عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
پاكبوونه‌وه‌ی ژنان له‌دوای منداڵبوون 
1
هه‌روه‌ها یه‌زدان به‌ موسای فه‌رموو:
2
«له‌گه‌ڵ نه‌وه‌ی ئیسرائیل بدوێ و بڵێ: ”ئه‌گه‌ر ژنێك سكی پڕ بوو و كوڕێكی بوو، ئه‌وا به‌پێی ڕێوڕه‌سم بۆ حه‌وت ڕۆژ گڵاو[a] ده‌بێت، هه‌روه‌ك له‌ ڕۆژانی خوێنلێچوونی مانگانه‌ی گڵاو ده‌بێت.
3
له‌ ڕۆژی هه‌شته‌مدا كۆرپه‌كه‌ خه‌ته‌نه‌ ده‌كرێت،
4
ئینجا دایكه‌كه‌ سی و سێ ڕۆژی دیكه‌ ده‌مێنێته‌وه‌ هه‌تا له‌ خوێن لێچوونه‌كه‌ی پاك ببێته‌وه‌، به‌ر هیچ شتێكی پیرۆز ناكه‌وێت و بۆ پیرۆزگا ناچێت، هه‌تا ڕۆژانی پاكبوونه‌وه‌ی ته‌واو ده‌بێت.
5
ئه‌گه‌ر كچی بوو، ئه‌وا دوو هه‌فته‌ پاك نابێت، هه‌روه‌ك له‌ خوێنلێچوونی بێت، ئینجا شه‌ست و شه‌ش ڕۆژی دیكه‌ ده‌مێنێته‌وه‌، هه‌تا له‌ زه‌یستانییه‌كه‌ی[b] پاك ببێته‌وه‌.
6
«”كاتێك ڕۆژانی پاكبوونه‌وه‌ی[c] ته‌واو بوو، ئه‌گه‌ر كوڕی بووبێت یان كچ، ئه‌وا به‌رخێكی یه‌ك ساڵه‌ وه‌ك قوربانی سووتاندن و بێچووه‌ كۆترێك یان كوكوختییه‌ك وه‌ك قوربانی گوناه[d] ده‌هێنێته‌ به‌ر ده‌روازه‌ی چادری چاوپێكه‌وتن بۆ كاهینه‌كه‌.
7
ئه‌ویش له‌به‌رده‌م یه‌زدان پێشكه‌شی ده‌كات و كه‌فاره‌تی بۆ ده‌كات، ئینجا به‌پێی ڕێوڕه‌سم له‌ خوێن لێچوونه‌كه‌ی پاك ده‌بێته‌وه‌.[e]
«”ئه‌وه‌ ڕێنماییه‌ بۆ ئه‌و ژنه‌ی كوڕ یان كچی ده‌بێت.
8
به‌ڵام ئه‌گه‌ر ده‌ستكورت بوو به‌رخێك بهێنێت، ئه‌وا دوو كوكوختی یان دوو بێچووه‌ كۆتر، یه‌كێكیان بۆ قوربانی سووتاندن و ئه‌وی دیكه‌ بۆ قوربانی گوناه، به‌م شێوه‌یه‌ كاهینه‌كه‌ كه‌فاره‌تی بۆ ده‌كات و پاك ده‌بێته‌وه‌.“»
  1. a. 12‏:2 له‌ په‌یمانی كۆن خوێن به‌ پیرۆز هه‌ژمارد كراوه‌، به‌ڵام كاتێك ئافره‌ت ده‌كه‌وته‌ سووڕی مانگانه‌ و خوێنی لێ ده‌رچوو، ئه‌و ماوه‌یه‌ ئافره‌ته‌كه‌ به‌ گڵاو هه‌ژمارد ده‌كرا. خۆشبه‌ختانه‌ له‌ په‌یمانی نوێ به‌هۆی عیسای مه‌سیحه‌وه‌ به‌ پاك داده‌نرێت. بڕوانه‌\+xt مه‌رقۆس 7‏:17‏-23.‏\+xt*‏
  2. b. 12‏:5 زه‌یستانی: منداڵبوون نابێته‌ هۆی گڵاوی، به‌ڵام مه‌به‌ستی پاكبوونه‌وه‌یه‌ له‌ خوێنی زه‌یستانی.
  3. c. 12‏:6 مریه‌م له‌ كاتی له‌دایكبوونی عیسا ئه‌م نه‌ریته‌ی جێبه‌جێ كرد، بڕوانه‌\+xt لۆقا 2‏:22‏-24.‏\+xt*‏
  4. d. 12‏:6 قوربانی گوناه: پێشكه‌شكردنی قوربانی له‌ پێناو گوناه یاخود تاوان، كاریگه‌ری هه‌یه‌ له‌سه‌ر دووباره‌ گه‌ڕاندنه‌وه‌ی مرۆڤ بۆ ناو ژیانی خواپه‌رستی.
  5. e. 12‏:7 له‌ زمان و كه‌لتوری عیبری خوێن هێمای ژیانه‌، ژیانیش له‌لایه‌ن یه‌زدانه‌وه‌ پیرۆزكراوه‌ كه‌ به‌خشیویه‌تی. له‌به‌ر ئه‌و هۆكاره‌ بووه‌ كه‌ جوله‌كه‌كان ڕێگه‌یان نه‌دابوو به‌ خواردنی گۆشت كه‌ خوێنی تێدابێت. (\+xt په‌یدابوون 9‏:4‏\+xt*‏) هه‌موو لێچوونێكی خوێنیش پێویست بوو به‌ باشترین شێوه‌ هه‌ڵسوكه‌وتی له‌گه‌ڵ بكرێت. له‌به‌ر ئه‌وه‌ كوشتار و خوێنڕشتن به‌ كۆتایی پێهێنانی ژیان زانراوه‌، بۆیه‌ له‌لایه‌ن یه‌زدانه‌وه‌ پێویستی به‌ لێپرسینه‌وه‌ هه‌یه‌ (\+xt په‌یدابوون 9‏:5‏\+xt*‏).