عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
وشه‌ی خودا 
1
له‌ سه‌ره‌تادا، وشه‌كه‌[a] هه‌بوو، وشه‌كه‌ له‌لای خودا بوو، وشه‌كه‌ خۆی خودا بوو.
2
ئه‌و له‌ سه‌ره‌تاوه‌ له‌لای خودا بوو.
3
هه‌موو شتێك به‌و به‌دیهاتووه‌، بێ ئه‌و هیچ شتێك به‌دی نه‌هاتووه‌ له‌وانه‌ی كه‌ به‌دیهاتوون.
4
وشه‌كه‌ سه‌رچاوه‌ی ژیان بوو، ژیانه‌كه‌ش ڕووناكی مرۆڤ بوو،
5
ڕووناكییه‌كه‌ش له‌ تاریكیدا ده‌دره‌وشێته‌وه‌ و تاریكییه‌كه‌ به‌سه‌ریدا زاڵ نه‌بووه‌[b] .
6
مرۆڤێك هات كه‌ خودا ناردبووی، ناوی یه‌حیا بوو.
7
ئه‌و بۆ شایه‌تی هات، تاكو شایه‌تی بۆ ڕووناكییه‌كه‌ بدات، بۆ ئه‌وه‌ی هه‌مووان له‌ ڕێگه‌ی ئه‌وه‌وه‌ باوه‌ڕ بهێنن.
8
ئه‌و ڕووناكییه‌كه‌ نه‌بوو، به‌ڵكو هات تاكو شایه‌تی بۆ ڕووناكییه‌كه‌ بدات.
9
ئه‌و ڕووناكییه‌ ڕاسته‌قینه‌یه‌ی كه‌ به‌سه‌ر هه‌موو مرۆڤێكدا ده‌دره‌وشێته‌وه‌، ده‌هاته‌ جیهان.
10
ئه‌و له‌ جیهاندا بوو، جیهانیش به‌و به‌دیهات، كه‌چی جیهان نه‌یناسی.
11
ئه‌و بۆ لای گه‌له‌كه‌ی هات به‌ڵام ئه‌وان پێشوازییان لێ نه‌كرد.
12
له‌گه‌ڵ ئه‌وه‌شدا هه‌موو ئه‌وانه‌ی پێشوازییان لێكرد، ئه‌وانه‌ی باوه‌ڕیان به‌ ناوی هێنا، مافی پێدان ببنه‌ ڕۆڵه‌ی خودا،
13
ئه‌وانه‌ی نه‌ به‌ سروشت له‌دایك بوون، نه‌ به‌ خواستی مرۆڤ، نه‌ به‌ ویستی پیاویش، به‌ڵكو له‌ خوداوه‌ له‌دایك بوون[c] .
14
وشه‌كه‌ش بوو به‌ مرۆڤ و له‌نێوانماندا نیشته‌جێ بوو. شكۆی ئه‌ومان بینی، وه‌ك شكۆی تاقانه‌یه‌ك له‌ باوكه‌وه‌، پڕ له‌ نیعمه‌ت[d] و ڕاستی.
15
یه‌حیا شایه‌تی بۆ دا، هاواری كرد: «ئه‌مه‌ ئه‌وه‌یه‌ كه‌ گوتم: ئه‌وه‌ی دوای من دێت پێشم كه‌وت، چونكه‌ پێش من بووه‌.»
16
له‌ گه‌نجینه‌ی پڕیی ئه‌وه‌وه‌ هه‌موومان نیعمه‌ت له‌دوای نیعمه‌تمان وه‌رگرتووه‌،
17
چونكه‌ ته‌ورات له‌ ڕێگه‌ی موساوه‌ درا، به‌ڵام نیعمه‌ت و ڕاستی له‌ ڕێگه‌ی عیسای مه‌سیحه‌وه‌ هات.
18
هه‌رگیز كه‌س خودای نه‌بینیوه‌، به‌ڵام كوڕه‌ تاقانه‌ی خودا، ئه‌وه‌ی له‌ باوه‌شی باوكدایه‌، خودای ده‌رخست.
