عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
كاری ڕۆحی پیرۆز 
1
«ئه‌م شتانه‌م پێ گوتن، تاكو بێ ئومێد نه‌بن.
2
له‌ كه‌نیشته‌كان ده‌رده‌كرێن، له‌ڕاستیدا كاتێك دێت ئه‌وه‌ی ده‌تانكوژێت واده‌زانێت خزمه‌تی خودا ده‌كات.
3
ئه‌مانه‌ش ده‌كه‌ن چونكه‌ نه‌ باوكه‌یان ناسیوه‌ و نه‌ من.
4
به‌ڵام ئه‌مانه‌م پێ گوتن، تاكو ئه‌گه‌ر كاتیان هات بیرتان بكه‌وێته‌وه‌ كه‌ من پێم گوتوون. له‌ سه‌ره‌تادا ئه‌مانه‌م پێ نه‌گوتن، چونكه‌ له‌گه‌ڵتان بووم.
5
«ئێستا ده‌چمه‌ لای ئه‌وه‌ی ناردوومی و كه‌ستان لێم ناپرسێت: ”بۆ كوێ ده‌چیت؟“
6
كه‌چی دڵگرانن به‌وه‌ی كه‌ ئه‌مه‌م پێ گوتن.
7
به‌ڵام ڕاستیتان پێ ده‌ڵێم: باشتره‌ بۆتان كه‌ بڕۆم، چونكه‌ ئه‌گه‌ر نه‌ڕۆم، یارمه‌تیده‌ره‌كه‌تان[a] بۆ نایه‌ت. به‌ڵام ئه‌گه‌ر بڕۆم بۆتانی ده‌نێرم.
8
كاتێك ئه‌و دێت، ده‌یسه‌لمێنێت كه‌ جیهان به‌ هه‌ڵه‌ تێگه‌یشتوون له‌ گوناه و دادپه‌روه‌ری و حوكمدان:
9
له‌سه‌ر گوناه، چونكه‌ باوه‌ڕم پێ ناهێنن؛
10
له‌سه‌ر ڕاستودروستی[b] ، چونكه‌ ده‌چمه‌ لای باوك و ئیتر نامبینن؛
11
له‌سه‌ر حوكمدانیش، چونكه‌ گه‌وره‌ی ئه‌م جیهانه‌ حوكم دراوه‌.
12
«هێشتا شتی زۆرم هه‌یه‌ پێتانی بڵێم، به‌ڵام ئێستا ناتوانن به‌رگه‌ی بگرن.
13
به‌ڵام كاتێك ئه‌و دێت، كه‌ ڕۆحی ڕاستییه‌، ئه‌و بۆ ڕاستی ته‌واو ڕێنماییتان ده‌كات، چونكه‌ له‌ خۆیه‌وه‌ هیچ ناڵێت، به‌ڵكو ئه‌وه‌ی گوێی لێ ده‌بێت ده‌یڵێت و ڕایده‌گه‌یه‌نێت چی ڕووده‌دات.
14
ئه‌و شكۆدارم ده‌كات، چونكه‌ ئه‌وه‌تان پێ ڕاده‌گه‌یه‌نێت[c] كه‌ له‌ منه‌وه‌ وه‌ریده‌گرێت.
15
هه‌موو ئه‌وه‌ی كه‌ هی باوكه‌، هی منیشه‌. له‌به‌ر ئه‌وه‌ گوتم، ڕۆحی پیرۆز له‌ هی من وه‌رده‌گرێت و پێتانی ڕاده‌گه‌یه‌نێت.
16
«پاش كه‌مێك نامبینن، ئینجا پاش كه‌مێك دیسان ده‌مبینن.»
هاتنی خۆشی دوای ناخۆشی 
17
هه‌ندێك له‌ قوتابییه‌كانی به‌ یه‌كتریان گوت: «ئه‌مه‌ چییه‌ كه‌ پێمان ده‌فه‌رموێ: ”پاش كه‌مێك ئیتر نامبینن، پاش كه‌مێكیش ده‌مبینن“ و ”چونكه‌ ده‌چمه‌ لای باوك“؟»
18
گوتیان: «ئه‌م ”كه‌م“ـه‌یه‌ چییه‌ كه‌ باسی ده‌كات؟ نازانین چی ده‌فه‌رموێ!»
