عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
هاوكاری بۆ بنیادنانه‌وه‌ی شووراكه‌ 
1
ئه‌لیاشیڤی سه‌رۆكی كاهینان و برا كاهینه‌كانی هه‌ستان و ده‌روازه‌ی مه‌ڕیان بنیاد ناوه‌ و ته‌رخانیان كرد، ده‌رگاكانیشیان ڕاگرت. شووراكه‌شیان هه‌تا قولله‌ی سه‌د بنیاد ناوه‌ و ته‌رخانیان كرد، هه‌روه‌ها هه‌تا قولله‌ی حه‌نه‌نێل بنیادیان ناوه‌.
2
له‌ته‌نیشت ئه‌وه‌وه‌ پیاوانی ئه‌ریحا بنیادیان ده‌نا، له‌ته‌نیشت ئه‌وانیش زه‌كوری كوڕی ئیمری بنیادی ده‌نا.
3
ده‌روازه‌ی ماسیش نه‌وه‌ی هه‌سه‌نائا بنیادیان ناوه‌ و سه‌ریان گرت، ده‌رگاكانیان به‌پێوه‌ ڕاگرت له‌گه‌ڵ قوفڵ و شمشیره‌كانی[a] .
4
له‌ته‌نیشت ئه‌وانیشه‌وه‌ مه‌رێمۆتی كوڕی ئوریای هه‌قۆچ ڕووخاوییه‌كانی چاككرده‌وه‌. له‌ته‌نیشت ئه‌وانیشه‌وه‌ مه‌شولامی كوڕی به‌ره‌خیا كوڕی مه‌شێزه‌بێل ڕووخاوییه‌كانی چاككرده‌وه‌. له‌ته‌نیشت ئه‌وانیشه‌وه‌ سادۆقی كوڕی به‌عنا ڕووخاوییه‌كانی چاككرده‌وه‌.
5
له‌ته‌نیشت ئه‌وانیشه‌وه‌ ته‌قۆعییه‌كان ڕووخاوییه‌كانیان چاككرده‌وه‌، به‌ڵام پیاوماقوڵه‌كانیان شانیان نه‌دایه‌ پاڵ خزمه‌ته‌كه‌ی یه‌زدانیان.
6
بۆ ده‌روازه‌ی یه‌شاناش، یۆیاداعی كوڕی پاسێیه‌ح و مه‌شولامی كوڕی به‌سۆده‌یا ڕووخاوییه‌كانیان چاككرده‌وه‌، ئه‌وان سه‌ریان گرت و ده‌رگاكانیان به‌پێوه‌ ڕاگرت له‌گه‌ڵ قوفڵ و شمشیره‌كانی.
7
له‌ته‌نیشت ئه‌وانیشه‌وه‌ مه‌له‌تیای گبعۆنی و یادۆنی مێرۆنۆتی كه‌ خه‌ڵكی گبعۆن و میچپا بوون، له‌و شوێنانه‌ كه‌ له‌ژێر ده‌ستی پارێزگاری هه‌رێمی ئه‌وبه‌ری فورات بوون، ڕووخاوییه‌كانیان چاككرده‌وه‌.
8
له‌ته‌نیشت ئه‌ویشه‌وه‌ عوزیێلی كوڕی حه‌رهه‌یا كه‌ له‌ زێڕنگه‌ره‌كان بوو، ڕووخاوییه‌كانی چاككرده‌وه‌. له‌ته‌نیشت ئه‌ویشه‌وه‌ حه‌نه‌نیا له‌ نه‌وه‌ی عه‌تاره‌كان ڕووخاوییه‌كانی چاككرده‌وه‌، ئینجا ئۆرشه‌لیمیان هه‌تا شوورا به‌رینه‌كه‌ تۆكمه‌ كرد.
9
له‌ته‌نیشت ئه‌وانیشه‌وه‌ ڕه‌فایای كوڕی حوور، سه‌رۆكی نیوه‌ی ناوچه‌ی ئۆرشه‌لیم ڕووخاوییه‌كانی چاككرده‌وه‌.
10
له‌ته‌نیشت ئه‌وانیشه‌وه‌ یه‌دایای كوڕی حه‌رومه‌ف له‌به‌رده‌م ماڵه‌كه‌ی خۆی ڕووخاوییه‌كه‌ی چاككرده‌وه‌. له‌ته‌نیشت ئه‌ویشه‌وه‌ حه‌توشی كوڕی حه‌شه‌ڤنه‌یا ڕووخاوییه‌كه‌ی چاككرده‌وه‌.
