عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
من شوانه‌ دڵسۆزه‌كه‌م 
1
«ڕاستی ڕاستیتان پێ ده‌ڵێم، ئه‌وه‌ی له‌ ده‌رگاوه‌ نه‌چێته‌ ناو پشتیری[a] مه‌ڕه‌كان، به‌ڵكو به‌ ڕێگایه‌كی دیكه‌دا بۆی سه‌ربكه‌وێت، ئه‌وه‌ دز و جه‌رده‌یه‌.
2
به‌ڵام ئه‌وه‌ی له‌ ده‌رگاوه‌ بچێته‌ ژووره‌وه‌، ئه‌وه‌ شوانی مه‌ڕه‌كانه‌.
3
ده‌رگاوانیش ده‌رگاكه‌ی لێی ده‌كاته‌وه‌، مه‌ڕه‌كانیش گوێ له‌ ده‌نگی ده‌گرن، به‌ ناو بانگی مه‌ڕه‌كانی خۆی ده‌كات و ده‌یانباته‌ ده‌ره‌وه‌.
4
كاتێك هه‌موو ئه‌وانه‌ی خۆی هێنایه‌ ده‌ره‌وه‌، له‌پێشیانه‌وه‌ ده‌ڕوات و مه‌ڕه‌كانیش دوای ده‌كه‌ون، چونكه‌ ده‌نگی ده‌ناسن.
5
هه‌رگیز دوای كه‌سی بێگانه‌ ناكه‌ون، به‌ڵكو لێی ڕاده‌كه‌ن، چونكه‌ ده‌نگی بێگانه‌ ناناسن.»
6
عیسا ئه‌م نموونه‌یه‌ی بۆ گێڕانه‌وه‌، به‌ڵام ئه‌وان تێنه‌گه‌یشتن باسی چییان بۆ ده‌كات.
7
له‌به‌ر ئه‌وه‌ دیسان عیسا فه‌رمووی: «ڕاستی ڕاستیتان پێ ده‌ڵێم، منم ده‌رگای مه‌ڕه‌كان.
8
هه‌موو ئه‌وانه‌ی پێش من هاتوون دز و جه‌رده‌ بوون[b] ، به‌ڵام مه‌ڕه‌كان گوێیان لێ نه‌گرتن.
9
منم ده‌رگاكه‌. ئه‌وه‌ی له‌ منه‌وه‌ بچێته‌ ژووره‌وه‌ ڕزگاری ده‌بێت، ئازادانه‌ دێته‌ ژووره‌وه‌ و ده‌چێته‌ ده‌ره‌وه‌ و له‌وه‌ڕگا ده‌دۆزێته‌وه‌.
10
دز نایه‌ت بۆ دزین و كوشتن و له‌ناوبردن نه‌بێت. به‌ڵام من هاتووم تاكو ئه‌وان ژیانیان هه‌بێت، ژیانێكی پڕ و ته‌واو.
11
«منم شوانه‌ دڵسۆزه‌كه‌. شوانی دڵسۆزیش ژیانی خۆی له‌ پێناوی مه‌ڕه‌كاندا داده‌نێت.
12
به‌كرێگیراویش شوانی مه‌ڕه‌كان نییه‌ و مه‌ڕه‌كانیش هی ئه‌و نین. كاتێك ده‌بینێت گورگ دێت، مه‌ڕه‌كان به‌جێده‌هێڵێت و ڕاده‌كات، گورگیش مه‌ڕه‌كان ده‌بات و په‌رته‌وازه‌یان ده‌كات.
13
كابرا هه‌ڵدێت چونكه‌ به‌ كرێ گیراوه‌ و خه‌می مه‌ڕه‌كانی نییه‌.
14
«منم شوانه‌ دڵسۆزه‌كه‌. مه‌ڕی خۆم ده‌ناسم و ئه‌وانیش من ده‌ناسن،
15
هه‌روه‌ك چۆن باوك ده‌مناسێت، منیش باوك ده‌ناسم. ژیانم بۆ مه‌ڕه‌كان داده‌نێم.
