه‌ی كه‌ بێ كه‌موكوڕین میراتی باشیان به‌رده‌كه‌وێت.
11
ده‌وڵه‌مه‌ند له‌به‌رچاوی خۆی دانایه‌،
به‌ڵام هه‌ژاری تێگه‌یشتوو ده‌یپشكنێت.
12
له‌ سه‌ركه‌وتنی ڕاستودروستان شانازییه‌كی گه‌وره‌ هه‌یه‌،
به‌ڵام له‌ هه‌ستانی به‌دكاران خه‌ڵكی خۆیان ده‌شارنه‌وه‌.
13
ئه‌وه‌ی گوناهه‌كانی خۆی بشارێته‌وه‌ سه‌رناكه‌وێت،
به‌ڵام دانپێدانه‌ر و وازلێهێنه‌ر به‌ر به‌زه‌یی ده‌كه‌وێت.
14
خۆزگه‌ ده‌خوازرێ به‌ كه‌سێك به‌رده‌وام له‌ یه‌زدان بترسێت،
به‌ڵام ئه‌وه‌ی دڵی خۆی ڕه‌ق بكات ده‌كه‌وێته‌ خراپه‌وه‌.
15
وه‌ك شێرێكی به‌ نه‌ڕه‌نه‌ڕ و ورچێكی هه‌ڵچووه‌،
فه‌رمانڕه‌وای به‌دكار به‌سه‌ر گه‌لی نه‌داره‌وه‌.
16
فه‌رمانڕه‌وای ناتێگه‌یشتوو زۆرداری زۆر ده‌كات،
به‌ڵام ئه‌وه‌ی ڕقی له‌ ده‌ستكه‌وتی ناڕه‌وا بێت ته‌مه‌ن درێژ ده‌بێت.
17
ئه‌وه‌ی خوێنی كه‌سێكی له‌ مل بێت
هه‌تا ڕۆژی مردنی هه‌ڵاتوو ده‌بێت.
با كه‌س پشتیوانی نه‌كات.
18
ئه‌وه‌ی به‌ ڕێگای ته‌واویدا بڕوات ڕزگار ده‌بێت،
به‌ڵام ئه‌وه‌ی ڕێگاكانی خوار بكات له‌پڕ ده‌كه‌وێت.
19
ئه‌وه‌ی خزمه‌تی زه‌وی خۆی بكات تێر نان ده‌بێت،
به‌ڵام ئه‌وه‌ی دوای هیچوپووچی بكه‌وێت تێر هه‌ژاری ده‌بێت.
20
كه‌سی دڵسۆز به‌ره‌كه‌تی زۆره‌،
به‌ڵام ئه‌وه‌ی به‌ په‌له‌ بێت بۆ ده‌وڵه‌مه‌ندی بێ سزا نابێت.
21
لایه‌نگری باش نییه‌،
به‌ڵام مرۆڤ بۆ له‌ته‌ نانێك گوناه ده‌كات.
22
كه‌سی به‌رچاوته‌نگ به‌ په‌له‌یه‌ بۆ ده‌وڵه‌مه‌ندی،
به‌ڵام نازانێت نه‌بوونی بۆ دێت.
23
ئه‌وه‌ی كه‌سێك سه‌رزه‌نشت بكات له‌ كۆتاییدا په‌سه‌ندتر ده‌بێت
له‌وه‌ی زمانلووسی ده‌كات.
24
ئه‌وه‌ی دایك و باوكی تاڵان بكات و
بڵێت: «ئه‌مه‌ گوناه نییه‌!»
ئه‌و كه‌سه‌ هاوبه‌شی كاولكارانه‌.
25
چاوبرسی ناكۆكی ده‌وروژێنێت،
به‌ڵام ئه‌وانه‌ی پشت به‌ یه‌زدان ده‌به‌ستن سه‌ركه‌وتوو ده‌بن.
26
ئه‌وه‌ی پشت به‌ بیركردنه‌وه‌ی خۆی ببه‌ستێت گێله‌،
به‌ڵام ئه‌وه‌ی به‌ ڕێگای داناییدا بڕوات ده‌رباز ده‌بێت.
27
ئه‌وه‌ی به‌ هه‌ژار ببه‌خشێت نه‌بوون نابێت،
به‌ڵام ئه‌وه‌ی ڕووی لێ وه‌رگێڕێت نه‌فره‌تی زۆر ده‌بێت.
28
به‌ هه‌ستانی به‌دكاران خه‌ڵكی خۆیان ده‌شارنه‌وه‌،
به‌ڵام به‌ له‌ناوچوونیان ڕاستودروستان گه‌شه‌ ده‌كه‌ن.
  1. a. 28‏:4 فێركردن.