عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
فریشته‌ی یه‌زدان له‌ بۆخیم 
1
ئینجا فریشته‌ی یه‌زدان له‌ گلگاله‌وه‌ چوو بۆ بۆخیم و فه‌رمووی: «له‌ میسره‌وه‌ ده‌رمهێنان و ئێوه‌م هێنا بۆ ئه‌و خاكه‌ی سوێندم بۆ باوباپیرانتان خوارد و فه‌رمووم: ”هه‌رگیز په‌یمانی خۆم له‌گه‌ڵتان ناشكێنم.
2
ئێوه‌ش له‌گه‌ڵ خه‌ڵكی ئه‌م خاكه‌ په‌یمان مه‌به‌ستن و قوربانگاكانیان بڕووخێنن.“ به‌ڵام گوێڕایه‌ڵی فه‌رمانم نه‌بوون، ئایا بۆچی ئه‌مه‌تان كرد؟
3
له‌به‌ر ئه‌وه‌ ئێستا پێتان ده‌ڵێم: له‌به‌رده‌متان ده‌ریانناكه‌م، به‌ڵكو ده‌بن به‌ دڕك له‌ كه‌له‌كه‌تان و خوداوه‌نده‌كانیان ده‌بن به‌ ته‌ڵه‌ و داو بۆتان.»
4
كاتێك فریشته‌ی یه‌زدان ئه‌م قسانه‌ی به‌ هه‌موو نه‌وه‌ی ئیسرائیل فه‌رموو، گه‌ل به‌ ده‌نگی به‌رز گریان.
5
بۆیه‌ ئه‌و شوێنه‌یان ناونا بۆخیم[a] و له‌وێ قوربانییان بۆ یه‌زدان سه‌ربڕی.
یاخیبوون و به‌زین 
6
یه‌شوعیش گه‌له‌كه‌ی ڕه‌وانه‌ كرد، ئیتر نه‌وه‌ی ئیسرائیل هه‌ریه‌كه‌یان چووه‌ لای میراته‌كه‌ی خۆی بۆ ئه‌وه‌ی ده‌ست به‌سه‌ر زه‌وییه‌كه‌دا بگرێت.
7
گه‌لیش به‌ درێژایی سه‌رده‌می یه‌شوع یه‌زدانیان ده‌په‌رست، هه‌روه‌ها به‌ درێژایی سه‌رده‌می پیران كه‌ له‌دوای یه‌شوع ته‌مه‌نیان درێژه‌ی كێشا، ئه‌وانه‌ی كه‌ هه‌موو ئه‌و كارانه‌یان بینی كه‌ یه‌زدانی مه‌زن كردی بۆ ئیسرائیل.
8
یه‌شوعی كوڕی نونی به‌نده‌ی یه‌زدانیش له‌ ته‌مه‌نی سه‌د و ده‌ ساڵیدا مرد.
9
له‌ سنووری میراته‌كه‌ی له‌ تیمنه‌ت حه‌ره‌س[b] له‌ ناوچه‌ شاخاوییه‌كانی ئه‌فرایم له‌ باكووری كێوی گاعه‌ش ناشتیان.
10
هه‌موو ئه‌و نه‌وه‌یه‌ش چوونه‌ پاڵ باوكانیان، نه‌وه‌یه‌كی دیكه‌ له‌دوای ئه‌وان هاتن نه‌ یه‌زدانیان ده‌ناسی و نه‌ ئه‌و كارانه‌یان ده‌ناسی كه‌ بۆ ئیسرائیلی كردبوو.
11
ئیتر نه‌وه‌ی ئیسرائیل له‌به‌رچاوی یه‌زدان خراپه‌كارییان كرد و به‌عله‌كانیان په‌رست[c] .
12
وازیان له‌ یه‌زدانی په‌روه‌ردگاری باوباپیرانیان هێنا، ئه‌وه‌ی كه‌ له‌ خاكی میسر ده‌ریهێنان و دوای خودای دیكه‌ كه‌وتن له‌ خوداوه‌نده‌كانی گه‌لانی ده‌وروبه‌ریان و كڕنۆشیان بۆ بردن. یه‌زدانیان په‌ست كرد،
13
چونكه‌ وازیان لێ هێنا و به‌عل و عه‌شتۆره‌ته‌كانیان په‌رست.
14
تووڕه‌یی یه‌زدان له‌ نه‌وه‌ی ئیسرائیل هاته‌ جۆش، بۆیه‌ ئه‌وانی دایه‌ ده‌ست تاڵانكه‌ران تاڵانیان بكه‌ن و ڕاده‌ستی دوژمنه‌كانی ده‌وروبه‌ریانی كردن، ئیتر نه‌یانتوانی به‌رامبه‌ر به‌ دوژمنه‌كانیان بوه‌ستن.
15
بۆ هه‌ر جه‌نگێك ده‌چوون یه‌زدان دژایه‌تی ده‌كردن بۆ به‌زاندنیان، هه‌روه‌ك یه‌زدان فه‌رمووی و سوێندی بۆ خواردن.[d] ئیتر ئه‌مه‌ زۆر ته‌نگی پێ هه‌ڵچنین.
