عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
نیشانه‌ی ئیمانوێل 
1
له‌ سه‌رده‌می پاشایه‌تی ئاحازی كوڕی یۆتام كوڕی عوزیای پاشای یه‌هودا، ڕه‌چینی پاشای ئارام و په‌قه‌حی كوڕی ڕه‌مه‌لیاهوی پاشای ئیسرائیل هێرشیان كرده‌ سه‌ر ئۆرشه‌لیم، به‌ڵام نه‌یانتوانی ده‌ستی به‌سه‌ردا بگرن.
2
هه‌روه‌ها به‌ بنه‌ماڵه‌ی داود[a] ڕاگه‌یه‌نرا و گوترا: «ئارامییه‌كان له‌گه‌ڵ ئه‌فرایم په‌یمانیان به‌ستووه‌.» جا دڵی ئه‌و و دڵی گه‌له‌كه‌ی له‌رزین، وه‌ك له‌رزینی داری دارستان له‌ ڕووی بادا.
3
یه‌زدانیش به‌ ئیشایای فه‌رموو: «ئێستا بچۆ بۆ پێشوازی ئاحاز، خۆت و شئار یاشوبی كوڕت، له‌ كۆتایی ئاوباری گۆمه‌كه‌ی سه‌ره‌وه‌ له‌لای ڕێگای كێڵگه‌ی جلشۆره‌كه‌ و
4
پێی بڵێ: ”وریا و هێدی به‌، مه‌ترسه‌ و با دڵت وره‌ به‌ر نه‌دات له‌به‌ر گڕی تووڕه‌یی ڕه‌چین و ئارام و كوڕه‌كه‌ی ڕه‌مه‌لیاهو، وه‌ك دوو پارچه‌ داری سووتێنراو دووكه‌ڵ ده‌كه‌ن.
5
له‌به‌ر ئه‌وه‌ی ئارام له‌گه‌ڵ ئه‌فرایم و كوڕه‌كه‌ی ڕه‌مه‌لیاهو پیلانی خراپه‌یان له‌ دژی تۆ ناوه‌ته‌وه‌ و گوتیان،
6
’ده‌چینه‌ سه‌ر یه‌هودا و په‌لاماری ده‌ده‌ین، داگیری ده‌كه‌ین و له‌ناوه‌ندیدا كوڕه‌كه‌ی تاڤئێل به‌ پاشا داده‌نێین.‘
7
یه‌زدانی باڵاده‌ستیش ئه‌مه‌ ده‌فه‌رموێت:
«”سه‌رناگرێت و نابێت،
8
چونكه‌ سه‌ری ئارام دیمه‌شقه‌ و
سه‌ری دیمه‌شقیش ڕه‌چینه‌،
له‌ ماوه‌ی شه‌ست و پێنج ساڵدا
ئه‌فرایم ده‌شكێت و وه‌ك گه‌ل نامێنێت.
9
سه‌ری ئه‌فرایمیش سامیره‌یه‌ و
سه‌ری سامیره‌ش كوڕه‌كه‌ی ڕه‌مه‌لیاهوه‌.
ئه‌گه‌ر له‌ باوه‌ڕدا نه‌چه‌سپێن،
له‌ دڵنیاییدا نابن.“»
10
جارێكی دیكه‌ یه‌زدان به‌ ئاحازی فه‌رموو:
11
«بۆ خۆت داوای نیشانه‌یه‌ك له‌ یه‌زدانی په‌روه‌ردگارت بكه‌، جا چ له‌ قووڵترینی قووڵاییه‌كان بێت یان له‌ به‌رزترینی به‌رزاییه‌كان.»
12
ئاحازیش گوتی: «هیچ داوا ناكه‌م و یه‌زدان تاقی ناكه‌مه‌وه‌.»
