عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
په‌یامێك سه‌باره‌ت به‌ فه‌له‌ستییه‌كان 
1
ئه‌مه‌ فه‌رمایشتی یه‌زدانه‌ بۆ یه‌رمیای پێغه‌مبه‌ر سه‌باره‌ت به‌ فه‌له‌ستییه‌كان، به‌ر له‌وه‌ی فیرعه‌ون په‌لاماری غه‌زه‌ بدات:
2
یه‌زدان ئه‌وه‌ ده‌فه‌رموێت:
«ئه‌وه‌تا ئاو له‌ باكووره‌وه‌ هه‌ڵده‌ستێت و
ده‌بێته‌ لافاوێكی ڕاماڵ،
زه‌وی و هه‌رچی له‌سه‌ریه‌تی ڕایده‌ماڵێت،
شار و دانیشتووانه‌كه‌ی.
خه‌ڵكی هاوار ده‌كه‌ن،
هه‌موو دانیشتووانی خاكه‌كه‌ واوه‌یلا ده‌كه‌ن
3
له‌ ده‌نگی ته‌قه‌ی سمی ئه‌سپه‌ به‌ تواناكانی،
له‌ خڕه‌ی گالیسكه‌كانی و
جیڕه‌ی چه‌رخه‌كانی.
باوك ئاوڕ له‌ كوڕ ناداته‌وه‌
له‌به‌ر شلبوونی ده‌سته‌كانی.
4
له‌به‌ر ئه‌وه‌ی ئه‌و ڕۆژه‌ هاتووه‌
بۆ ته‌فروتوناكردنی فه‌له‌ستییه‌كان و
بۆ بڕینه‌وه‌ی هه‌موو پاشماوه‌یه‌ك
كه‌ بتوانن پشتگیری پاشایه‌تی سور و سه‌یدا بكه‌ن.
یه‌زدان خه‌ریكه‌ فه‌له‌ستییه‌كان ته‌فروتونا ده‌كات،
پاشماوه‌ی كه‌ناری كه‌فتۆر.
5
خه‌ڵكی غه‌زه‌ له‌به‌ر ماته‌م سه‌ریان ده‌تاشن،
ئه‌سقه‌لان كپ ده‌بێت.
ئه‌ی پاشماوه‌ی خه‌ڵكی دۆڵه‌كان،
هه‌تا كه‌ی له‌شی خۆتان بریندار ده‌كه‌ن؟
6
«”ئای ئه‌ی شمشێری یه‌زدان،
هه‌تا كه‌ی پشوو ناده‌یت؟
بڕۆ ناو كێلانه‌كه‌ته‌وه‌[a] و
هێدی به‌ و كپ به‌.“
7
به‌ڵام چۆن پشوو ده‌دات
كه‌ یه‌زدان فه‌رمانی پێكردبێت،
له‌ دژی ئه‌سقه‌لان و له‌ دژی كه‌ناری ده‌ریا،
له‌وێ ئه‌ركی پێ سپارد؟»
  1. a. 47‏:6 كالانه‌كه‌ته‌وه‌.