عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ناپاكی یه‌هوزا 
1
جه‌ژنی فه‌تیره‌ كه‌ پێی ده‌گوترا په‌سخه‌ نزیك ببووه‌وه‌.
2
كاهینانی باڵا و مامۆستایانی ته‌ورات له‌ گه‌ل ده‌ترسان و بۆ ڕێگایه‌ك ده‌گه‌ڕان كه‌ عیسای پێ له‌ناوبه‌رن.
3
شه‌یتان چووه‌ ناو یه‌هوزاوه‌، كه‌ پێی ده‌گوترا ئه‌سخه‌ریوتی، یه‌كێك بوو له‌ دوازده‌ قوتابییه‌كه‌.
4
چوو و قسه‌ی له‌گه‌ڵ كاهینانی باڵا و فه‌رمانده‌كانی په‌رستگا كرد، چۆن عیسایان ڕاده‌ست بكات.
5
دڵخۆش بوون و ڕێككه‌وتن به‌وه‌ی كیسه‌ زیوی بده‌نێ.
6
ئه‌ویش به‌مه‌ ڕازی بوو، ده‌گه‌ڕا بۆ هه‌لێك تاكو عیسا بداته‌ ده‌ستیان كاتێك كه‌ خه‌ڵكیان له‌گه‌ڵ نه‌بێت.
جه‌ژنی په‌سخه‌ 
7
ڕۆژی فه‌تیره‌ هات، ئه‌وه‌ی پێویست بوو به‌رخی په‌سخه‌ی[a] تێدا بكرێته‌ قوربانی.
8
عیسا په‌ترۆس و یۆحه‌نای نارد و فه‌رمووی: «بڕۆن نانی په‌سخه‌مان بۆ ئاماده‌ بكه‌ن تاكو بیخۆین.»
9
لێیان پرسی: «ده‌ته‌وێ له‌كوێ ئاماده‌ی بكه‌ین؟»
10
پێی فه‌رموون: «كاتێك ده‌چنه‌ ناو شار، تووشی پیاوێك ده‌بن گۆزه‌یه‌ك ئاوی هه‌ڵگرتووه‌، دوای بكه‌ون بۆ ئه‌و ماڵه‌ی كه‌ بۆی ده‌چێت.
11
ئینجا به‌ خاوه‌ن ماڵه‌كه‌ بڵێن: ”مامۆستا ده‌فه‌رموێت: كوا دیوه‌خانه‌كه‌ تاكو له‌گه‌ڵ قوتابییه‌كانم نانی په‌سخه‌ی تێدا بخۆم؟“
12
ئه‌ویش له‌ نهۆمی سه‌ره‌وه‌ ژوورێكتان پیشان ده‌دات، گه‌وره‌یه‌ و ڕاخراوه‌، له‌وێ ئاماده‌ی بكه‌ن.»
13
جا ڕۆیشتن، هه‌روه‌ك عیسا پێی فه‌رمووبوون دۆزییانه‌وه‌ و نانی په‌سخه‌یان ئاماده‌ كرد.
شێوی مه‌سیح 
14
كه‌ كاته‌كه‌ هات عیسا له‌سه‌ر خوان دانیشت، نێردراوانیش له‌گه‌ڵی بوون.
15
پێی فه‌رموون: «زۆر ئاره‌زووم كرد پێش ئازار چێژتنم ئه‌م نانه‌ی په‌سخه‌تان له‌گه‌ڵ بخۆم،
16
چونكه‌ پێتان ده‌ڵێم: ئیتر نانی په‌سخه‌ ناخۆم هه‌تا له‌ شانشینی خودا به‌ ته‌واویی دێته‌ دی.»
17
جامێكی هه‌ڵگرت و سوپاسی خودای كرد، فه‌رمووی: «ئه‌مه‌ بگرن و له‌نێوان خۆتان به‌شی بكه‌ن.
18
پێتان ده‌ڵێم: ئیتر له‌ به‌رهه‌می مێو ناخۆمه‌وه‌ هه‌تا شانشینی خودا دێت!»
19
نانێكی هه‌ڵگرت، سوپاسی خودای كرد و له‌تی كرد، پێیدان و فه‌رمووی: «ئه‌مه‌ جه‌سته‌ی منه‌، كه‌ له‌ پێناوی ئێوه‌ به‌خت ده‌كرێ. ئه‌مه‌ بۆ یادكردنه‌وه‌ی من بكه‌ن.»