16
هه‌روه‌ها مه‌ڕی دیكه‌م هه‌یه‌ سه‌ر به‌م پشتیره‌یه‌ نین، ده‌بێ ئه‌وانیش بهێنم، ئه‌وانیش گوێیان له‌ ده‌نگم ده‌بێت، جا ده‌بنه‌ یه‌ك مێگه‌ل و یه‌ك شوان.
17
له‌به‌ر ئه‌وه‌ باوك منی خۆشده‌وێت، چونكه‌ ژیانی خۆم داده‌نێم تاكو وه‌ریبگرمه‌وه‌.
18
كه‌س له‌ منی ناستێنێ، به‌ڵكو خۆم دایده‌نێم. ده‌سه‌ڵاتم هه‌یه‌ دایبنێم و ده‌سه‌ڵاتم هه‌یه‌ بیبه‌مه‌وه‌. ئه‌م ڕاسپارده‌یه‌م له‌ باوكمه‌وه‌ وه‌رگرتووه‌.»
19
به‌هۆی ئه‌م قسانه‌وه‌ دیسان دووبه‌ره‌كی له‌نێو جوله‌كه‌كان په‌یدابوو.
20
زۆربه‌یان گوتیان: «ڕۆحی پیسی هه‌یه‌ و وڕێنه‌ ده‌كات. بۆچی گوێی لێ ده‌گرن؟»
21
هه‌ندێكی دیكه‌یان گوتیان: «ئه‌مه‌ قسه‌ی یه‌كێك نییه‌ ڕۆحی پیسی تێدابێت. ئایا ڕۆحی پیس ده‌توانێت چاوی نابینا چاك بكاته‌وه‌؟»
من و باوك یه‌كین 
22
زستان بوو و له‌ ئۆرشه‌لیم جه‌ژنی هه‌نوكه‌[c] بوو،
23
عیساش له‌ حه‌وشه‌كانی په‌رستگا له‌ ڕێڕه‌وه‌ سه‌ر داپۆشراوه‌كه‌ی سلێمان پیاسه‌ی ده‌كرد، كه‌ هه‌ردوو لای به‌ كۆڵه‌كه‌ گیرابوو.
24
جوله‌كه‌كان لێی كۆبوونه‌وه‌ و پێیان گوت: «هه‌تا كه‌ی له‌ گومان ده‌مانهێڵیته‌وه‌؟ ئه‌گه‌ر تۆ مه‌سیحه‌كه‌یت، به‌ ئاشكرا پێمان بڵێ.»
25
عیسا وه‌ڵامی دانه‌وه‌: «پێم گوتن به‌ڵام باوه‌ڕ ناكه‌ن. ئه‌و كارانه‌ی به‌ ناوی باوكمه‌وه‌ ده‌یكه‌م، شایه‌تیم بۆ ده‌ده‌ن.
26
به‌ڵام ئێوه‌ باوه‌ڕ ناكه‌ن، چونكه‌ له‌ مه‌ڕه‌كانم نین.
27
مه‌ڕه‌كانم گوێ له‌ ده‌نگم ده‌گرن، منیش ده‌یانناسم و ئه‌وانیش به‌دوام ده‌كه‌ون،
28
ژیانی هه‌تاهه‌تاییان ده‌ده‌مێ و هه‌رگیز له‌ناو ناچن، كه‌سیش له‌ ده‌ستم نایانڕفێنێت.
29
باوكم كه‌ به‌ منی داون له‌ هه‌مووان گه‌وره‌تره‌، كه‌سیش ناتوانێت له‌ ده‌ستی باوك بیانڕفێنێت.
30
من و باوك یه‌كین.»
31
دیسان ئه‌و جوله‌كانه‌ی به‌رهه‌ڵستی عیسایان ده‌كرد به‌ردیان هه‌ڵگرت تاكو به‌ردبارانی بكه‌ن.
