عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
كۆچه‌كانی نه‌وه‌ی ئیسرائیل 
1
ئه‌مانه‌ قۆناغه‌كانی كۆچی نه‌وه‌ی ئیسرائیلن كه‌ به‌ له‌شكره‌كانیانه‌وه‌ له‌سه‌ر ده‌ستی موسا و هارون له‌ خاكی میسره‌وه‌ هاتنه‌ ده‌ره‌وه‌.
2
موساش به‌پێی فه‌رمانی یه‌زدان قۆناغی كۆچه‌كانیانی تۆمار كرد. ئه‌مه‌ش كۆچه‌كانیانه‌، قۆناغ به‌ قۆناغ:
3
له‌ ڕۆژی پازده‌ی مانگی یه‌ك، له‌ ڕۆژی دوای جه‌ژنی په‌سخه‌ له‌ ڕه‌عمسێسه‌وه‌ كۆچیان كرد. نه‌وه‌ی ئیسرائیل بوێرانه‌ له‌به‌رچاوی هه‌موو میسرییه‌كان چوونه‌ ده‌ره‌وه‌.
4
له‌و كاته‌دا میسرییه‌كان هه‌موو نۆبه‌ره‌كانی خۆیانیان ده‌ناشت كه‌ یه‌زدان لێیدابوون، چونكه‌ یه‌زدان حوكمی خوداوه‌نده‌كانی ئه‌وانی دابوو.
5
نه‌وه‌ی ئیسرائیل له‌ ڕه‌عمسێسه‌وه‌ كۆچیان كرد و له‌ سوكۆت چادریان هه‌ڵدا.
6
ئینجا له‌ سوكۆته‌وه‌ كۆچیان كرد و له‌ ئێتام چادریان هه‌ڵدا كه‌ له‌ قه‌راغی چۆڵه‌وانییه‌.
7
پاشان له‌ ئێتامه‌وه‌ كۆچیان كرد و گه‌ڕانه‌وه‌ لای پی‌هه‌حیرۆت، كه‌ له‌ ڕۆژهه‌ڵاتی به‌عل‌چیفۆنه‌ و به‌رامبه‌ر مگدۆل چادریان هه‌ڵدا.
8
پاشان له‌ پی‌هه‌حیرۆته‌وه‌ كۆچیان كرد و به‌ناو ده‌ریادا په‌ڕینه‌وه‌ بۆ چۆڵه‌وانی و سێ ڕۆژه‌ ڕێ له‌ چۆڵه‌وانی ئێتامدا ڕۆیشتن، له‌ مارا چادریان هه‌ڵدا.
9
پاشان له‌ ماراوه‌ كۆچیان كرد و هاتنه‌ ئێلیم، له‌ ئێلیمیش دوازده‌ كانیاو و حه‌فتا دار خورمای لێبوو، له‌وێ چادریان هه‌ڵدا.
10
پاشان له‌ ئێلیمه‌وه‌ كۆچیان كرد و له‌لای ده‌ریای سوور چادریان هه‌ڵدا.
11
پاشان له‌لای ده‌ریای سووره‌وه‌ كۆچیان كرد و له‌ چۆڵه‌وانی سین[a] چادریان هه‌ڵدا.
12
پاشان له‌ چۆڵه‌وانی سینه‌وه‌ كۆچیان كرد و له‌ دۆفقه‌ چادریان هه‌ڵدا.
13
پاشان له‌ دۆفقه‌وه‌ كۆچیان كرد و له‌ ئالوش چادریان هه‌ڵدا.
14
پاشان له‌ ئالوشه‌وه‌ كۆچیان كرد و له‌ ڕه‌فیدیم چادریان هه‌ڵدا، له‌وێ هیچ ئاو نه‌بوو تاكو گه‌ل بیخۆنه‌وه‌.
15
پاشان له‌ ڕه‌فیدیمه‌وه‌ كۆچیان كرد و له‌ چۆڵه‌وانی سینا چادریان هه‌ڵدا.
16
پاشان له‌ چۆڵه‌وانی سیناوه‌ كۆچیان كرد و له‌ قیبرۆت هه‌ته‌ڤا چادریان هه‌ڵدا.
17
پاشان له‌ قیبرۆت هه‌ته‌ڤایه‌وه‌ كۆچیان كرد و له‌ حه‌چێرۆت چادریان هه‌ڵدا.