11
به‌شێكی دیكه‌ش مه‌لكیای كوڕی حاریم و حه‌شوڤی كوڕی په‌حه‌ت‌مۆئاب چاكیان كرده‌وه‌، له‌گه‌ڵ قولله‌ی ته‌نووره‌كانیش.
12
له‌ته‌نیشت ئه‌ویشه‌وه‌ شه‌لومی كوڕی هه‌ڵۆحێش، سه‌رۆكی نیوه‌ی ناوچه‌ی ئۆرشه‌لیم، خۆی و كچه‌كانی ڕووخاوییه‌كانیان چاككرده‌وه‌.
13
ده‌روازه‌ی دۆڵه‌كه‌ش حانوون و دانیشتووانی زانۆوه‌ح چاكیان كرده‌وه‌، ئه‌وان بنیادیان ناوه‌ و ده‌رگاكانیان به‌پێوه‌ ڕاگرت له‌گه‌ڵ قوفڵ و شمشیره‌كانی، هه‌زار باڵیش[b] له‌ شووراكه‌ هه‌تا ده‌روازه‌ی زبڵ.
14
ده‌روازه‌ی زبڵیش مه‌لكیای كوڕی ڕێكابی سه‌رۆكی ناوچه‌ی بێت‌هاكاره‌م ڕووخاوییه‌كانی چاككرده‌وه‌ و ئه‌و بنیادی ناوه‌، ده‌رگاكانی به‌پێوه‌ ڕاگرت له‌گه‌ڵ قوفڵ و شمشیره‌كانی.
15
ده‌روازه‌ی كارێزیش شه‌للونی كوڕی كۆل‌حوزێ سه‌رۆكی ناوچه‌ی میچپا ڕووخاوییه‌كانی چاككرده‌وه‌، ئه‌و بنیادی ناوه‌ و سه‌ری گرت و ده‌رگاكانی به‌ پێوه‌ ڕاگرت له‌گه‌ڵ قوفڵ و شمشیره‌كانی. هه‌روه‌ها شووراكه‌ی گۆمی سیلوامی[c] چاككرده‌وه‌، هه‌تا باخچه‌ی پاشا و هه‌تا پێپلیكانه‌كه‌ی به‌ره‌و خواره‌وه‌ ده‌چێت بۆ شاری داود.
16
پاش ئه‌ویش نه‌حه‌میای كوڕی عه‌زبوقی سه‌رۆكی نیوه‌ی ناوچه‌ی بێت‌چوور ڕووخاوییه‌كه‌ی به‌رامبه‌ر گۆڕه‌كانی داودی چاككرده‌وه‌، هه‌تا گۆمه‌ ده‌ستكرده‌كه‌ و هه‌تا ماڵی پاڵه‌وانه‌كان.
17
پاش ئه‌ویش لێڤییه‌كان به‌ سه‌رپه‌رشتی ڕه‌حومی بانی ڕووخاوییه‌كانیان چاككرده‌وه‌ و له‌ته‌نیشت ئه‌ویشه‌وه‌ حه‌شه‌ڤیای سه‌رۆكی نیوه‌ی ناوچه‌ی قه‌عیلا له‌ به‌شه‌كه‌ی خۆی ڕووخاوییه‌كانی چاككرده‌وه‌.
18
پاش ئه‌ویش براكانیان، به‌نوی كوڕی حێناداد، سه‌رۆكی نیوه‌ی ناوچه‌ی قه‌عیلا ڕووخاوییه‌كه‌یان چاككرده‌وه‌.
19
له‌ته‌نیشت ئه‌ویشه‌وه‌ عێزه‌ری كوڕی یێشوعی سه‌رۆكی میچپا به‌شێكی دیكه‌ی چاككرده‌وه‌ له‌به‌رده‌م هه‌ورازه‌كه‌ی جبه‌خانه‌كه‌وه‌ له‌لای گۆشه‌كه‌.
20
پاش ئه‌و باروخی كوڕی زه‌به‌ی به‌ گوڕه‌وه‌ به‌شێكی دیكه‌ی له‌ گۆشه‌كه‌وه‌ هه‌تا داڵانی ماڵی ئه‌لیاشیڤی سه‌رۆك كاهین ڕووخاوییه‌كانی چاككرده‌وه‌.
21
دوای ئه‌ویش مه‌رێمۆتی كوڕی ئوریای كوڕی هه‌قۆچ به‌شێكی دیكه‌ی له‌ داڵانی ماڵی ئه‌لیاشیڤه‌وه‌ هه‌تا كۆتایی ماڵه‌كه‌ چاككرده‌وه‌.
