عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
پێشكه‌شكراوه‌كان بۆ ته‌رخانكردنی قوربانگا 
1
ئه‌و ڕۆژه‌ی كه‌ موسا له‌ دانانی چادره‌كه‌ی په‌رستن ته‌واو بوو، ده‌ستنیشانی كرد و ته‌رخانی كرد له‌گه‌ڵ هه‌موو كه‌لوپه‌له‌كانی، هه‌روه‌ها قوربانگاكه‌ش و هه‌موو قاپوقاچاغه‌كانی ده‌ستنیشان كرد و ته‌رخانی كرد.
2
ئینجا سه‌رۆكه‌كانی ئیسرائیل، گه‌وره‌ی بنه‌ماڵه‌كانیان كه‌ سه‌رۆكی هۆزه‌كان بوون، به‌رپرسیار بوون له‌سه‌ر تۆماركراوه‌كان، پێشكه‌شكراوه‌كانیان به‌خشی.
3
دیارییه‌كانیان هێنایه‌ به‌رده‌م یه‌زدان، شه‌ش عه‌ره‌بانه‌ی داپۆشراو و دوازده‌ گای خه‌ساو[a] ، هه‌ر عه‌ره‌بانه‌یه‌ك بۆ دوو سه‌رۆك و بۆ هه‌ر یه‌كێكیان گایه‌كی خه‌ساو، كه‌ هێنایان بۆ به‌رده‌م چادره‌كه‌ی په‌رستن.
4
جا یه‌زدان به‌ موسای فه‌رموو:
5
«لێیان وه‌ربگره‌ بۆ كاری خزمه‌تی چادری چاوپێكه‌وتن ده‌بن و بیده‌ به‌ لێڤییه‌كان، بۆ هه‌ر یه‌كێك به‌گوێره‌ی خزمه‌ته‌كه‌ی.»
6
موساش عه‌ره‌بانه‌كان و گایه‌ خه‌ساوه‌كانی وه‌رگرت و به‌ لێڤییه‌كانی دا.
7
دووان له‌ عه‌ره‌بانه‌كان و چوار گای خه‌ساوی به‌ نه‌وه‌ی گێرشۆن دا به‌گوێره‌ی خزمه‌تیان،
8
چوار له‌ عه‌ره‌بانه‌كان و هه‌شت گای خه‌ساوی به‌ نه‌وه‌ی مه‌راری دا به‌گوێره‌ی خزمه‌تیان له‌ژێر سه‌رپه‌رشتی ئیتاماری كوڕی هارونی كاهین.
9
به‌ڵام موسا هیچی نه‌دا به‌ نه‌وه‌ی قه‌هات، چونكه‌ خزمه‌تی شته‌ پیرۆزكراوه‌كان له‌ ئه‌ستۆی ئه‌وان بوو، له‌سه‌ر شانه‌كانیان هه‌ڵیانده‌گرت.
10
سه‌رۆكه‌كانیش بۆ ته‌رخانكردنی قوربانگاكه‌ له‌ ڕۆژانی ده‌ستنیشانكردنی دیارییان ده‌هێنا و له‌به‌رده‌م قوربانگاكه‌ پێشكه‌شیان ده‌كرد.
11
یه‌زدانیش به‌ موسای فه‌رمووبوو: «هه‌موو ڕۆژێك یه‌كێك له‌ سه‌رۆكه‌كان پێشكه‌شكراوه‌كه‌ی ده‌هێنێت بۆ ته‌رخانكردنی قوربانگاكه‌.»
12
ئه‌وه‌ی ڕۆژی یه‌كه‌م پێشكه‌شكراوه‌كه‌ی هێنا نه‌حشۆنی كوڕی عه‌میناداب بوو له‌ هۆزی یه‌هودا.