16
ئینجا یه‌زدان ڕابه‌ری بۆ هه‌ڵده‌ستاندنه‌وه‌ و له‌ ده‌ستی تاڵانكه‌رانیان ڕزگاریان ده‌كردن.
17
ته‌نانه‌ت گوێیان له‌ ڕابه‌ره‌كانیان نه‌گرت، به‌ڵكو له‌شفرۆشییان[e] كرد به‌وه‌ی دوای خودایانی دیكه‌ كه‌وتن و كڕنۆشیان بۆ بردن. به‌ خێرایی له‌و ڕێیه‌ی باوكانیان له‌سه‌ری ده‌ڕۆیشتن لایاندا و گوێڕایه‌ڵی فه‌رمانه‌كانی یه‌زدان نه‌بوون.
18
هه‌ر جارێك یه‌زدان ڕابه‌ری[f] بۆ هه‌ستاندبانایه‌وه‌، یه‌زدان له‌گه‌ڵ ڕابه‌ره‌كه‌ ده‌بوو، به‌ درێژایی ژیانی ڕابه‌ره‌كه‌ له‌ ده‌ستی دوژمنانیان ڕزگاری ده‌كردن، چونكه‌ دڵی یه‌زدان پێیان سووتا له‌به‌ر ناڵه‌یان به‌هۆی ئه‌وانه‌ی ته‌نگیان پێ هه‌ڵچنین و ده‌یانچه‌وساندنه‌وه‌.
19
به‌ڵام كاتێك ڕابه‌ره‌كه‌ ده‌مرد ده‌گه‌ڕانه‌وه‌ و له‌ باوكانیان زیاتر كاری قێزه‌ونیان ده‌كرد، به‌وه‌ی دوای خودای دیكه‌ ده‌كه‌وتن بۆ ئه‌وه‌ی بیانپه‌رستن و كڕنۆشیان بۆ ببه‌ن، وازیان له‌ نه‌ریته‌ خراپه‌كانیان و ڕه‌فتاره‌ كه‌لله‌ڕه‌قه‌كانیان نه‌ده‌هێنا.
20
له‌به‌ر ئه‌وه‌ تووڕه‌یی یه‌زدان به‌سه‌ر ئیسرائیلدا جۆشا و فه‌رمووی: «چونكه‌ ئه‌م گه‌له‌ له‌و په‌یمانه‌ی فه‌رمانم دا به‌ باوكانیان شكاندیان و گوێیان له‌ ده‌نگم نه‌گرت،
21
هه‌روه‌ها منیش ئیتر هیچ كه‌سێك له‌به‌رده‌میان ده‌رناكه‌م، له‌و نه‌ته‌وانه‌ی كه‌ یه‌شوع له‌ كاتی مردنیدا به‌جێی هێشتن.
22
بۆ ئه‌وه‌ی ئیسرائیلیان پێ تاقی بكه‌مه‌وه‌: ئایا وه‌ك باوكانیان ڕێچكه‌ی یه‌زدان ده‌گرنه‌به‌ر و په‌یڕه‌وی ده‌كه‌ن، یان نا.»
23
ئیتر یه‌زدان وازی له‌و نه‌ته‌وانه‌ هێنا و به‌ خێرایی ده‌رینه‌كردن و نه‌یخستنه‌ ژێر ده‌ستی یه‌شوعه‌وه‌.
  1. a. 2‏:5 بۆخیم واته‌ گرینۆك.
  2. b. 2‏:9 تیمنه‌ت حه‌ره‌س: كه‌ تیمنه‌ت سه‌ره‌ح. بڕوانه‌ \+xt یه‌شوع 19‏:50 و 24‏:30.‏\+xt*‏
  3. c. 2‏:11 \+xt بڕوانه‌ سه‌رژمێری 25‏:3‏-5.‏\+xt*‏
  4. d. 2‏:15 \+xt بڕوانه‌ لێڤییه‌كان 26‏:14‏-17.‏\+xt*‏
  5. e. 2‏:17 به‌ واتای له‌شفرۆشی جه‌سته‌یی و ڕۆحیش دێت. به‌و كه‌سه‌ ده‌گوترێت كه‌ لاف لێده‌دات به‌وه‌فایه‌ بۆ یه‌زدان، به‌ڵام له‌ هه‌مان كاتدا ستایش و قوربانی بۆ خودایه‌كی دیكه‌ ده‌كات. واته‌ له‌ بنه‌ڕه‌تدا كه‌سه‌كه‌ بێوه‌فایه‌ له‌گه‌ڵ یه‌زدان، هه‌روه‌ك چۆن پیاوێك بێوه‌فا بێت به‌رامبه‌ر به‌ ژنه‌كه‌ی.
  6. f. 2‏:18 ئه‌م ڕابه‌رانه‌ كاری جیاوازیان پێ سپێردراوه‌ و له‌ هه‌مان كاتدا دادوه‌رایه‌تییان بۆ گه‌لی ئیسرائیل كردووه‌. \+xt بڕوانه‌ عیبرانییه‌كان 11‏:32‏-33.‏\+xt*‏