عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
جووتبوونه‌ نادروسته‌كان 
1
هه‌روه‌ها یه‌زدان به‌ موسای فه‌رموو:
2
«له‌گه‌ڵ نه‌وه‌ی ئیسرائیل بدوێ و پێیان بڵێ: ”من یه‌زدانی په‌روه‌ردگارتانم.
3
وه‌ك نه‌ریتی خاكی میسر مه‌كه‌ن كه‌ تێیدا نیشته‌جێ بوون و وه‌ك نه‌ریتی خاكی كه‌نعان مه‌كه‌ن كه‌ ئێوه‌ ده‌هێنم بۆی و نه‌ریته‌كانیان به‌جێمه‌هێنن.
4
پێویسته‌ ملكه‌چی یاساكانی من بن و فه‌رزه‌كانم به‌جێبهێنن بۆ ئه‌وه‌ی په‌یڕه‌ویان بكه‌ن، من یه‌زدانی په‌روه‌ردگارتانم.
5
فه‌رز و یاساكانم په‌یڕه‌و بكه‌ن، چونكه‌ ئه‌و كه‌سه‌ی په‌یڕه‌ویان بكات، به‌ هۆیانه‌وه‌ ده‌ژیێت، من یه‌زدانم.
6
«”هیچ كه‌سێك له‌ كه‌سوكاری خۆی نزیك نه‌بێته‌وه‌، بۆ جووت بوون له‌گه‌ڵی، من یه‌زدانم.
7
«”ناموسی باوكت مه‌به‌ و ناموسی دایكت مه‌به‌، له‌گه‌ڵ دایكت جووت مه‌به‌، چونكه‌ دایكته‌.
8
«”له‌گه‌ڵ باوه‌ژنت[a] جووت مه‌به‌، ئه‌وه‌ ناموسی باوكته‌.
9
«”له‌گه‌ڵ خوشكت، كچی باوكت یان كچی دایكت جووت مه‌به‌، ئه‌گه‌ر له‌ ماڵتان له‌دایك بووبێت یان له‌ ده‌ره‌وه‌.
10
«”له‌گه‌ڵ كچی كوڕه‌كه‌ت یان كچی كچه‌كه‌ت جووت مه‌به‌، ئه‌وه‌ ناموسی تۆیه‌.
11
«”له‌گه‌ڵ كچی ژنی باوكت كه‌ له‌ باوكته‌وه‌ بووه‌، جووت مه‌به‌، چونكه‌ خوشكته‌.
12
«”له‌گه‌ڵ خوشكی باوكت جووت مه‌به‌، چونكه‌ پوورته‌.
13
«”له‌گه‌ڵ خوشكی دایكت جووت مه‌به‌، چونكه‌ پوورته‌.
14
«”ناموسی مامت مه‌به‌، له‌ ژنه‌كه‌ی نزیك مه‌كه‌وه‌ و له‌گه‌ڵی جووت مه‌به‌، چونكه‌ مامۆژنته‌.
15
«”له‌گه‌ڵ بووكه‌كه‌ت جووت مه‌به‌، ژنی كوڕته‌، له‌گه‌ڵی جووت مه‌به‌.
16
«”له‌گه‌ڵ براژنه‌كه‌ت جووت مه‌به‌، ئه‌وه‌ ناموسی براته‌.
17
«”له‌گه‌ڵ ژنێك و كچه‌كه‌ی جووت مه‌به‌، له‌گه‌ڵ كچی كوڕه‌كه‌ی یان كچی كچه‌كه‌ی جووت مه‌به‌، ئه‌وان نزیكی ژنه‌كه‌ن و ئه‌وه‌ ئه‌وپه‌ڕی به‌دڕه‌وشتییه‌.
18
«”هیچ ژنێكیش به‌سه‌ر خوشكه‌كه‌ی مه‌خوازه‌ هه‌تا ببێت به‌ هه‌وێی، هه‌تا له‌گه‌ڵی جووت بیت، كاتێك ژنه‌كه‌ت له‌ ژیاندایه‌.