20
به‌ هه‌مان شێوه‌ پاش نانخواردن، جامه‌كه‌ی هه‌ڵگرت و فه‌رمووی: «ئه‌م جامه‌ په‌یمانی نوێیه‌ به‌ خوێنی من، كه‌ بۆ ئێوه‌ ڕژاوه‌.
21
به‌ڵام ئه‌و ده‌سته‌ی كه‌ به‌ گرتنم ده‌دات له‌گه‌ڵ من له‌سه‌ر خوانه‌.
22
كوڕی مرۆڤ به‌گوێره‌ی ئه‌وه‌ی بۆی دانراوه‌ ده‌ڕوات، به‌ڵام قوڕبه‌سه‌ر ئه‌وه‌ی ناپاكی لێده‌كات.»
23
ئیتر له‌ناو خۆیان كه‌وتنه‌ مشتومڕ، ئاخۆ كامیان خه‌ریكه‌ ئه‌مه‌ بكات.
گه‌ڕان به‌دوای پله‌وپایه‌ 
24
هه‌روه‌ها ده‌مه‌قاڵه‌یه‌ك كه‌وته‌ نێوانیان، كامیان به‌ پایه‌به‌رز دابنرێت.
25
عیسا پێی فه‌رموون: «پاشایانی نه‌ته‌وه‌كان ده‌بنه‌ فه‌رمانڕه‌وایان و ده‌سه‌ڵاتدارانیش به‌سه‌ریانه‌وه‌ به‌ ”چاكه‌كار“ ناوده‌بردرێن.
26
به‌ڵام ئێوه‌ ئاوا مه‌بن. به‌ڵكو با پایه‌به‌رز له‌نێوتاندا ببێته‌ بچووك و ئه‌وه‌ی ڕابه‌ری ده‌كات وه‌كو خزمه‌تكاره‌كه‌تان بێت.
27
كێ پایه‌به‌رزتره‌، ئه‌وه‌ی له‌سه‌ر خوان دانیشتووه‌ یان ئه‌وه‌ی خزمه‌ت ده‌كات؟ بێگومان ئه‌وه‌ی كه‌ له‌سه‌ر خوان دانیشتووه‌. به‌ڵام من له‌نێوتان وه‌ك ئه‌وه‌م كه‌ خزمه‌ت ده‌كات.
28
«ئێوه‌ ئه‌وانه‌ن كه‌ له‌ تاقیكردنه‌وه‌كانمدا له‌گه‌ڵم مانه‌وه‌.
29
منیش شانشینێكتان بۆ داده‌نێم، هه‌روه‌ك باوكم بۆی داناوم،
30
تاكو له‌ شانشینه‌كه‌مدا له‌سه‌ر خوانه‌كه‌م بخۆن و بخۆنه‌وه‌، له‌سه‌ر ته‌خت داده‌نیشن و دوازده‌ هۆزه‌كه‌ی ئیسرائیل حوكم ده‌ده‌ن.
لاوازی باوه‌ڕی په‌ترۆس 
31
«شیمۆن، شیمۆن، شه‌یتان داوای كردوون تاكو تاقیت بكاته‌وه‌، وه‌ك گه‌نم له‌ بێژنگتان بدات.
32
به‌ڵام من نوێژم بۆ كردیت تاكو باوه‌ڕت له‌ده‌ست نه‌ده‌یت. تۆش كه‌ ده‌گه‌ڕێیته‌وه‌ برایانت به‌هێز بكه‌.»
33
ئه‌ویش پێی گوت: «گه‌وره‌م، من ئاماده‌م له‌گه‌ڵ تۆدا بۆ زیندان و بۆ مردنیش بچم.»
34
كه‌چی عیسا فه‌رمووی: «په‌ترۆس پێت ده‌ڵێم، ئه‌مڕۆ پێش خوێندنی كه‌ڵه‌شێر، تۆ سێ جار نكۆڵی له‌ ناسینی من ده‌كه‌یت.»
35
ئینجا پێی فه‌رموون: «كاتێك ئێوه‌م به‌بێ جزدان و تووره‌كه‌ و پێڵاو نارد، ئایا پێویستتان به‌ هیچ بوو؟» گوتیان: «نه‌خێر.»
36
پێی فه‌رموون: «به‌ڵام ئێستا ئه‌وه‌ی جزدان و تووره‌كه‌ی هه‌یه‌ با بیبات له‌گه‌ڵ خۆی. ئه‌وه‌ش كه‌ شمشێری نییه‌، با جله‌كانی بفرۆشێت و شمشێر بكڕێت.