13
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل[b] بوو، تاسێك له‌ زیو كێشه‌كه‌ی حه‌فتا شاقل[c] بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
14
قاپێكی زێڕ كێشه‌كه‌ی ده‌ شاقل و پڕ له‌ بخوور؛
15
یه‌ك جوانه‌گا[d] و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
16
گیسكێكی نێرینه‌ بۆ قوربانی گوناه؛
17
بۆ قوربانی هاوبه‌شیش دوو گا و پێنج به‌ران و پێنج ته‌گه‌[e] و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی نه‌حشۆنی كوڕی عه‌مینادابه‌.
18
له‌ ڕۆژی دووه‌مدا نه‌ته‌نێلی كوڕی چوعه‌ر سه‌رۆكی یه‌ساخار پێشكه‌شكراوه‌كه‌ی هێنا.
19
پێشكه‌شكراوه‌كه‌ی كه‌ هێنابووی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
20
قاپێكی زێڕ كێشه‌كه‌ی ده‌ شاقل و پڕ له‌ بخوور؛
21
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
22
گیسكێكی نێرینه‌ بۆ قوربانی گوناه؛
23
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی نه‌ته‌نێلی كوڕی چوعه‌ره‌.
24
له‌ ڕۆژی سێیه‌مدا سه‌رۆكی نه‌وه‌ی زه‌بولون، ئه‌لیابی كوڕی حێلۆن، پێشكه‌شكراوه‌كه‌ی هێنا.
25
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
26
قاپێكی زێڕ كێشه‌كه‌ی ده‌ شاقل و پڕ له‌ بخوور؛
27
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
28
گیسكێكی نێرینه‌ بۆ قوربانی گوناه؛
29
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی ئه‌لیابی كوڕی حێلۆنه‌.
30
له‌ ڕۆژی چواره‌مدا سه‌رۆكی نه‌وه‌ی ڕه‌ئوبێن، ئه‌لیسوری كوڕی شه‌دیئور، پێشكه‌شكراوه‌كه‌ی هێنا.
31
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
32
قاپێكی زێڕ كێشه‌كه‌ی ده‌ شاقل و پڕ له‌ بخوور؛
33
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
34
گیسكێكی نێرینه‌ بۆ قوربانی گوناه؛
35
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی ئه‌لیسوری كوڕی شه‌دیئوره‌.
36
له‌ ڕۆژی پێنجه‌مدا سه‌رۆكی نه‌وه‌ی شیمۆن، شه‌لومیێلی كوڕی چووریشه‌دای، پێشكه‌شكراوه‌كه‌ی هێنا.
37
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
38
قاپێكی زێڕ كێشه‌كه‌ی ده‌ شاقل و پڕ له‌ بخوور؛
39
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
40
گیسكێكی نێرینه‌ بۆ قوربانی گوناه؛
41
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی شه‌لومیێلی كوڕی چووریشه‌دایه‌.
42
له‌ ڕۆژی شه‌شه‌مدا سه‌رۆكی نه‌وه‌ی گاد، ئه‌لیاسافی كوڕی ده‌عوئێل، پێشكه‌شكراوه‌كه‌ی هێنا.
43
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
44
قاپێكی زێڕ كێشه‌كه‌ی ده‌ شاقل و پڕ له‌ بخوور؛
45
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
46
گیسكێكی نێرینه‌ بۆ قوربانی گوناه؛
47
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی ئه‌لیاسافی كوڕی ده‌عوئێله‌.
48
له‌ ڕۆژی حه‌وته‌م سه‌رۆكی نه‌وه‌ی ئه‌فرایم، ئه‌لیشاماعی كوڕی عه‌میهود، پێشكه‌شكراوه‌كه‌ی هێنا.
49
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
50
قاپێكی زێڕ كێشه‌كه‌ی ده‌ شاقل و پڕ له‌ بخوور؛
51
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
52
گیسكێكی نێرینه‌ بۆ قوربانی گوناه؛
53
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی ئه‌لیشاماع كوڕی عه‌میهوده‌.
54
له‌ ڕۆژی هه‌شته‌مدا سه‌رۆكی نه‌وه‌ی مه‌نه‌شه‌، گه‌مالائیلی كوڕی په‌داهچوور، پێشكه‌شكراوه‌كه‌ی هێنا.