18
پاشان له‌ حه‌چێرۆته‌وه‌ كۆچیان كرد و له‌ ڕیتمه‌ چادریان هه‌ڵدا.
19
پاشان له‌ ڕیتمه‌وه‌ كۆچیان كرد و له‌ ڕیمۆن پێرێز چادریان هه‌ڵدا.
20
پاشان له‌ ڕیمۆن پێرێزه‌وه‌ كۆچیان كرد و له‌ لیڤنا چادریان هه‌ڵدا.
21
پاشان له‌ لیڤناوه‌ كۆچیان كرد و له‌ ڕیسه‌ چادریان هه‌ڵدا.
22
پاشان له‌ ڕیسه‌وه‌ كۆچیان كرد و له‌ قه‌هێلاته‌ چادریان هه‌ڵدا.
23
پاشان له‌ قه‌هێلاته‌یه‌وه‌ كۆچیان كرد و له‌ كێوی شافه‌ر چادریان هه‌ڵدا.
24
پاشان له‌ كێوی شافه‌ره‌وه‌ كۆچیان كرد و له‌ حه‌راده‌ چادریان هه‌ڵدا.
25
پاشان له‌ حه‌راده‌وه‌ كۆچیان كرد و له‌ مه‌قهێلۆت چادریان هه‌ڵدا.
26
پاشان له‌ مه‌قهێلۆته‌وه‌ كۆچیان كرد و له‌ تاحه‌ت چادریان هه‌ڵدا.
27
پاشان له‌ تاحه‌ته‌وه‌ كۆچیان كرد و له‌ تاره‌ح چادریان هه‌ڵدا.
28
پاشان له‌ تاره‌حه‌وه‌ كۆچیان كرد و له‌ میتقه‌ چادریان هه‌ڵدا.
29
پاشان له‌ میتقه‌وه‌ كۆچیان كرد و له‌ حه‌شمۆنه‌ چادریان هه‌ڵدا.
30
پاشان له‌ حه‌شمۆنه‌وه‌ كۆچیان كرد و له‌ مۆسێرۆت چادریان هه‌ڵدا.
31
پاشان له‌ مۆسێرۆته‌وه‌ كۆچیان كرد و له‌ به‌نێ یه‌عقان چادریان هه‌ڵدا.
32
پاشان له‌ به‌نێ یه‌عقانه‌وه‌ كۆچیان كرد و له‌ حۆر هه‌گیدگاد چادریان هه‌ڵدا.
33
پاشان له‌ حۆر هه‌گیدگاده‌وه‌ كۆچیان كرد و له‌ یۆتباته‌ چادریان هه‌ڵدا.
34
پاشان له‌ یۆتباته‌یه‌وه‌ كۆچیان كرد و له‌ عه‌ڤرۆنه‌ چادریان هه‌ڵدا.
35
پاشان له‌ عه‌ڤرۆنه‌یه‌وه‌ كۆچیان كرد و له‌ عه‌چیۆن گه‌ڤه‌ر چادریان هه‌ڵدا.
36
پاشان له‌ عه‌چیۆن گه‌ڤه‌ره‌وه‌ كۆچیان كرد و له‌ چۆڵه‌وانی چن كه‌ قادێشه‌ چادریان هه‌ڵدا.
37
پاشان له‌ قادێشه‌وه‌ كۆچیان كرد و له‌ كێوی هۆر چادریان هه‌ڵدا كه‌ له‌ نزیكی سنووری خاكی ئه‌دۆمه‌.
38
له‌ یه‌كی مانگی پێنجی چله‌مین ساڵی هاتنه‌ده‌ره‌وه‌ی نه‌وه‌ی ئیسرائیل له‌ خاكی میسر، هارونی كاهین به‌پێی فه‌رمانی یه‌زدان بۆ سه‌ر كێوی هۆر سه‌ركه‌وت و له‌وێ مرد.
39
هارون ته‌مه‌نی سه‌د و بیست و سێ ساڵ بوو كاتێك له‌ كێوی هۆر مرد.
40
پاشای عه‌رادیش كه‌ كه‌نعانی بوو و له‌ نه‌قه‌ب له‌ خاكی كه‌نعان نیشته‌جێ بوو، هاتنی نه‌وه‌ی ئیسرائیلی بیست.
41
ئینجا له‌ كێوی هۆره‌وه‌ كۆچیان كرد و له‌ چه‌لمۆنا چادریان هه‌ڵدا.
42
پاشان له‌ چه‌لمۆنایه‌وه‌ كۆچیان كرد و له‌ پونۆن چادریان هه‌ڵدا.