37
من پێتان ده‌ڵێم: ئه‌مه‌ی نووسراوه‌: {له‌گه‌ڵ یاخیبووان ژمێردرا.}[b] پێویسته‌ له‌ مندا بێته‌ دی، چونكه‌ ئه‌و شتانه‌ی له‌باره‌ی منه‌وه‌ نووسراون دێنه‌ دی.»
38
گوتیان: «گه‌وره‌م، ئه‌وه‌تا دوو شمشێر لێره‌یه‌.»
پێی فه‌رموون: «به‌سه‌.»
نوێژی عیسا له‌ كێوی زه‌یتوون 
39
پاشان عیسا وه‌ك جاران چوو بۆ كێوی زه‌یتوون، قوتابییه‌كانیش دوای كه‌وتن.
40
كاتێك گه‌یشته‌ شوێنه‌كه‌، پێی فه‌رموون: «نوێژ بكه‌ن تاكو نه‌كه‌ونه‌ تاقیكردنه‌وه‌.»
41
ئینجا نزیكه‌ی به‌ردهاوێژێك لێیان دووركه‌وته‌وه‌، چۆكی دادا و نوێژی ده‌كرد.
42
فه‌رمووی: «باوكه‌، ئه‌گه‌ر ده‌ته‌وێت ئه‌م جامه‌م له‌سه‌ر لاببه‌، به‌ڵام نه‌ك به‌ خواستی من، به‌ڵكو به‌ خواستی خۆت بێت.»
43
فریشته‌یه‌كیش له‌ ئاسمانه‌وه‌ بۆی ده‌ركه‌وت به‌هێزی ده‌كرد.
44
كه‌ له‌ ململانێدا بوو، زۆر به‌ گوڕتر نوێژی ده‌كرد و ئاره‌قه‌كه‌ی وه‌ك دڵۆپی خوێنی لێهات ده‌كه‌وته‌ سه‌ر زه‌وی.
45
ئینجا له‌ نوێژه‌كه‌ هه‌ستا و هاته‌ لای قوتابییه‌كان، بینی له‌ خه‌مان خه‌ویان لێ كه‌وتووه‌.
46
پێی فه‌رموون: «بۆچی خه‌وتوون؟ هه‌ستن، نوێژ بكه‌ن تاكو نه‌كه‌ونه‌ تاقیكردنه‌وه‌.»
گرتنی عیسا 
47
كاتێك قسه‌ی ده‌كرد كۆمه‌ڵێك په‌یدابوون، ئه‌وه‌ی پێی ده‌گوترا یه‌هوزا و یه‌كێكه‌ له‌ دوازده‌ قوتابییه‌كه‌ پێشیان كه‌وتووه‌، له‌ عیسا نزیك بووه‌وه‌ تاكو ماچی بكات.
48
عیساش پێی فه‌رموو: «ئه‌ی یه‌هوزا، به‌ ماچێك كوڕی مرۆڤ به‌ گرتن ده‌ده‌یت؟»
49
ئه‌وانه‌ی ده‌وروپشتی كاتێك بینییان وا خه‌ریكه‌ شتێك ڕووده‌دات، گوتیان: «گه‌وره‌م، شمشێر بوه‌شێنین؟»
50
جا یه‌كێكیان له‌ كۆیله‌ی سه‌رۆك كاهینی دا و گوێی ڕاستی بڕی.
51
به‌ڵام عیسا فه‌رمووی: «ڕاوه‌ستن، ئه‌مه‌ به‌سه‌!» ئینجا ده‌ستی له‌ گوێی دا و چاكیكرده‌وه‌.
52
پاشان عیسا به‌ كاهینانی باڵا و فه‌رمانده‌ی په‌رستگا و پیرانی فه‌رموو: «هه‌روه‌ك بۆ گرتنی یاخیبووێك به‌ كوته‌ك و شمشێره‌وه‌ هاتوون؟
53
ڕۆژانه‌ له‌ حه‌وشه‌كانی په‌رستگا له‌گه‌ڵتان بووم ده‌ستتان لێ نه‌دام. به‌ڵام ئه‌مه‌ كاتی ئێوه‌یه‌، كاتی ده‌سه‌ڵاتی تاریكییه‌.»
نكۆڵی په‌ترۆس له‌ عیسا 
54
ئیتر گرتییان، بردییان و هێنایانه‌ ماڵی سه‌رۆك كاهین. په‌ترۆسیش دووربه‌دوور دوای كه‌وت.
