عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ته‌ڵاقدان 
1
ئینجا عیسا ئه‌وێی به‌جێهێشت و هاته‌ هه‌رێمی یه‌هودیا و ئه‌وبه‌ری ڕووباری ئوردون. دیسان خه‌ڵك لێی كۆبوونه‌وه‌، وه‌ك نه‌ریتی خۆی فێری ده‌كردن.
2
هه‌ندێك فه‌ریسی هاتن و بۆ تاقیكردنه‌وه‌ پرسیاریان لێی كرد: «ئایا دروسته‌ مێرد ژنه‌كه‌ی ته‌ڵاق بدات؟»
3
وه‌ڵامی دایه‌وه‌: «موسا فه‌رمانی چی پێ كردوون؟»
4
گوتیان: «موسا ڕێی داوه‌ ته‌ڵاقنامه‌ بنووسرێت و ته‌ڵاق بكه‌وێت.»
5
به‌ڵام عیسا پێی فه‌رموون: «له‌به‌ر دڵڕه‌قیتان ئه‌م ڕاسپارده‌یه‌ی بۆ نووسین.
6
به‌ڵام له‌ سه‌ره‌تای به‌دیهێنانه‌وه‌، خودا {به‌ نێر و مێ به‌دیهێنان.}[a]
7
{له‌به‌ر ئه‌وه‌ پیاو دایك و باوكی خۆی به‌جێده‌هێڵێت و به‌ ژنه‌كه‌یه‌وه‌ ده‌نووسێت،
8
ئیتر هه‌ردووكیان ده‌بنه‌ یه‌ك جه‌سته‌.}[b] كه‌واته‌ چیتر دوو نین، به‌ڵكو یه‌ك جه‌سته‌ن.
9
له‌به‌ر ئه‌وه‌ ئه‌وه‌ی خودا به‌ یه‌كتری گه‌یاندووه‌، با مرۆڤ جیای نه‌كاته‌وه‌.»
10
له‌ ماڵه‌وه‌ش، قوتابییه‌كان دیسان له‌م باره‌یه‌وه‌ لێیان پرسی.
11
پێی فه‌رموون: «ئه‌وه‌ی ژنه‌كه‌ی ته‌ڵاق بدات و یه‌كێكی دیكه‌ بهێنێت، ئه‌وا داوێنپیسی به‌رامبه‌ری ده‌كات.
12
ئه‌گه‌ر ژن مێرده‌كه‌ی ته‌ڵاق بدات و مێرد به‌ یه‌كێكی دیكه‌ بكات، ئه‌وا داوێنپیسی ده‌كات.»
شانشینی ئاسمان بۆ منداڵانه‌ 
13
خه‌ڵكی منداڵیان هێنایه‌ لای عیسا تاوه‌كو ده‌ستیان له‌سه‌ر دابنێت[c] . به‌ڵام قوتابییه‌كان سه‌رزه‌نشتیان كردن.
14
كه‌ عیسا ئه‌مه‌ی بینی، تووڕه‌ بوو، پێی فه‌رموون: «لێگه‌ڕێن منداڵان بێنه‌ لام، ڕێیان لێ مه‌گرن، چونكه‌ شانشینی خودا هی وه‌ك ئه‌مانه‌یه‌.
15
ڕاستیتان پێ ده‌ڵێم: ئه‌وه‌ی وه‌ك منداڵێك شانشینی خودا قبوڵ نه‌كات، هه‌رگیز ناچێته‌ ناویه‌وه‌.»
16
منداڵه‌كانیشی له‌ باوه‌ش كرد، ده‌ستی له‌سه‌ر دانان و به‌ره‌كه‌تی پێدان.
گه‌نجه‌ ده‌وڵه‌مه‌نده‌كه‌ 
17
كاتێك عیسا خه‌ریك بوو ده‌ڕۆیشت، پیاوێك به‌ په‌له‌ به‌ره‌و ڕووی هات، كڕنۆشی بۆ برد و لێی پرسی: «مامۆستای باش، چی بكه‌م تاكو ژیانی هه‌تاهه‌تایی به‌ میرات بگرم؟»
18
عیسا پێی فه‌رموو: «بۆچی به‌ باش ناوم ده‌به‌یت؟ بێجگه‌ له‌ خودا كه‌س باش نییه‌.
19
ڕاسپارده‌كان ده‌زانیت: {مه‌كوژه‌، داوێنپیسی مه‌كه‌، مه‌دزه‌، شایه‌تی درۆ مه‌ده‌، قۆڵبڕی مه‌كه‌، ڕێزی دایك و باوكت بگره‌.}[d] »
20
ئه‌ویش پێی گوت: «مامۆستا، له‌ مێردمنداڵییه‌وه‌ هه‌موو ئه‌مانه‌م پاراستووه‌.»
21
عیسا سه‌یری كرد و خۆشی ویست، پێی فه‌رموو: «شتێكت كه‌مه‌، بڕۆ چیت هه‌یه‌ هه‌مووی بفرۆشه‌ و بیده‌ به‌ هه‌ژاران، به‌مه‌ گه‌نجینه‌یه‌كت له‌ ئاسماندا ده‌بێت، ئینجا وه‌ره‌ دوام بكه‌وه‌.»