55
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
56
قاپێكی زێڕ كێشه‌كه‌ی ده‌ شاقل و پڕ له‌ بخوور؛
57
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
58
گیسكێكی نێرینه‌ بۆ قوربانی گوناه؛
59
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی گه‌مالائیلی كوڕی په‌داهچووره‌.
60
له‌ ڕۆژی نۆیه‌م سه‌رۆكی نه‌وه‌ی بنیامین، ئه‌بیدانی كوڕی گدعۆنی، پێشكه‌شكراوه‌كه‌ی هێنا.
61
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
62
قاپێكی زێڕ كێشه‌كه‌ی ده‌ شاقل و پڕ له‌ بخوور؛
63
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
64
گیسكێكی نێرینه‌ بۆ قوربانی گوناه؛
65
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی ئه‌بیدانی كوڕی گدعۆنییه‌.
66
له‌ ڕۆژی ده‌یه‌مدا سه‌رۆكی نه‌وه‌ی دان، ئه‌حیعه‌زه‌ری كوڕی عه‌میشه‌دای، پێشكه‌شكراوه‌كه‌ی هێنا.
67
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
68
قاپێكی زێڕ كێشه‌كه‌ی ده‌ شاقل و پڕ له‌ بخوور؛
69
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
70
گیسكێكی نێرینه‌ بۆ قوربانی گوناه؛
71
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی ئه‌حیعه‌زه‌ری كوڕی عه‌میشه‌دایه‌.
72
له‌ ڕۆژی یازده‌یه‌م سه‌رۆكی نه‌وه‌ی ئاشێر، په‌گعیێلی كوڕی عۆخران، پێشكه‌شكراوه‌كه‌ی هێنا.
73
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
74
قاپێكی زێڕ كێشه‌كه‌ی ده‌ شاقل و پڕ له‌ بخوور؛
75
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
76
گیسكێكی نێرینه‌ بۆ قوربانی گوناه؛
77
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی په‌گعیێلی كوڕی عۆخرانه‌.
78
له‌ ڕۆژی دوازده‌یه‌مدا سه‌رۆكی نه‌وه‌ی نه‌فتالی، ئه‌حیڕه‌عی كوڕی عێینان، پێشكه‌شكراوه‌كه‌ی هێنا.
79
پێشكه‌شكراوه‌كه‌شی له‌گه‌نێك بوو له‌ زیو كه‌ كێشه‌كه‌ی سه‌د و سی شاقل بوو، تاسێك له‌ زیو كێشه‌كه‌ی حه‌فتا شاقل بوو به‌ شاقلی پیرۆزگا، هه‌ردووكیان پڕ بوون له‌ باشترین ئاردی به‌ زه‌یت شێلراو وه‌ك پێشكه‌شكراوی دانه‌وێڵه‌؛
80
قاپێكی زێڕ كێشه‌كه‌ی ده‌ شاقل و پڕ له‌ بخوور؛
81
یه‌ك جوانه‌گا و به‌رانێك و به‌رخێكی نێری یه‌ك ساڵه‌ بۆ قوربانی سووتاندن؛
82
گیسكێكی نێرینه‌ بۆ قوربانی گوناه؛
83
بۆ قوربانی هاوبه‌شیش دوو گا و پێنج به‌ران و پێنج ته‌گه‌ و پێنج به‌رخی نێری یه‌ك ساڵه‌. ئه‌مه‌ پێشكه‌شكراوی ئه‌حیڕه‌عی كوڕی عێینانه‌.
84
ئه‌مه‌ پێشكه‌شكراوی سه‌رۆكه‌كانی ئیسرائیل بوو، بۆ ته‌رخانكردنی قوربانگاكه‌ له‌ كاتی ده‌ستنیشانكردنی: دوازده‌ له‌گه‌نی زیو و دوازده‌ تاسی زیو و دوازده‌ قاپی زێڕ.