شایه‌تیدانی یه‌حیا 
19
ئه‌مه‌ش شایه‌تییه‌كه‌ی یه‌حیایه‌، كاتێك ڕابه‌رانی جوله‌كه‌ی ئۆرشه‌لیم كاهین[e] و لێڤییان[f] نارده‌ لای پرسیاری لێ بكه‌ن: «تۆ كێیت؟»
20
ئه‌و دانی پێدا نا و نكۆڵی نه‌كرد، به‌ڵكو گوتی: «من مه‌سیحه‌كه‌[g] نیم.»
21
ئینجا لێیان پرسی: «ئه‌ی كێیت؟ ئه‌لیاسی؟» گوتی: «نا، ئه‌و نیم.»
«ئه‌ی تۆ پێغه‌مبه‌ره‌كه‌ی[h] ؟» گوتی: «نه‌خێر.»
22
ئینجا پێیان گوت: «باشه‌ تۆ كێیت؟ تاكو وه‌ڵامێك بده‌ینه‌وه‌ ئه‌وانه‌ی كه‌ ئێمه‌یان ناردووه‌، ده‌رباره‌ی خۆت چی ده‌ڵێی؟»
23
یه‌حیا به‌ وشه‌كانی ئیشایای پێغه‌مبه‌ر وه‌ڵامی دانه‌وه‌ و گوتی:
«{من ئه‌و كه‌سه‌م كه‌ له‌ چۆڵه‌وانی هاوار ده‌كات:
”ڕێگا بۆ هاتنی یه‌زدان ئاماده‌ بكه‌ن.“[i]
24
نێردراوانیش له‌ فه‌ریسییه‌كان بوون،
25
پرسیاریان لێكرد: «ئه‌گه‌ر تۆ مه‌سیحه‌كه‌ نیت و ئه‌لیاس نیت و پێغه‌مبه‌ره‌كه‌ش نیت، ئیتر بۆچی خه‌ڵكی له‌ ئاو هه‌ڵده‌كێشیت[j] ؟»
26
یه‌حیاش وه‌ڵامی دانه‌وه‌: «من خه‌ڵكی له‌ ئاو هه‌ڵده‌كێشم، به‌ڵام یه‌كێك له‌نێوانتان ڕاوه‌ستاوه‌ كه‌ نایناسن،
27
ئه‌و له‌دوای من دێت، من شایانی ئه‌وه‌ نیم كه‌ قه‌یتانی پێڵاوه‌كانی بكه‌مه‌وه‌.»
28
ئه‌مانه‌ له‌ بێت‌عه‌نیا[k] ڕوویدا، له‌وبه‌ری ڕووباری ئوردونه‌وه‌، له‌و شوێنه‌ی یه‌حیا خه‌ڵكی له‌ ئاو هه‌ڵده‌كێشا.
به‌رخی قوربانی خودا 
29
بۆ به‌یانی یه‌حیا بینی عیسا دێته‌ لای، گوتی: «ئه‌وه‌تا به‌رخی خودا، ئه‌وه‌ی گوناهی جیهان لاده‌بات!
30
ئه‌مه‌ ئه‌وه‌یه‌ كه‌ باسم كرد، پیاوێك دوای من دێت پێشم كه‌وت، چونكه‌ پێش من بووه‌.
31
منیش نه‌مده‌ناسی، به‌ڵام تاكو ئه‌و بۆ ئیسرائیل ده‌ربكه‌وێت، له‌به‌ر ئه‌وه‌ هاتووم خه‌ڵكی له‌ ئاو هه‌ڵده‌كێشم.»
32
یه‌حیا شایه‌تی دا: «بینیم ڕۆحی پیرۆز وه‌ك كۆترێك له‌ ئاسمانه‌وه‌ ده‌هاته‌ خواره‌وه‌ و له‌سه‌ری نیشته‌وه‌.
33
من نه‌مده‌ناسی، به‌ڵام ئه‌وه‌ی منی ناردووه‌ خه‌ڵك له‌ئاوهه‌ڵكێشم، پێی گوتم: ”ئه‌وه‌ی ده‌یبینیت ڕۆحی پیرۆز دێته‌ خواره‌وه‌ و له‌سه‌ری ده‌نیشێته‌وه‌، ئه‌و له‌ ڕۆحی پیرۆزتان هه‌ڵده‌كێشێت[l] .“
34
خۆم بینیم و شایه‌تیم دا كه‌ ئه‌مه‌ كوڕی خودایه‌.»