22
پاش ئه‌ویش كاهینه‌كانی خه‌ڵكی ده‌شته‌كه‌ ڕووخاوییه‌كه‌یان چاككرده‌وه‌.
23
پاش ئه‌وانیش بنیامین و حه‌شوڤ به‌رامبه‌ری ماڵه‌كانی خۆیانیان چاككرده‌وه‌. پاش ئه‌مانیش عه‌زه‌ریای كوڕی مه‌عسێیاهوی كوڕی عه‌نانیاش ته‌نیشت ماڵه‌كه‌ی خۆی چاككرده‌وه‌.
24
پاش ئه‌ویش به‌نوی كوڕی حێناداد به‌شێكی دیكه‌ی چاككرده‌وه‌، له‌ ماڵی عه‌زه‌ریاوه‌ هه‌تا گۆشه‌كه‌ و په‌ناكه‌.
25
پالالی كوڕی ئوزه‌ییش له‌به‌رده‌م گۆشه‌كه‌ و قولله‌كه‌ كه‌ ته‌واوكه‌ری كۆشكی باڵای پاشایه‌ ئه‌وه‌ی هی حه‌وشه‌ی زیندانه‌كه‌یه‌، له‌پاش ئه‌ویشه‌وه‌ په‌دایای كوڕی په‌رعۆش.
26
ئینجا كۆیله‌ ته‌رخانكراوه‌كان[d] ئه‌وانه‌ی دانیشتووی گردی عۆفه‌ل بوون چاكیان كرده‌وه‌ هه‌تا به‌رده‌م ده‌روازه‌ی ئاو ڕووه‌و ڕۆژهه‌ڵات له‌گه‌ڵ قولله‌ ده‌ره‌كییه‌كه‌.
27
پاش ئه‌وانیش ته‌قۆعییه‌كان به‌شێكی دیكه‌یان چاككرده‌وه‌، له‌ به‌رامبه‌ر قولله‌ ده‌ره‌كییه‌ گه‌وره‌كه‌ هه‌تا دیواری عۆفه‌ل.
28
له‌سه‌ر ده‌روازه‌ی ئه‌سپه‌كانیش، كاهینه‌كان چاكیان كرده‌وه‌، هه‌ریه‌كه‌ و به‌رامبه‌ر به‌ ماڵی خۆی.
29
پاش ئه‌وانیش سادۆقی كوڕی ئیمێر به‌رامبه‌ری ماڵه‌كه‌ی خۆی چاككرده‌وه‌. پاش ئه‌ویش شه‌مه‌عیای كوڕی شه‌خه‌نه‌یا كه‌ چاودێری ده‌روازه‌ی ڕۆژهه‌ڵات بوو، شووراكه‌ی چاككرده‌وه‌.
30
پاش ئه‌ویش حه‌نه‌نیای كوڕی شه‌له‌میاهو و حانوونی كوڕی شه‌شه‌می چالاف به‌شێكی دیكه‌یان چاككرده‌وه‌. پاش ئه‌وانیش مه‌شولامی كوڕی به‌ره‌خیا به‌رامبه‌ری ژووره‌كه‌ی خۆی چاككرده‌وه‌.
31
پاش ئه‌ویش مه‌لكیا، كه‌ یه‌كێك بوو له‌ زێڕنگه‌ره‌كان، هه‌تا ماڵی كۆیله‌ ته‌رخانكراوه‌كانی چاككرده‌وه‌، بازرگانه‌كانیش به‌رامبه‌ری ده‌روازه‌ی پشكنین و خاڵی سه‌ر گۆشه‌كه‌.
32
زێڕنگه‌ر و بازرگانه‌كان شووراكه‌یان له‌نێوان خاڵی سه‌ر گۆشه‌كه‌ هه‌تا ده‌روازه‌ی مه‌ڕ چاككرده‌وه‌.
  1. a. 3‏:3 شمشیر، پارچه‌ دارێك بووه‌ له‌ جیاتی قوفڵ له‌ دواوه‌ی ده‌رگا به‌ شێوه‌ی ئاسۆیی دانراوه‌ بۆ داخستنی ده‌رگا.
  2. b. 3‏:13 هه‌زار باڵ: نزیكه‌ی 450 مه‌تر.
  3. c. 3‏:15 سیلوام: عیبری \+tl شیلۆوه‌ح\+tl*. بڕوانه‌ \+xt ئیشایا 8‏:6 و یۆحه‌نا 9‏:7‏\+xt*‏.
  4. d. 3‏:26 نه‌ریتێك بووه‌ كۆیله‌ ده‌به‌خشرایه‌ په‌رستگا بۆ خزمه‌تكردن.