32
به‌ڵام عیسا پێی فه‌رموون: «زۆر كاری چاكم له‌لایه‌ن باوكه‌وه‌ پیشاندان، به‌هۆی كامیانه‌وه‌ به‌ردبارانم ده‌كه‌ن؟»
33
جوله‌كه‌كان وه‌ڵامیان دایه‌وه‌: «له‌به‌ر كردارێكی چاك به‌ردبارانت ناكه‌ین، به‌ڵكو به‌هۆی كفركردنته‌وه‌، چونكه‌ تۆ مرۆڤیت و خۆت ده‌كه‌یت به‌ خودا.»
34
عیساش وه‌ڵامی دانه‌وه‌: ‏«ئایا له‌ ته‌وراته‌كه‌تان نه‌نووسراوه‌: {من پێم گوتن: ”ئێوه‌ خوداوه‌نده‌كانن“}[d] ؟
35
نووسراوه‌ پیرۆزه‌كه‌ هه‌میشه‌ ڕاستی ده‌فه‌رموێت. ئه‌گه‌ر خودا ئه‌وانه‌ به‌ ”خوداوه‌نده‌كان“ ناو بنێت كه‌ وشه‌ی خودایان بۆ هاتووه‌ته‌ خواره‌وه‌،
36
ئیتر چۆن ئێوه‌ به‌وه‌ ده‌ڵێن كه‌ باوك بۆ خۆی ته‌رخانی كردووه‌ و ناردوویه‌تی بۆ جیهان: ”تۆ كفر ده‌كه‌یت،“ چونكه‌ گوتم: ”من كوڕی خودام“؟
37
ئه‌گه‌ر كاره‌كانی باوكم نه‌كه‌م، باوه‌ڕم پێ مه‌كه‌ن.
38
به‌ڵام ئه‌گه‌ر ئه‌و كارانه‌ بكه‌م، هه‌رچه‌نده‌ باوه‌ڕیشم پێ ناكه‌ن، باوه‌ڕ به‌و كارانه‌ بكه‌ن، تاكو بزانن و تێبگه‌ن كه‌ باوك له‌ مندایه‌ و منیش له‌ باوكدام.»
39
دیسان ویستیان بیگرن، به‌ڵام له‌ ده‌ستیان ده‌ربازی بوو.
40
ئینجا عیسا چووه‌وه‌ ئه‌وبه‌ری ڕووباری ئوردون و له‌وێ مایه‌وه‌، له‌و شوێنه‌ی كه‌ یه‌حیا یه‌كه‌م جار خه‌ڵكی له‌ ئاو هه‌ڵده‌كێشا.
41
زۆر خه‌ڵك هاتنه‌ لای و ده‌یانگوت: «یه‌حیا هیچ په‌رجووێكی نه‌كرد، به‌ڵام هه‌رچی یه‌حیا ده‌رباره‌ی ئه‌م پیاوه‌ گوتی ڕاست بوو.»
42
له‌وێ خه‌ڵكێكی زۆر باوه‌ڕیان به‌ عیسا هێنا.
  1. a. 10‏:1 پشتیر: گه‌وه‌ڕ، شوێنێكی تایبه‌ته‌ به‌ كۆكردنه‌وه‌ی مه‌ڕ له‌ شه‌ودا.
  2. b. 10‏:8 مه‌به‌ستی ئه‌وانه‌یه‌ كه‌ پێش هاتنی مه‌سیح بۆ خۆیان بانگه‌شه‌یان كرد كه‌ مه‌سیحن، به‌ڵام درۆزن بوون. بڕوانه‌\+xt كردار 5‏:36‏،37‏\+xt*‏.
  3. c. 10‏:22 هه‌روه‌ها به‌ جه‌ژنی پیرۆزكردن یان نوێكردنه‌وه‌ی په‌رستگا له‌ قودس ناسراوه‌، له‌ ساڵی 165 پ. ز.
  4. d. 10‏:34 \+xt زه‌بووره‌كان 82‏:6‏\+xt*‏