43
پاشان له‌ پونۆنه‌وه‌ كۆچیان كرد و له‌ ئۆڤۆت چادریان هه‌ڵدا.
44
پاشان له‌ ئۆڤۆته‌وه‌ كۆچیان كرد و له‌ عییی عه‌ڤاریم چادریان هه‌ڵدا، كه‌ له‌ سنووری مۆئابه‌.
45
پاشان له‌ عییی عه‌ڤاریم كۆچیان كرد و له‌ دیڤۆن گاد چادریان هه‌ڵدا.
46
پاشان له‌ دیڤۆن گاده‌وه‌ كۆچیان كرد و له‌ عه‌لمۆن دیڤلاتایم چادریان هه‌ڵدا.
47
پاشان له‌ عه‌لمۆن دیڤلاتایمه‌وه‌ كۆچیان كرد و له‌ زنجیره‌ چیای عه‌ڤاریم ڕووبه‌ڕووی نه‌بۆ چادریان هه‌ڵدا.
48
پاشان له‌ زنجیره‌ چیای عه‌ڤاریمه‌وه‌ كۆچیان كرد و له‌ ده‌شتی مۆئاب له‌سه‌ر كه‌ناری ڕووباری ئوردون به‌رامبه‌ر ئه‌ریحا چادریان هه‌ڵدا،
49
له‌ كه‌ناری ڕووباری ئوردون له‌ بێت‌یه‌شیمۆته‌وه‌ هه‌تا ئابێل شیتیم له‌ ده‌شتی مۆئاب چادریان هه‌ڵدا.
50
یه‌زدان له‌ ده‌شتی مۆئاب له‌سه‌ر كه‌ناری ڕووباری ئوردون به‌رامبه‌ر ئه‌ریحا به‌ موسای فه‌رموو:
51
«له‌گه‌ڵ نه‌وه‌ی ئیسرائیل بدوێ و پێیان بڵێ: ”كاتێك ئێوه‌ له‌ ڕووباری ئوردون ده‌په‌ڕنه‌وه‌ بۆ خاكی كه‌نعان،
52
هه‌موو دانیشتووانی خاكه‌كه‌ له‌پێش خۆتان ده‌رده‌كه‌ن. هه‌موو په‌یكه‌ره‌ تاشراو و بته‌ داڕێژراوه‌كانیان له‌ناوده‌به‌ن، هه‌موو نزرگه‌كانی سه‌ر به‌رزاییان[b] تێكده‌ده‌ن.
53
خاكه‌كه‌ داگیر ده‌كه‌ن و تێیدا نیشته‌جێ ده‌بن، چونكه‌ من خاكه‌كه‌م پێداون بۆ ئه‌وه‌ی ببنه‌ خاوه‌نی و
54
خاكه‌كه‌ش به‌گوێره‌ی خێڵه‌كانتان به‌ تیروپشك دابه‌ش ده‌كه‌ن، میراتی زۆر بده‌نه‌ زۆره‌كان و میراتی كه‌م بده‌نه‌ كه‌مه‌كان، له‌كوێ تیروپشكی بۆ ده‌رچوو ئه‌وێ بۆ ئه‌وه‌، به‌گوێره‌ی هۆزه‌كانی باوكانتان میراتگری ده‌كه‌ن.
55
«”ئه‌گه‌ر دانیشتووانی خاكه‌كه‌ش له‌پێش خۆتان ده‌رنه‌كه‌ن، ئه‌وا ئه‌وانه‌ی ده‌یانهێڵنه‌وه‌ ده‌بنه‌ چقڵ له‌ چاوتان و دڕك له‌ كه‌له‌كه‌تان و له‌و خاكه‌ی تێیدا نیشته‌جێن ته‌نگتان پێ هه‌ڵده‌چنن،
56
ئینجا به‌ ئێوه‌ی ده‌كه‌م، ئه‌وه‌ی به‌ته‌مام به‌وانی بكه‌م.“»
  1. a. 33‏:11 له‌ ڕۆژئاوای نیمچه‌ دوورگه‌ی سینا چۆڵه‌وانییه‌ك هه‌بوو به‌ ناوی سین.
  2. b. 33‏:52 مه‌به‌ست له‌و شوێنه‌ به‌رزانه‌یه‌ كه‌ بۆ قوربانیكردن و ڕێوڕه‌سمی په‌رستنی بته‌كان بووه‌.