عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
به‌ڵێنی فه‌رمانڕه‌وایه‌ك له‌ بێت‌له‌حمه‌وه‌ 
1
ئه‌ی شاری سوپاكان، سوپاكانی خۆت كۆبكه‌ره‌وه‌،
چونكه‌ گه‌مارۆ دراوین.
به‌ گۆچان له‌ ڕوومه‌تی
ڕابه‌ری ئیسرائیل ده‌ده‌ن.
2
«به‌ڵام تۆ ئه‌ی بێت‌له‌حمی ئه‌فراته‌،
هه‌رچه‌نده‌ له‌نێو شارۆچكه‌كانی[a] یه‌هودا بچووكیت،
به‌ڵام یه‌كێك له‌ تۆوه‌ بۆ من ده‌رده‌كه‌وێت
ئه‌وه‌ی ده‌بێته‌ فه‌رمانڕه‌وای ئیسرائیل،
ڕه‌چه‌ڵه‌كی له‌ دێرزه‌مانه‌وه‌یه‌،
له‌ ئه‌زه‌له‌وه‌یه‌.»
3
له‌به‌ر ئه‌وه‌ یه‌زدان گه‌له‌كه‌ی خۆی ڕاده‌ستی دوژمن ده‌كات
هه‌تا ئه‌و كاته‌ی ئه‌وه‌ی ژانی گرتووه‌ منداڵی ده‌بێت،
پاشماوه‌ی براكانیشی ده‌گه‌ڕێنه‌وه‌
بۆ لای نه‌وه‌ی ئیسرائیل.
4
جا ده‌وه‌ستێت و شوانایه‌تی گه‌له‌كه‌ی ده‌كات
به‌ هێزی یه‌زدان،
به‌ باڵاده‌ستیی ناوی یه‌زدانی په‌روه‌ردگاری خۆی.
جا به‌ ئاسووده‌یی ده‌ژین،
چونكه‌ له‌و كاته‌ مه‌زنایه‌تی ده‌گاته‌ ئه‌وپه‌ڕی زه‌وی.
5
ئه‌و ده‌بێته‌ ئاشتی ئێمه‌،
كاتێك ئاشور هێرش بكاته‌ سه‌ر خاكه‌كه‌مان و
پێ بنێته‌ ناو قه‌ڵاكانمان.
حه‌وت شوانی له‌سه‌ر داده‌نێین،
له‌گه‌ڵ هه‌شت میر.
6
به‌ شمشێر شوانایه‌تی خاكی ئاشور ده‌كه‌ن و
خاكی نه‌مرودیش به‌ شمشێری هه‌ڵكێشراو.
به‌ڵام له‌ ئاشور ده‌ربازمان ده‌كات،
كاتێك هێرش ده‌كاته‌ سه‌ر خاكه‌كه‌مان و
كاتێك پێ ده‌نێته‌ سنووره‌كانمان.
7
پاشماوه‌ی یاقوب
له‌نێو چه‌ندین گه‌ل ده‌بێت،
وه‌ك شه‌ونم له‌لایه‌ن یه‌زدانه‌وه‌،
وه‌ك بارانی به‌ لێزمه‌ی سه‌ر گژوگیا،
ئه‌وه‌ی چاوه‌ڕوانی مرۆڤ ناكات و
بۆ ئاده‌میزاد ناوه‌ستێت.
8
پاشماوه‌ی یاقوب له‌نێو نه‌ته‌وه‌كان،
له‌نێو چه‌ندین گه‌ل،
وه‌ك شێر له‌نێو دڕنده‌كانی دارستاندا،
وه‌ك جوانه‌ شێر له‌نێو ڕانه‌ مه‌ڕدا،
ئه‌وه‌ی بپه‌ڕێته‌وه‌ ده‌یشێلێت و په‌لاماری ده‌دات،
كه‌س نییه‌ له‌ ده‌ستی ده‌ربازی بكات.
9
ده‌ستت به‌سه‌ر ناحه‌زانت زاڵ ده‌بێت و
هه‌موو دوژمنه‌كانت له‌ناوده‌چن.
10
یه‌زدان ده‌فه‌رموێت:
«له‌و ڕۆژه‌دا ئه‌سپه‌كانت له‌نێو خۆت له‌ناوده‌به‌م و
گالیسكه‌كانت ڕیشه‌كێش ده‌كه‌م.
11
شاره‌كانی خاكه‌كه‌ت له‌ناوده‌به‌م و
هه‌موو قه‌ڵاكانت تێكده‌ده‌م.
12
ئه‌و جادووگه‌رییه‌ی كه‌ ده‌یكه‌یت له‌ناوی ده‌به‌م و
له‌مه‌ودوا ناتوانیت نوشته‌ بكه‌یت.
13
بته‌ داتاشراوه‌كانت له‌ناوده‌به‌م و
له‌گه‌ڵ هه‌موو به‌رده‌ ته‌رخانكراوه‌كانت[b] له‌ناوه‌ڕاستت،
ئیتر كڕنۆش نابه‌یت
بۆ ده‌ستكردی ده‌سته‌كانت.
14
ستوونه‌ ئه‌شێراكانت[c] له‌نێوتدا هه‌ڵده‌كێشم و
شاره‌كانت وێران ده‌كه‌م.
15
به‌ تووڕه‌یی و هه‌ڵچوونه‌وه‌ تۆڵه‌ ده‌كه‌مه‌وه‌
له‌و گه‌لانه‌ی گوێڕایه‌ڵی من نه‌بوون.»
  1. a. 5‏:2 یان: هۆزه‌كانی یه‌هودا.
  2. b. 5‏:13 به‌ردی به‌ ستوونی دانراو بۆ په‌رستن. بڕوانه‌ دواوتار 16‏:21‏-22.
  3. c. 5‏:14 ستوونه‌ ئه‌شێرا: هێمای خواژنه‌. بڕوانه‌ \+xt یه‌كه‌م پاشایان 11‏:5‏\+xt*‏.