19
عیسا زانی كه‌ ده‌یانویست پرسیاری لێ بكه‌ن، ئینجا پێی فه‌رموون: «ئایا له‌به‌ر ئه‌مه‌ پرسیار له‌ یه‌كتری ده‌كه‌ن كه‌ گوتم: ”پاش كه‌مێك ئیتر نامبینن، پاش كه‌مێكیش ده‌مبینن“؟
20
ڕاستی ڕاستیتان پێ ده‌ڵێم: ئێوه‌ ده‌گریێن و شیوه‌ن ده‌كه‌ن، به‌ڵام جیهان دڵشاد ده‌بێ. خه‌مبار ده‌بن، به‌ڵام خه‌مباریه‌كه‌تان ده‌بێته‌ شادی.
21
كاتێك ژن منداڵی ده‌بێت خه‌م دایده‌گرێت، چونكه‌ كاتی هاتووه‌. به‌ڵام كه‌ منداڵه‌كه‌ی بوو، له‌ خۆشی ئه‌وه‌ی مرۆڤێك له‌ جیهان له‌دایك بووه‌، ژانه‌كانی له‌بیر ده‌كات.
22
ئێوه‌ش ئێستا خه‌متان هه‌یه‌، به‌ڵام ده‌تانبینمه‌وه‌ و دڵشاد ده‌بن، كه‌سیش ئه‌و خۆشییه‌تان لێ ناستێنێ.
23
له‌و ڕۆژه‌دا پرسیاری هیچم لێ ناكه‌ن. ڕاستی ڕاستیتان پێ ده‌ڵێم: به‌ ناوی منه‌وه‌ هه‌رچییه‌ك له‌ باوك داوا بكه‌ن ده‌تانداتێ.
24
هه‌تا ئێستا به‌ ناوی منه‌وه‌ هیچتان داوا نه‌كردووه‌. داوا بكه‌ن وه‌ریده‌گرن، تاكو خۆشییه‌كه‌تان ته‌واو بێت.
25
«ئه‌م شتانه‌م به‌ په‌ند بۆ باسكردن، به‌ڵام كاتێك دێت ئیتر به‌ په‌ند بۆتان نادوێم، به‌ڵكو به‌ ئاشكرا باسی باوكتان بۆ ده‌كه‌م.
26
له‌و ڕۆژه‌دا به‌ ناوی منه‌وه‌ داوا ده‌كه‌ن. ئیتر پێتان ناڵێم له‌لای باوك بۆتان داوا ده‌كه‌م،
27
چونكه‌ باوك خۆی ئێوه‌ی خۆشده‌وێت، له‌به‌ر ئه‌وه‌ی منتان خۆشویستووه‌ و باوه‌ڕتان كرد كه‌ له‌ لای خوداوه‌ هاتووم.
28
له‌ لای باوكه‌وه‌ هاتووم بۆ جیهان، ئێستاش جیهان به‌جێده‌هێڵم و ده‌گه‌ڕێمه‌وه‌ لای باوك.»
29
قوتابییه‌كانی گوتیان: «وا ئێستا به‌ ڕوونی و به‌بێ په‌ند قسه‌ ده‌كه‌یت.
30
ئێستا دڵنیاین كه‌ تۆ هه‌موو شتێك ده‌زانیت و پێویست ناكات كه‌س پرسیارت لێ بكات. به‌مه‌ش باوه‌ڕ ده‌كه‌ین كه‌ له‌ خوداوه‌ هاتوویت.»
31
عیساش وه‌ڵامی دانه‌وه‌: «ئایا ئێستا باوه‌ڕ ده‌كه‌ن؟
32
وا كاتێك دێت و ئێستاش هاتووه‌، كه‌ په‌رته‌وازه‌ ده‌بن، هه‌ریه‌كه‌ بۆ ماڵی خۆی و به‌ ته‌نها به‌جێم ده‌هێڵن. به‌ڵام من به‌ ته‌نها نیم، چونكه‌ باوك له‌گه‌ڵمدایه‌.
33
«ئه‌مانه‌م پێ گوتن تاكو ئاشتیتان له‌ مندا هه‌بێت. له‌ جیهاندا تووشی ته‌نگانه‌ ده‌بن. به‌ڵام وره‌تان به‌رز بێت، من جیهانم به‌زاندووه‌.»
  1. a. 16‏:7 مه‌به‌ستی له‌ ڕۆحی پیرۆزه‌.
  2. b. 16‏:10 بێتاوانكردنی گوناهبارێك به‌ خاچی مه‌سیح. \+xt بڕوانه‌ ڕۆما 3‏:21‏-26.‏\+xt*‏
  3. c. 16‏:14 ڕۆحی پیرۆز له‌ وشه‌ی مه‌سیح وه‌رده‌گرێت و به‌ قوتابییه‌كان ڕاده‌گه‌یه‌نێت.