عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ڕێكخستنی زه‌یت و نان له‌به‌رده‌م یه‌زدان 
1
هه‌روه‌ها یه‌زدان به‌ موسای فه‌رموو:
2
«فه‌رمان به‌ نه‌وه‌ی ئیسرائیل بكه‌ با زه‌یتی زه‌یتوونی ساده‌ و گوشراوت بۆ ڕووناكی بۆ بهێنن، هه‌تا چرا به‌رده‌وام داگیرساو بێت.
3
له‌ناو چادری چاوپێكه‌وتن، له‌ ده‌ره‌وه‌ی په‌رده‌ی شوێنی هه‌ره‌پیرۆز، هارون له‌ ئێواره‌وه‌ هه‌تا به‌یانی به‌ به‌رده‌وامی چرادانه‌كه‌ له‌به‌رده‌م یه‌زدان ڕێك ده‌خات. فه‌رزێكی هه‌تاهه‌تاییه‌ له‌ نه‌وه‌كانتان.
4
چراكه‌ له‌سه‌ر چرادانه‌كه‌ی كه‌ له‌ زێڕی بێگه‌رده‌ پێویسته‌ به‌ به‌رده‌وامی له‌به‌رده‌م یه‌زدان ڕێكبخرێت.
5
«باشترین ئاردیش ده‌به‌یت و ده‌یكه‌یته‌ دوازده‌ كولێره‌، بۆ هه‌ر كولێره‌یه‌ك دوو ده‌یه‌كی ئێفه‌یه‌ك[a] به‌كارده‌هێنیت،
6
ده‌یانكه‌یت به‌ دوو ڕیز، هه‌ر ڕیزه‌ و شه‌ش نان، له‌سه‌ر مێزه‌ زێڕینه‌ بێگه‌رده‌كه‌ له‌به‌رده‌م یه‌زدان.
7
له‌سه‌ر هه‌ر ڕیزێكیش بخووری ساده‌ی بێگه‌رد داده‌نێیت، جا بۆ نانه‌كه‌ ده‌بێته‌ یاده‌وه‌ری قوربانی به‌ ئاگر بۆ یه‌زدان.
8
ئه‌م نانه‌ش به‌ به‌رده‌وامی هه‌موو ڕۆژێكی شه‌ممه‌ له‌به‌رده‌م یه‌زدان ڕێكده‌خرێت، په‌یمانێكی هه‌تاهه‌تاییه‌ له‌ پێناو نه‌وه‌ی ئیسرائیل.
9
ئه‌مه‌ بۆ هارون و كوڕه‌كانی ده‌بێت و له‌ شوێنێكی پیرۆز ده‌یخۆن، چونكه‌ هه‌ره‌پیرۆزه‌ له‌ قوربانییه‌ به‌ ئاگره‌كان بۆ یه‌زدان، به‌شێكی چه‌سپاوه‌.»
به‌ردبارانی نه‌فره‌تكه‌رێك 
10
كوڕێك كه‌ دایكی ئیسرائیلی و باوكی میسری بوو چووه‌ نێو نه‌وه‌ی ئیسرائیل و له‌ ئۆردوگاكه‌ له‌گه‌ڵ پیاوێكی ئیسرائیلی بووه‌ شه‌ڕیان.
11
كوڕی ژنه‌ ئیسرائیلییه‌كه‌ كفر و نه‌فره‌تی سه‌باره‌ت به‌ ناوی یه‌زدان كرد، هێنایانه‌ لای موسا، دایكیشی ناوی شه‌لۆمیتی كچی دبری بوو، له‌ هۆزی دان.
12
له‌ شوێنێكیان دانا له‌ژێر چاودێری پاسه‌وان، هه‌تا بڕیاری یه‌زدانیان پێ ڕابگه‌یه‌نرێت.
13
جا یه‌زدان به‌ موسای فه‌رموو:
14
«ئه‌وه‌ی نه‌فره‌تی كردووه‌، بیبه‌ ده‌ره‌وه‌ی ئۆردوگاكه‌، هه‌موو ئه‌وانه‌ی گوێیان لێی بوو ده‌ستیان له‌سه‌ر سه‌ری داده‌نێن و هه‌موو كۆمه‌ڵه‌كه‌ به‌ردبارانی ده‌كه‌ن.
15
له‌گه‌ڵ نه‌وه‌ی ئیسرائیلیش بدوێ و بڵێ: ”ئه‌وه‌ی نه‌فره‌ت له‌ خودای خۆی بكات، ئه‌وا تاوانی له‌ ئه‌ستۆی خۆی ده‌بێت.
16
ئه‌وه‌ی كفر سه‌باره‌ت به‌ ناوی یه‌زدان بكات، ئه‌وا ده‌كوژرێت، هه‌موو كۆمه‌ڵه‌كه‌ به‌ردبارانی ده‌كه‌ن، بیانی و هاوڵاتی وه‌ك یه‌ك، كاتێك كفر سه‌باره‌ت به‌ ناوی یه‌زدان بكات، ده‌كوژرێت.
17
«”ئه‌گه‌ر كه‌سێك كه‌سێكی كوشت ئه‌وا ده‌كوژرێت.
18
ئه‌وه‌ی ئاژه‌ڵی كه‌سێكی دیكه‌ بكوژێت، ئه‌وا قه‌ره‌بووی ده‌كاته‌وه‌، گیان به‌ گیان.
19
ئه‌گه‌ر یه‌كێك شتێكی له‌ كه‌سێك كرد، چی كردووه‌ ئاوای لێ ده‌كرێته‌وه‌،
20
شكان به‌ شكان و چاو به‌ چاو و ددان به‌ ددان، چی له‌و كه‌سه‌ كردووه‌ ئاوای لێ ده‌كرێته‌وه‌.
21
ئه‌وه‌ی ئاژه‌ڵێك بكوژێت، قه‌ره‌بووی ده‌كاته‌وه‌، به‌ڵام ئه‌وه‌ی كه‌سێك بكوژێت ده‌كوژرێته‌وه‌.
22
یه‌ك یاساتان ده‌بێت، بیانی وه‌ك هاوڵاتی ده‌بێت، من یه‌زدانی په‌روه‌ردگارتانم.“»
23
جا موسا به‌ نه‌وه‌ی ئیسرائیلی گوت، ئه‌وه‌ی نه‌فره‌تی كردووه‌، بیبه‌نه‌ ده‌ره‌وه‌ی ئۆردوگاكه‌ و به‌ردبارانی بكه‌ن. نه‌وه‌ی ئیسرائیلیش ئاوایان كرد، هه‌روه‌ك یه‌زدان فه‌رمانی به‌ موسا كرد.
  1. a. 24‏:5 نزیكه‌ی چوار لیتر و نیو.