22
به‌م قسه‌یه‌ دڵی خورپه‌ی كرد، به‌ دڵته‌نگییه‌وه‌ ڕۆیشت، چونكه‌ سامانێكی زۆری هه‌بوو.
23
عیسا سه‌یری ده‌وروپشتی كرد و به‌ قوتابییه‌كانی فه‌رموو: «چوونه‌ ناوه‌وه‌ی شانشینی خودا بۆ ده‌وڵه‌مه‌ند چه‌ند سه‌خته‌!»
24
قوتابییه‌كان له‌ قسه‌كانی سه‌رسام بوون، به‌ڵام عیسا دیسان پێی فه‌رموون: «كوڕینه‌، چوونه‌ناو شانشینی خودا چه‌ند سه‌خته‌!
25
ئاسانتره‌ وشترێك به‌ كونی ده‌رزییه‌كه‌وه‌ بچێت له‌وه‌ی ده‌وڵه‌مه‌ندێك بچێته‌ ناو شانشینی خوداوه‌.»
26
جا زیاتر سه‌رسام بوون و به‌ یه‌كتریان گوت: «كه‌واته‌ كێ ده‌توانێت ڕزگاری بێت؟»
27
عیساش سه‌یری كردن و فه‌رمووی: «له‌لای مرۆڤ مه‌حاڵه‌، به‌ڵام له‌لای خودا نا، چونكه‌ له‌لای خودا هه‌موو شتێك ده‌بێت.»
28
په‌ترۆس ده‌ستی پێكرد و گوتی: «ئه‌وه‌تا ئێمه‌ وازمان له‌ هه‌موو شتێك هێناوه‌ و دوات كه‌وتووین.»
29
عیسا فه‌رمووی: «ڕاستیتان پێ ده‌ڵێم: كه‌س نییه‌ ماڵ یان برا یان خوشك یان دایك یان باوك یان منداڵ یان كێڵگه‌ی له‌ پێناوی من و مزگێنییه‌كه‌م به‌جێهێشتبێت،
30
ئێستا له‌م دنیایه‌ سه‌د ئه‌وه‌نده‌ وه‌رنه‌گرێته‌وه‌ له‌ ماڵ و برا و خوشك و دایك و منداڵ و كێڵگه‌ له‌گه‌ڵ چه‌وسانه‌وه‌، له‌و دنیاش ژیانی هه‌تاهه‌تایی.
31
به‌ڵام زۆر له‌ یه‌كه‌مینه‌كان ده‌بنه‌ دواهه‌مین و دواهه‌مینه‌كانیش ده‌بنه‌ یه‌كه‌مین.»
سێیه‌م باسی مردنی عیسا 
32
به‌ ڕێگاوه‌ بۆ ئۆرشه‌لیم سه‌رده‌كه‌وتن، عیسا پێشیان كه‌وتبوو، قوتابییه‌كانیش سه‌رسام ببوون، ئه‌وانه‌ی دوای ده‌كه‌وتن ده‌ترسان. دیسان دوازده‌ قوتابییه‌كه‌ی دابڕی و ده‌ستی كرد به‌ باسكردنی ئه‌و شتانه‌ی كه‌ به‌سه‌ری دێت.
33
فه‌رمووی: «ئه‌وا بۆ ئۆرشه‌لیم سه‌رده‌كه‌وین، كوڕی مرۆڤ ده‌درێته‌ ده‌ست كاهینانی باڵا و مامۆستایانی ته‌ورات، بڕیاری مردنی ده‌ده‌ن، ده‌یده‌نه‌ ده‌ست نه‌ته‌وه‌كان،
34
گاڵته‌ی پێ ده‌كه‌ن و تفی لێده‌كه‌ن و به‌ قامچی لێی ده‌ده‌ن و ده‌یكوژن. له‌ ڕۆژی سێیه‌میش هه‌ڵده‌ستێته‌وه‌.»
خزمه‌تكار پایه‌به‌رزتره‌ 
35
یاقوب و یۆحه‌نای كوڕه‌كانی زه‌بدی هاتنه‌ لای و پێیان گوت: «مامۆستا، ده‌مانه‌وێت هه‌رچی داوای ده‌كه‌ین بۆمان بكه‌یت.»
36
ئه‌ویش پێی فه‌رموون: «چیتان ده‌وێت بۆتان بكه‌م؟»
37
وه‌ڵامیان دایه‌وه‌: «كاتێك له‌سه‌ر ته‌ختی شكۆمه‌ندییه‌كه‌ت دانیشتیت، پێمان ڕه‌وا ببینه‌ یه‌كێكمان له‌لای ڕاستت و یه‌كێكمان له‌لای چه‌پت دابنیشین.»