قوتابییه‌ یه‌كه‌مینه‌كان 
35
بۆ به‌یانی دیسان یه‌حیا له‌گه‌ڵ دوو قوتابی خۆی ڕاوه‌ستا بوو،
36
عیسای بینی ده‌ڕۆیشت، گوتی: «ئه‌وه‌تا به‌رخی خودا!»
37
دوو قوتابییه‌كه‌ گوێیان لێی بوو كه‌ وای گوت، دوای عیسا كه‌وتن.
38
عیسا ئاوڕی دایه‌وه‌ و بینی به‌دوایدا دێن، لێی پرسین: «چیتان ده‌وێت؟» پێیان گوت: «ڕابی، له‌كوێ ده‌مێنیته‌وه‌؟» ڕابی واته‌ مامۆستا.
39
پێی فه‌رموون: «وه‌رن، ته‌ماشا بكه‌ن.» له‌به‌ر ئه‌وه‌ ئه‌وانیش ڕۆیشتن و بینییان له‌كوێ ده‌مایه‌وه‌، ئه‌و ڕۆژه‌ش له‌گه‌ڵی مانه‌وه‌، نزیكه‌ی كاتژمێر چواری[m] پاش نیوه‌ڕۆ بوو.
40
ئه‌ندراوسی برای شیمۆن په‌ترۆس، یه‌كێك بوو له‌و دووانه‌ی كه‌ گوێیان له‌ یه‌حیا بوو و دوای عیسا كه‌وتن.
41
یه‌كه‌م جار ئه‌ندراوس چوو شیمۆنی برای دۆزییه‌وه‌ و پێی گوت: «مه‌سیحمان[n] دۆزییه‌وه‌.» واته‌ ده‌ست‏نیشانكراو.
42
ئینجا شیمۆنی هێنایه‌ لای عیسا. عیساش ته‌ماشای كرد و فه‌رمووی: «تۆ شیمۆنی كوڕی یۆنای، به‌ڵام به‌ كێفاس[o] ناو ده‌بردرێیت.» كێفاس واته‌ په‌ترۆس.
43
بۆ به‌یانی عیسا ویستی بچێته‌ جه‌لیل، فیلیپۆسی دۆزییه‌وه‌، پێی فه‌رموو: «دوام بكه‌وه‌.»
44
فیلیپۆس خه‌ڵكی بێت‌سه‌یدا بوو، شاره‌كه‌ی ئه‌ندراوس و په‌ترۆس.
45
فیلیپۆسیش ناتانئیلی دۆزییه‌وه‌، پێی گوت: «ئه‌وه‌ی كه‌ موسا له‌ ته‌ورات و پێغه‌مبه‌رانیش له‌ په‌ڕتووكه‌كانیان له‌سه‌ریان نووسیوه‌ دۆزیمانه‌وه‌، عیسای كوڕی یوسفی خه‌ڵكی ناسیره‌یه‌.»
46
ناتانئیل پێی گوت: «ئایا له‌ ناسیره‌ شتی چاك هه‌ڵده‌كه‌وێ؟» فیلیپۆس پێی گوت: «وه‌ره‌ و ببینه‌.»
47
عیسا ناتانئیلی بینی بۆ لای دێت، ده‌رباره‌ی فه‌رمووی: «ئه‌وه‌تا ئیسرائیلی به‌ ڕاستی، فێڵی تێدا نییه‌!»
48
ناتانئیل پێی گوت: «چۆن ده‌مناسیت؟»
عیسا وه‌ڵامی دایه‌وه‌: «پێش ئه‌وه‌ی فیلیپۆس بانگت بكات، له‌ژێر دار هه‌نجیره‌كه‌ بوویت، تۆم بینی.»
49
ناتانئیل وه‌ڵامی دایه‌وه‌: «ڕابی، تۆ كوڕی خودایت! پاشای ئیسرائیلیت!»
50
عیسا وه‌ڵامی دایه‌وه‌: «باوه‌ڕت هێنا، چونكه‌ پێم گوتیت له‌ژێر دار هه‌نجیره‌كه‌ تۆم بینی؟ شتی گه‌وره‌تر ده‌بینیت!»