55
هه‌ندێك كه‌س له‌ ناوه‌ڕاستی حه‌وشه‌كه‌دا ئاگریان كردبووه‌وه‌ و پێكه‌وه‌ دانیشتبوون، په‌ترۆسیش له‌گه‌ڵیان دانیشتبوو.
56
كاره‌كه‌رێك ئه‌وی بینی له‌به‌ر ڕووناكی دانیشتووه‌، تێیڕووانی و گوتی: «ئه‌مه‌ش له‌گه‌ڵی بوو.»
57
به‌ڵام نكۆڵیی كرد و گوتی: «نه‌خێر خانم، نایناسم.»
58
دوای كه‌مێك، یه‌كێكی دیكه‌ بینی، گوتی: «تۆش له‌وانیت.» به‌ڵام په‌ترۆس گوتی: «نه‌خێر كاكه‌، من له‌وان نیم.»
59
دوای نزیكه‌ی كاتژمێرێك، یه‌كێكی دیكه‌ مكوڕ بوو، گوتی: «به‌ڕاستی ئه‌مه‌ش له‌گه‌ڵی بوو، چونكه‌ ئه‌مه‌ش جه‌لیلییه‌.»
60
به‌ڵام په‌ترۆس گوتی: «كاكه‌، نازانم چی ده‌ڵێیت.» هه‌ر له‌و كاته‌دا كه‌ قسه‌ی ده‌كرد، كه‌ڵه‌شێر خوێندی.
61
مه‌سیحی خاوه‌ن شكۆش ئاوڕی دایه‌وه‌ و سه‌یری په‌ترۆسی كرد، ئینجا په‌ترۆس قسه‌كه‌ی مه‌سیحی بیركه‌وته‌وه‌ كه‌ پێی فه‌رموو: «ئه‌مڕۆ پێش ئه‌وه‌ی كه‌ڵه‌شێر بخوێنێت، تۆ سێ جار نكۆڵیم لێ ده‌كه‌یت.»
62
ئیتر چووه‌ ده‌ره‌وه‌ و به‌كوڵ گریا.
عیسا له‌به‌رده‌م سه‌نهه‌درین 
63
ئه‌وانه‌ی عیسایان گرتبوو، ده‌ستیان به‌ گاڵته‌ پێكردن و لێدانی كرد.
64
چاویان به‌ستبوو و لێیان ده‌پرسی: «ئه‌گه‌ر پێغه‌مبه‌ریت، بزانه‌! كێ بوو لێیدایت؟»
65
زۆر كفری دیكه‌شیان له‌ دژی ده‌كرد.
66
كه‌ ڕۆژبووه‌وه‌، ئه‌نجومه‌نی پیرانی گه‌ل كۆبوونه‌وه‌، كاهینانی باڵا و مامۆستایانی ته‌ورات عیسایان برده‌ سه‌نهه‌درینه‌كه‌یان.
67
گوتیان: «ئه‌گه‌ر تۆ مه‌سیحه‌كه‌یت پێمان بڵێ.»
ئه‌ویش پێی فه‌رموون: «ئه‌گه‌ر پێتانی بڵێم باوه‌ڕ ناكه‌ن.
68
ئه‌گه‌ر لێشتان بپرسم وه‌ڵام ناده‌نه‌وه‌.
69
به‌ڵام له‌ ئێستاوه‌ كوڕی مرۆڤ {له‌ ده‌سته‌ ڕاستی خودای به‌ توانا داده‌نیشێت.}[c] »
70
هه‌موو لێیان پرسی: «كه‌واته‌ تۆی كوڕی خودا؟»
ئه‌ویش پێی فه‌رموون: «ئێوه‌ خۆتان ده‌ڵێن كه‌ من ئه‌وم.»
71
ئینجا گوتیان: «ئیتر چ پێویستیمان به‌ شایه‌ت هه‌یه‌؟ ئه‌وه‌تا له‌ ده‌می خۆیه‌وه‌ گوێمان لێبوو.»
  1. a. 22‏:7 قوربانی په‌سخه‌: سه‌ربڕینی به‌رخ له‌ یادی ئه‌و قوربانییه‌ی له‌ سه‌رده‌می موسا له‌ میسردا سه‌ربڕدراوه‌، \+xt بڕوانه‌ ده‌رچوون 12‏:1‏-28.‏\+xt*‏
  2. b. 22‏:37 \+xt ئیشایا 53‏:12‏\+xt*‏
  3. c. 22‏:69 \+xt زه‌بووره‌كان 110‏:1‏\+xt*‏