85
هه‌ر له‌گه‌نێك سه‌د و سی شاقل زیو و هه‌ر تاسێك حه‌فتا شاقل بوو، هه‌موو زیوی قاپوقاچاغه‌كان دوو هه‌زار و چوار سه‌د[f] بوون به‌ شاقلی پیرۆزگا.
86
قاپه‌ زێڕه‌كانیش دوازده‌ی پڕ له‌ بخوور، هه‌ر قاپێك ده‌ به‌ شاقلی پیرۆزگا، هه‌موو زێڕی قاپه‌كان سه‌د و بیست شاقل بوو.
87
هه‌موو گایه‌كانی قوربانی سووتاندن دوازده‌ جوانه‌گا بوو، به‌رانه‌كانیش دوازده‌ و به‌رخه‌ نێره‌ یه‌ك ساڵه‌كانیش دوازده‌ له‌گه‌ڵ پێشكه‌شكراوی دانه‌وێڵه‌یان، گیسكه‌ نێره‌كانیش دوازده‌ بوون بۆ قوربانی گوناه،
88
هه‌موو گایه‌كانی قوربانی هاوبه‌شیش بیست و چوار گا بوون، به‌رانه‌كانیش شه‌ست و ته‌گه‌كانیش شه‌ست و به‌رخه‌ نێره‌ یه‌ك ساڵه‌كانیش شه‌ست. ئه‌مه‌ پێشكه‌شكراوه‌كان بوو بۆ ته‌رخانكردنی قوربانگاكه‌ له‌دوای ده‌ستنیشانكردنی.
89
جا كاتێك موسا چووه‌ ناو چادری چاوپێكه‌وتنه‌وه‌ هه‌تا قسه‌ له‌گه‌ڵ یه‌زدان بكات، گوێی له‌ ده‌نگه‌كه‌ ده‌بوو كه‌ له‌گه‌ڵی ده‌دوا له‌ قه‌پاغی كه‌فاره‌ته‌وه‌[g] كه‌ له‌سه‌ر سندوقی شایه‌تی بوو، له‌نێوان دوو كه‌ڕوبه‌كه‌وه‌[h] ، به‌م شێوه‌یه‌ خودا قسه‌ی له‌گه‌ڵ كرد.
  1. a. 7‏:3 گای خه‌ساو توانای زاوزێكردنی نییه‌، هه‌روه‌ها تایبه‌ت دانراوه‌ بۆ كاركردن.
  2. b. 7‏:13 نزیكه‌ی 1,5 كیلۆگرام.
  3. c. 7‏:13 نزیكه‌ی 0,8 كیلۆگرام.
  4. d. 7‏:15 له‌و كاته‌وه‌ی كه‌ گوێره‌كه‌ی نێر له‌ شیر ده‌بڕدرێته‌وه‌ پێی ده‌گوترێت (نۆبه‌ن) یان (جوانه‌گا).
  5. e. 7‏:17 نێری، سابرێن.
  6. f. 7‏:85 دوو هه‌زار و چوار سه‌د شاقل: نزیكه‌ی 28 كیلۆگرام.
  7. g. 7‏:89 قه‌پاغێكه‌ بۆ داپۆشینی سندوقی په‌یمان، له‌ ڕۆژی كه‌فاره‌ت خوێنی قوربانی له‌سه‌ر ڕژاوه‌ بۆ لێخوشبوونی گوناه. بڕوانه‌ \+xt ده‌رچوون 25‏:17‏\+xt*‏.
  8. h. 7‏:89 دوو كه‌ڕوب: جووتێك په‌یكه‌ری بوونه‌وه‌ری ئاسمانی باڵدار له‌ شێوه‌ی ئاژه‌ڵ و مرۆڤ بۆ پارێزگاریكردن له‌ هه‌ردوو لای كه‌ناری به‌شی كۆتایی سندوقی په‌یمان دانرابوون، بڕوانه‌ \+xt ده‌رچوون 25‏:18 و عیبرانییه‌كان 9‏:5‏\+xt*‏.