51
ئینجا پێی فه‌رموو: «ڕاستی ڕاستیتان پێ ده‌ڵێم، ده‌بینن ئاسمان كراوه‌ته‌وه‌ و فریشته‌ی خوداش له‌سه‌ر كوڕی مرۆڤ[p] سه‌رده‌كه‌ون و داده‌به‌زن.[q] »
  1. a. 1‏:1 وشه‌كه‌: له‌ زمانی یۆنانی پێی ده‌گوترێت \+tl لۆگۆس\+tl* كه‌ واتایه‌كی فراوانی هه‌یه‌، زۆرتر به‌ واتای دانایی خودا یان په‌یامی خودا دێت. بڕوانه‌ 1‏:14 و \+xt عیبرانییه‌كان 11‏:3 و زه‌بووره‌كان 33‏:6 و په‌یدابوون 1‏:5‏\+xt*‏.
  2. b. 1‏:5 وشه‌ یۆنانییه‌كه‌ دوو واتای هه‌یه‌: (1) زاڵبوون؛ (2) تێگه‌یشتن.
  3. c. 1‏:13 مه‌به‌ستی ئه‌وه‌یه‌ كه‌ ڕۆحی خودا كار ده‌كاته‌ سه‌ر گیانی مرۆڤ و ده‌یكاته‌ بوونه‌وه‌رێكی نوێ، واته‌ ده‌یكاته‌ ڕۆڵه‌ی خودا.
  4. d. 1‏:14 نیعمه‌ت: به‌خششه‌كانی خودا به‌بێ شایسته‌بوون، به‌ تایبه‌تی لێخۆشبوونی گوناه و ژیانی هه‌تاهه‌تایی.
  5. e. 1‏:19 كاهین: پیاوێكی ئایینی جوله‌كه‌یه‌ كه‌ هه‌ڵده‌ستێ به‌ ئه‌ركی قوربانی كردن له‌ناو په‌رستگا و فێركردنی خه‌ڵك.
  6. f. 1‏:19 تیره‌یه‌كی جوله‌كه‌ بوون، ئه‌ركی خزمه‌تكردنی په‌رستگایان له‌ ئه‌ستۆ بوو.
  7. g. 1‏:20 به‌ زمانی عیبری پێی ده‌گوترێ \+tl مه‌شیخ \+tl*یان \+tl مه‌شیح\+tl*. به‌ زمانی یۆنانی ده‌بێته‌ \+tl كریستۆس\+tl*، كه‌ به‌ واتای (ده‌ستنیشانكراو) له‌لای خودا دێت كه‌ ڕزگاركه‌ری گه‌له‌كه‌یه‌تی. بڕوانه‌ یه‌كه‌م ساموئێل 16.
  8. h. 1‏:21 پێغه‌مبه‌ره‌كه‌: ئه‌و پێغه‌مبه‌ره‌یه‌ كه‌ موسا باسی ده‌كات. واته‌ عیسا. بڕوانه‌ \+xt دواوتار 18‏:15 و یۆحه‌نا 1‏:45‏\+xt*‏.
  9. i. 1‏:23 \+xt ئیشایا 40‏:3.‏\+xt*‏
  10. j. 1‏:25 یۆنانی: \+tl باپتیزۆ\+tl*، به‌ واتای شوشتن دێت بۆ پاكبوونه‌وه‌ له‌ گوناه، وه‌ك (بسمیلكردن).
  11. k. 1‏:28 ئه‌م (بێت‌عه‌نیا)یه‌ له‌ ڕۆژهه‌ڵاتی ئوردون بوو، جیاوازه‌ له‌وه‌ی نزیكی ئۆرشه‌لیم.
  12. l. 1‏:33 به‌ واتای شوشتن دێت بۆ پاكبوونه‌وه‌ له‌ گوناه به‌هۆی ڕۆحی پیرۆز.
  13. m. 1‏:39 یۆنانی: كاتژمێری ده‌، به‌ كاتی یۆنانی.
  14. n. 1‏:41 یۆنانی: \+tl مه‌سیا\+tl*.
  15. o. 1‏:42 وشه‌یه‌كی ئارامییه‌ به‌ واتای به‌رد، له‌ یۆنانیش \+tl په‌ترۆس\+tl*.
  16. p. 1‏:51 كوڕی مرۆڤ: مه‌سیح به‌م نازناوه‌ خۆی ده‌ناسێنێت. بڕوانه‌\+xt دانیال 7‏:13‏-14.‏\+xt*‏
  17. q. 1‏:51 بڕوانه‌ \+xt په‌یدابوون 28‏:12‏\+xt*‏.