عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
میراته‌كه‌ی كچانی سه‌لۆفحاد 
1
گه‌وره‌ی بنه‌ماڵه‌كانی خێڵی نه‌وه‌ی گلعادی كوڕی ماكیر كوڕی مه‌نه‌شه‌ كه‌ له‌ خێڵه‌كانی نه‌وه‌ی یوسفن، هاتنه‌ پێش و له‌به‌رده‌م موسا و به‌رده‌م گه‌وره‌ی بنه‌ماڵه‌كانی نه‌وه‌ی ئیسرائیل دوان و
2
گوتیان: «كاتێك یه‌زدان فه‌رمانی به‌ گه‌وره‌م كرد، كه‌ خاكه‌كه‌ به‌ میرات به‌ تیروپشك بداته‌ نه‌وه‌ی ئیسرائیل، هه‌روه‌ها فه‌رمانی پێ كردیت كه‌ میراته‌كه‌ی سه‌لۆفحادی برامان بده‌یته‌ كچه‌كانی.
3
جا ئه‌گه‌ر گریمان بوونه‌ ژنی پیاوێك له‌ هۆزه‌كانی نه‌وه‌ی ئیسرائیل، ئه‌وا میراته‌كه‌یان له‌ میراتی باوكانمان ده‌بردرێت و ده‌خرێته‌ سه‌ر میراتی ئه‌و هۆزه‌ كه‌ بۆ ئه‌وان بوون، جا به‌شێك له‌ تیروپشكی میراته‌كه‌مان ده‌بردرێت.
4
كاتێك بووه‌ ساڵی یۆبیل[a] بۆ نه‌وه‌ی ئیسرائیل، ئه‌وا میراته‌كه‌یان ده‌چێته‌ سه‌ر میراتی ئه‌و هۆزه‌ی كه‌ بۆیان بوون و له‌ میراتی هۆزی باوكانمان میراتیان ده‌بردرێت.»
5
جا موسا به‌گوێره‌ی فه‌رمایشتی یه‌زدان فه‌رمانی به‌ نه‌وه‌ی ئیسرائیل كرد و گوتی: «هۆزی نه‌وه‌ی یوسف ڕاستیان گوت.
6
یه‌زدان فه‌رمانی ئه‌مه‌ی كرد سه‌باره‌ت به‌ كچانی سه‌لۆفحاد و فه‌رمووی، ئه‌وه‌ی ئه‌وان پێیان خۆشه‌ با شووی پێ بكه‌ن، به‌ مه‌رجێك له‌ خێڵی هۆزی باوكانیان بێت.
7
میراتی نه‌وه‌ی ئیسرائیل له‌ هۆزێكه‌وه‌ بۆ هۆزێكی دیكه‌ ناگوازرێته‌وه‌، به‌ڵكو نه‌وه‌ی ئیسرائیل هه‌ریه‌كه‌ پابه‌ندی میراتی هۆزی باوكانی ده‌بێت.
8
هه‌ر كچێكیش له‌ هۆزه‌كانی نه‌وه‌ی ئیسرائیل میراتی وه‌رگرت، ئه‌وا ده‌بێته‌ ژنی یه‌كێك له‌ خێڵی هۆزی باوكی، هه‌تا نه‌وه‌ی ئیسرائیل هه‌ریه‌كه‌ ببێته‌ میراتگری میراتی باوكانی.
9
هیچ میراتێك له‌ هۆزێكه‌وه‌ بۆ هۆزێكی دیكه‌ ناگوازرێته‌وه‌، به‌ڵكو هۆزه‌كانی نه‌وه‌ی ئیسرائیل هه‌ریه‌كه‌ پابه‌ندی میراتی خۆی ده‌بێت.»
10
وه‌ك یه‌زدان فه‌رمانی به‌ موسا كرد، كچانی سه‌لۆفحاد ئاوایان كرد.
11
مه‌حله‌ و تیرزه‌ و حۆگله‌ و میلكه‌ و نۆعا كه‌ كچانی سه‌لۆفحادن بوونه‌ ژنی ئامۆزاكانیان؛
12
بوونه‌ ژن له‌ خێڵه‌كانی نه‌وه‌ی مه‌نه‌شه‌ی كوڕی یوسف، ئیتر میراته‌كه‌یان له‌ خێڵ و هۆزی باوكانیان مایه‌وه‌.
13
ئه‌مه‌ ئه‌و فه‌رمان و ڕێسایانه‌یه‌ كه‌ یه‌زدان فه‌رمانی به‌ نه‌وه‌ی ئیسرائیل كرد، به‌ ده‌ستی موسا له‌ ده‌شتی مۆئاب له‌سه‌ر ڕووباری ئوردون به‌رامبه‌ر ئه‌ریحا.
  1. a. 36‏:4 ساڵی یۆبیل: یۆبیل وشه‌یه‌كی عیبرییه‌ به‌ واتای به‌ران دێت، ساڵی یۆبیل ساڵی ئازادكردنی كۆیله‌ و لێخۆشبوونه‌ له‌ قه‌رز، له‌و ساڵه‌دا كه‌ فوو به‌ قۆچی به‌ران ده‌كه‌ن وه‌ك كه‌ڕه‌نا ئیتر ئه‌وه‌ ڕاگه‌یاندنه‌ بۆ گه‌ڕانه‌وه‌ی هه‌موو ماڵوموڵكێك بۆ خاوه‌نه‌كه‌ی خۆی. \+xt بڕوانه‌ لێڤییه‌كان 25‏:8‏-55.‏\+xt*‏