عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
قوربانی بۆ پێكه‌وه‌ ژیان 
1
«”ئه‌گه‌ر قوربانییه‌كه‌ی قوربانی هاوبه‌شی[a] بوو، له‌ گاگه‌ل پێشكه‌شی كرد، نێر یان مێ ده‌بێت ساغ بێت و بیهێنێته‌ به‌رده‌م یه‌زدان.
2
ده‌ستی له‌سه‌ر سه‌ری قوربانییه‌كه‌ی داده‌نێت و له‌لای ده‌روازه‌ی چادری چاوپێكه‌وتن سه‌ری ده‌بڕێت. نه‌وه‌ی هارون كه‌ كاهینه‌كانن، خوێنه‌كه‌ی به‌سه‌ر هه‌موو لایه‌كی قوربانگاكه‌دا ده‌پرژێنن.
3
له‌ قوربانی هاوبه‌شیش قوربانی به‌ ئاگر پێشكه‌شی یه‌زدان ده‌كرێت، ئه‌و پیوه‌ی هه‌ناوی داپۆشیوه‌ و هه‌موو ئه‌و پیوه‌ی له‌سه‌ر هه‌ناو و
4
دوو گورچیله‌كه‌ و ئه‌و پیوه‌ی له‌سه‌ریانه‌، ئه‌وه‌ی له‌سه‌ر ناوقه‌ده‌، هه‌روه‌ها ئه‌و پیوه‌ی له‌سه‌ر جگه‌ره‌كه‌یه‌ و دوو گورچیله‌كه‌ لێ ده‌كاته‌وه‌.
5
نه‌وه‌ی هارونیش له‌سه‌ر قوربانگاكه‌ ده‌یسووتێنن، له‌سه‌ر ئه‌و قوربانی سووتاندنه‌ی له‌سه‌ر داره‌كانی سه‌ر ئاگره‌كه‌یه‌، قوربانی به‌ ئاگره‌، ئه‌و بۆنه‌ی یه‌زدان پێی خۆشه‌.
6
«”ئه‌گه‌ر قوربانییه‌كه‌ی له‌ مه‌ڕوماڵات بوو، قوربانی هاوبه‌شی بۆ یه‌زدان، نێر یان مێی ساغ پێشكه‌ش ده‌كات.
7
ئه‌گه‌ر قوربانییه‌كه‌ی به‌رخ بوو، له‌به‌رده‌م یه‌زدان پێشكه‌شی ده‌كات.
8
ده‌ستی له‌سه‌ر سه‌ری قوربانییه‌كه‌ی داده‌نێت و له‌به‌رده‌م چادری چاوپێكه‌وتن سه‌ری ده‌بڕێت و نه‌وه‌ی هارون خوێنه‌كه‌ی به‌سه‌ر هه‌موو لایه‌كی قوربانگاكه‌دا ده‌پرژێنن.
9
له‌ قوربانی هاوبه‌شییه‌كه‌ش پیوه‌كه‌ی وه‌ك قوربانی به‌ ئاگر بۆ یه‌زدان پێشكه‌ش ده‌كرێت. دوگه‌كه‌ی[b] به‌ ته‌واوی له‌لای دوا بڕبڕه‌ی پشته‌وه‌ لێ ده‌كاته‌وه‌ له‌گه‌ڵ ئه‌و پیوه‌ی هه‌ناوی داپۆشیوه‌ و هه‌موو ئه‌و پیوه‌ی به‌سه‌ر هه‌ناویه‌وه‌یه‌،
10
له‌گه‌ڵ دوو گورچیله‌كه‌ و ئه‌و پیوه‌ی له‌سه‌ریانه‌، ئه‌وه‌ی له‌سه‌ر ناوقه‌ده‌ و ئه‌و پیوه‌ی له‌سه‌ر جگه‌ر و گورچیله‌كانه‌ لێی ده‌كاته‌وه‌.
11
كاهینه‌كه‌ش وه‌ك خواردن له‌سه‌ر قوربانگا ده‌یانسووتێنێت، قوربانی به‌ ئاگره‌ بۆ یه‌زدان.
12
«”ئه‌گه‌ر قوربانییه‌كه‌شی گیسك بوو، نێر یان مێ، له‌به‌رده‌م یه‌زدان پێشكه‌شی ده‌كات،
13
ده‌ستی له‌سه‌ر سه‌ری داده‌نێت و له‌به‌رده‌م چادری چاوپێكه‌وتن سه‌ری ده‌بڕێت. نه‌وه‌ی هارون خوێنه‌كه‌ی به‌سه‌ر هه‌موو لایه‌كی قوربانگاكه‌دا ده‌پرژێنن،
14
له‌وه‌وه‌ قوربانی به‌ ئاگره‌كه‌ی بۆ یه‌زدان پێشكه‌ش ده‌كرێت. ئه‌و پیوه‌ی هه‌ناوی داپۆشیوه‌ و هه‌موو ئه‌و پیوه‌ی له‌سه‌ر هه‌ناوه‌كه‌یه‌،
15
له‌گه‌ڵ دوو گورچیله‌كه‌ و ئه‌و پیوه‌ی له‌سه‌ریانه‌، ئه‌وه‌ی له‌سه‌ر ناوقه‌ده‌ و ئه‌و پیوه‌ی له‌سه‌ر جگه‌ر و گورچیله‌كانه‌ لێی ده‌كاته‌وه‌،
16
كاهینه‌كه‌ش وه‌ك خواردن له‌سه‌ر قوربانگا ده‌یانسووتێنێت. قوربانی به‌ ئاگره‌، بۆنی خۆشییه‌، هه‌موو پیوه‌كه‌ هی یه‌زدانه‌.
17
«”ئه‌مه‌ فه‌رزێكی هه‌تاهه‌تاییه‌ نه‌وه‌ دوای نه‌وه‌ له‌ هه‌موو نشینگه‌كانتاندا، نه‌ پیو و نه‌ خوێن مه‌خۆن.“»
  1. a. 3‏:1 قوربانی هاوبه‌شی: ئه‌م قوربانییه‌ هاوده‌می قوربانی سووتاندن بوو. ته‌نها یه‌ك كه‌س هه‌ڵده‌ستا به‌ دابینكردنی ئه‌م قوربانییه‌، به‌ڵام له‌گه‌ڵ خه‌ڵكی دیكه‌ به‌شی زۆری ئه‌م قوربانییه‌یان له‌به‌رده‌م خودا ده‌خوارد وه‌ك هێمایه‌ك بۆ پێكه‌وه‌ ژیان. \+xt بڕوانه‌ لێڤییه‌كان 7‏:11‏-15.‏\+xt*‏
  2. b. 3‏:9 دوگ یان دونگ.