عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
به‌شه‌كانی مه‌نه‌شه‌ و ئه‌فرایم 
1
تیروپشك بۆ به‌شی نه‌وه‌ی یوسف ده‌رچوو، له‌ ڕووباری ئوردون له‌لای ئه‌ریحا هه‌تا ئاوی ئه‌ریحا بوو، به‌ره‌و ڕۆژهه‌ڵات هه‌تا ئه‌و چۆڵه‌وانییه‌ی له‌ ئه‌ریحاوه‌ سه‌رده‌كه‌وێت بۆ ناوچه‌ شاخاوییه‌كانی بێت‌ئێل،
2
له‌ بێت‌ئێلیشه‌وه‌ كه‌ پێی ده‌گوترێ لوز، به‌رده‌وام بوو بۆ سنووری ئه‌ركییه‌كان له‌ عه‌ته‌رۆت و
3
له‌وێشه‌وه‌ ڕووه‌و ڕۆژئاوا دابه‌زی بۆ سنووری یه‌فلێتییه‌كان و بۆ سنووری بێت‌حۆرۆنی خواروو و بۆ گه‌زه‌ر و كۆتاییه‌كه‌شی له‌لای ده‌ریای سپی ناوه‌ڕاست[a] بوو.
4
جا نه‌وه‌كانی یوسف مه‌نه‌شه‌ و ئه‌فرایم میراتی خۆیان وه‌رگرت.
5
ئه‌مانه‌ش سنووری نه‌وه‌ی ئه‌فرایم بوو به‌گوێره‌ی خێڵه‌كانیان:
سنووری میراته‌كه‌یان له‌ ڕۆژهه‌ڵات، عه‌ته‌رۆت ئه‌دار بوو، هه‌تا بێت‌حۆرۆنی ژووروو،
6
ئینجا سنووره‌كه‌ به‌ره‌و ده‌ریا چوو، له‌ میخمه‌تات ڕووه‌و باكوور، به‌لای ڕۆژهه‌ڵاتدا سووڕایه‌وه‌ بۆ تانه‌س شیلۆ و په‌ڕییه‌وه‌ بۆ یانۆوه‌ح له‌لای ڕۆژهه‌ڵات.
7
سنووره‌كه‌ له‌ یانۆوه‌حه‌وه‌ دابه‌زی بۆ عه‌ته‌رۆت و نه‌عه‌را و چوو بۆ ئه‌ریحا و گه‌یشته‌ ڕووباری ئوردون.
8
ئینجا سنووره‌كه‌ له‌ ته‌پووه‌ح درێژبووه‌وه‌ به‌ره‌و ڕۆژئاوا بۆ شیوی قانا و كۆتاییه‌كه‌شی له‌لای ده‌ریای سپی ناوه‌ڕاست بوو. ئه‌مه‌ میراتی هۆزی نه‌وه‌ی ئه‌فرایم بوو به‌گوێره‌ی خێڵه‌كانیان،
9
له‌گه‌ڵ ئه‌و شارۆچكانه‌ی له‌ناو میراتی نه‌وه‌ی مه‌نه‌شه‌دا بۆ نه‌وه‌ی ئه‌فرایم جیا كرابوونه‌وه‌، هه‌موو شارۆچكه‌ و گونده‌كانیان.
10
كه‌نعانییه‌كانی دانیشتووانی گه‌زه‌ریان ده‌رنه‌كرد، ئیتر كه‌نعانییه‌كان هه‌تا ئه‌مڕۆش له‌گه‌ڵ ئه‌فرایمدا نیشته‌جێن و وه‌ك كۆیله‌ بێگارییان پێده‌كه‌ن.
  1. a. 16‏:3 له‌لای ده‌ریای سپی ناوه‌ڕاست: عیبری: له‌لای ده‌ریاوه‌، لێره‌ و له‌ ئایه‌تی 8.