38
به‌ڵام عیسا پێی فه‌رموون: «نازانن داوای چی ده‌كه‌ن. ئایا ده‌توانن ئه‌و جامه‌ بخۆنه‌وه‌ كه‌ من ده‌یخۆمه‌وه‌؟ ئایا ده‌توانن به‌و ئازاره‌دا تێبپه‌ڕن كه‌ من پێیدا تێده‌په‌ڕم[e] ؟»
39
وه‌ڵامیان دایه‌وه‌: «ده‌توانین.» عیساش پێی فه‌رموون: «ئه‌و جامه‌ی من ده‌یخۆمه‌وه‌، ئێوه‌ش ده‌یخۆنه‌وه‌، به‌و شێوه‌یه‌ی من به‌ ئازاردا تێده‌په‌ڕم، ئێوه‌ش پێیدا تێده‌په‌ڕن.
40
به‌ڵام دانیشتن له‌لای ڕاست و چه‌پمه‌وه‌، هی من نییه‌ تاكو بیبه‌خشم. ئه‌و شوێنانه‌ هی ئه‌و كه‌سانه‌یه‌ كه‌ بۆیان ئاماده‌ كراون.»
41
كاتێك ده‌ قوتابییه‌كه‌ بیستیان، له‌ یاقوب و یۆحه‌نا تووڕه‌ بوون،
42
به‌ڵام عیسا بانگی كردن و پێی فه‌رموون: «ده‌زانن ئه‌وانه‌ی به‌ سه‌رۆكی نه‌ته‌وه‌كان داده‌نرێن وه‌ك میر فه‌رمانڕه‌واییان به‌سه‌ردا ده‌كه‌ن و گه‌وره‌كانیان ده‌سه‌ڵاتیان به‌سه‌ریاندا جێبه‌جێ ده‌كه‌ن.
43
به‌ڵام له‌نێو ئێوه‌ ئاوا نابێت، ئه‌وه‌ی ده‌یه‌وێت له‌نێوتاندا پایه‌ی به‌رز بێت، با ببێته‌ خزمه‌تكارتان.
44
ئه‌وه‌ش كه‌ ده‌یه‌وێ له‌نێوتاندا ببێته‌ یه‌كه‌م، با ببێته‌ به‌نده‌ی هه‌مووتان،
45
چونكه‌ كوڕی مرۆڤیش نه‌هاتووه‌ تاكو خزمه‌ت بكرێت، به‌ڵكو خزمه‌ت بكات و ژیانی خۆی به‌خت بكات بۆ كڕینه‌وه‌ی خه‌ڵكێكی زۆر.»
عیسا كه‌سێكی نابینا چاك ده‌كاته‌وه‌ 
46
ئینجا گه‌یشتنه‌ شاری ئه‌ریحا. له‌و كاته‌ی خۆی و قوتابییه‌كانی و خه‌ڵكێكی زۆر له‌ شاره‌كه‌ هاتنه‌ ده‌ره‌وه‌، سواڵكه‌رێكی نابینا به‌ ناوی بارتیماوس كه‌ به‌ واتای كوڕی تیماوس دێت، له‌سه‌ر ڕێگا دانیشتبوو.
47
كه‌ بیستی ئه‌وه‌ عیسای ناسیره‌ییه‌، هاواری كرد: «عیسای كوڕی داود، به‌زه‌ییت پێمدا بێته‌وه‌!»
48
زۆر كه‌س ئه‌ویان سه‌رزه‌نشت كرد تاكو بێده‌نگ بێت. به‌ڵام زۆر به‌رزتر هاواری ده‌كرد: «كوڕی داود، به‌زه‌ییت پێمدا بێته‌وه‌!»
49
عیسا ڕاوه‌ستا، فه‌رمووی: «بانگی بكه‌ن.» ئه‌وانیش نابیناكه‌یان بانگكرد و پێیان گوت: «وره‌ت به‌رز بێت! هه‌سته‌، بانگت ده‌كات.»
50
ئیتر كه‌واكه‌ی فڕێدا و هه‌ستایه‌وه‌، هاته‌ لای عیسا.
51
عیسا لێی پرسی: «چیت ده‌وێ بۆت بكه‌م؟» نابیناكه‌ پێی گوت: «ڕابی، با ببینم.»
52
عیساش پێی فه‌رموو: «بڕۆ! باوه‌ڕه‌كه‌ت تۆی چاككرده‌وه‌.» ده‌ستبه‌جێ بینایی بۆ گه‌ڕایه‌وه‌ و به‌ ڕێگادا دوای عیسا كه‌وت.
  1. a. 10‏:6 \+xt په‌یدابوون 1‏:27.‏\+xt*‏
  2. b. 10‏:8 \+xt په‌یدابوون 2‏:24.‏\+xt*‏
  3. c. 10‏:13 مه‌به‌ست له‌ ده‌ست له‌سه‌ر دانان، به‌ره‌كه‌تداركردنه‌.
  4. d. 10‏:19 \+xt ده‌رچوون 20‏:12 و دواوتار 5‏:16‏،20‏\+xt*‏.
  5. e. 10‏:38 مه‌به‌ستی له‌ له‌خاچدانه‌.