19
«”له‌ هیچ ژنێكیش نزیك مه‌كه‌وه‌ له‌ ماوه‌ی گڵاوی خوێنلێچوونی مانگانه‌ی بۆ ئه‌وه‌ی له‌گه‌ڵی جووت بیت.
20
«”له‌گه‌ڵ ژنی كه‌سێكی دیكه‌ جووت مه‌به‌، پێی گڵاو ده‌بیت.
21
«”منداڵه‌كانت وه‌ك قوربانی مه‌سووتێنه‌ بۆ ’مۆله‌خ‘[b] ، نه‌وه‌ك ناوی خودای خۆت بزڕێنیت، من یه‌زدانم.
22
«”له‌گه‌ڵ نێرێك جووت مه‌به‌ وه‌ك جووتبوونت له‌گه‌ڵ ژن، ئه‌وه‌ قێزه‌ونه‌.
23
«”له‌گه‌ڵ هیچ ئاژه‌ڵێكیش جووت مه‌به‌، پێی گڵاو ده‌بیت، هیچ ئافره‌تێك له‌به‌رده‌م ئاژه‌ڵ ئاماده‌ نه‌بێت بۆ جووتبوون، ئه‌وه‌ ئه‌وپه‌ڕی به‌دڕه‌وشتییه‌.
24
«”به‌ هیچ یه‌كێك له‌و ڕه‌فتارانه‌ خۆتان گڵاو مه‌كه‌ن، چونكه‌ ئه‌و نه‌ته‌وانه‌ی وا من ڕاویان ده‌نێم له‌به‌رده‌متان به‌ هه‌موو ئه‌مانه‌ گڵاو بوون.
25
ته‌نانه‌ت خاكه‌كه‌ گڵاو بوو، منیش سزای تاوانه‌كه‌ی ده‌ده‌م و خاكه‌كه‌ش دانیشتووانه‌كه‌ی ده‌ڕشێنێته‌وه‌.
26
به‌ڵام ئێوه‌ فه‌رزه‌كان به‌جێده‌هێنن و یاساكانم په‌یڕه‌و ده‌كه‌ن. هیچ كارێك له‌ هه‌موو ئه‌و كرده‌وه‌ قێزه‌ونانه‌ ناكه‌ن، نه‌ هاوڵاتی و نه‌ ئه‌و نامۆیه‌ی له‌نێوتاندایه‌.
27
پێش ئێوه‌ خه‌ڵكی خاكه‌كه‌ هه‌موو ئه‌و كرده‌وه‌ قێزه‌ونانه‌یان كردووه‌، هه‌ر بۆیه‌ خاكه‌كه‌ گڵاو بوو.
28
ئه‌گه‌ر خاكه‌كه‌ گڵاو بكه‌ن، ئه‌وا ئێوه‌ش ده‌ڕشێنێته‌وه‌، وه‌ك چۆن ئه‌و نه‌ته‌وانه‌ی پێش ئێوه‌ی ڕشانده‌وه‌.
29
«”به‌ڵكو هه‌ركه‌سێك كارێك له‌ هه‌موو ئه‌و كرده‌وه‌ قێزه‌ونانه‌ ئه‌نجام بدات، ئه‌و كه‌سه‌ی ئه‌وه‌ ده‌كات له‌ گه‌له‌كه‌ی ده‌بڕدرێته‌وه‌.
30
جا فه‌رزه‌كانم به‌جێبهێنن هه‌تا هیچ له‌و نه‌ریته‌ قێزه‌ونانه‌ نه‌كه‌ن و پێی گڵاو نه‌بن كه‌ پێش ئێوه‌ كراون، من یه‌زدانی په‌روه‌ردگارتانم.“»
  1. a. 18‏:8 زڕدایك.
  2. b. 18‏:21 خوداوه‌ندێكی كه‌نعانییه‌ بتپه‌رسته‌كان بووه‌، بۆ په‌رستنی هه‌ستاون به‌ تێپه‌ڕاندنی منداڵه‌كانیان به‌ناو ئاگردا. بڕوانه‌ \+xt دووه‌م پوخته‌ی مێژوو 28‏:3‏\+xt*.