13
ئینجا ئیشایا گوتی: «ئێستا ئه‌ی بنه‌ماڵه‌ی داود، گوێ بگرن! خه‌ڵكت بێزار كرد، ئه‌مه‌ به‌س نییه‌؟ ئێستاش ده‌ته‌وێ خوداكه‌م بێزار بكه‌یت؟
14
له‌به‌ر ئه‌وه‌ په‌روه‌ردگار خۆی نیشانه‌یه‌كتان ده‌داتێ، ئه‌وه‌تا پاكیزه‌یه‌ك سكی ده‌بێت و كوڕێكی ده‌بێت، ناوی لێ ده‌نێت ئیمانوێل[b] .
15
ده‌ڵه‌مه‌[c] و هه‌نگوین ده‌خوات، كاتێك ده‌زانێت خراپه‌ ڕه‌ت بكاته‌وه‌ و چاكه‌ هه‌ڵبژێرێت،
16
چونكه‌ پێش ئه‌وه‌ی كوڕه‌كه‌ بزانێت خراپه‌ ڕه‌ت بكاته‌وه‌ و چاكه‌ هه‌ڵبژێرێت، ئه‌و خاكه‌ی كه‌ تۆ له‌ دوو پاشاكه‌ی ده‌ترسیت ده‌بێته‌ چۆڵه‌وانی.
17
یه‌زدان سه‌رده‌مێك به‌سه‌ر خۆت و گه‌له‌كه‌ت و بنه‌ماڵه‌كه‌تدا ده‌هێنێت، له‌ ڕۆژی هه‌ڵگه‌ڕانه‌وه‌ی ئه‌فرایمه‌وه‌ له‌ یه‌هودا سه‌رده‌می وا نه‌هاتبێت. واته‌ پاشای ئاشور.»
یه‌زدان ئاشور به‌كارده‌هێنێت 
18
له‌و ڕۆژه‌، یه‌زدان فیكه‌ بۆ مێشه‌كان لێده‌دات، ئه‌وانه‌ی له‌وپه‌ڕی جۆگه‌ ئاوه‌كانی میسرن و هه‌روه‌ها بۆ ئه‌و هه‌نگانه‌ی كه‌ له‌ خاكی ئاشورن.
19
جا دێن و هه‌موو له‌ناو شیوه‌ هه‌ڵدێره‌كان و له‌ناو كون و كه‌له‌به‌ری گابه‌رده‌كان و له‌ناو هه‌موو دڕكوداڵه‌كان و له‌ناو هه‌موو له‌وه‌ڕگاكان ده‌نیشنه‌وه‌.
20
له‌و ڕۆژه‌دا په‌روه‌ردگار به‌ گوێزانێكی به‌كرێگیراو له‌وبه‌ری ڕووباری فوراته‌وه‌، كه‌ پاشای ئاشوره‌، سه‌ر و مووی به‌رتان ده‌تاشێت و ڕیشیش داده‌ماڵێت.
21
له‌و ڕۆژه‌دا، پیاو مانگایه‌ك و دوو مه‌ڕ به‌خێو ده‌كات،
22
جا ئه‌وه‌نده‌ شیر ده‌ده‌ن هه‌ر ده‌ڵه‌مه‌ ده‌خوات، چونكه‌ هه‌موو ئه‌وانه‌ی له‌ناو خاكه‌كه‌ ده‌مێننه‌وه‌ ده‌ڵه‌مه‌ و هه‌نگوین ده‌خۆن.
23
له‌و ڕۆژه‌دا، هه‌ر شوێنێك كه‌ لێی بوو هه‌زار ڕه‌ز به‌ هه‌زار شاقل[d] زیو، ده‌بێت به‌ دڕكوداڵ.
24
به‌ تیر و به‌ كه‌وانه‌وه‌ دێنه‌ ئه‌وێ، چونكه‌ هه‌موو زه‌وییه‌كه‌ ده‌بێت به‌ دڕكوداڵ.
25
هه‌موو ئه‌و چیایانه‌ی كه‌ به‌ قازمه‌ كون ده‌كران كه‌س نایه‌ته‌ ئه‌وێ له‌ ترسی دڕكوداڵ، به‌ڵكو گاگه‌لی تێدا به‌ڕه‌ڵا ده‌كرێت و مه‌ڕ پێپه‌ستی ده‌كات.
  1. a. 7‏:2 مه‌به‌ستی له‌ ئاحازی نه‌وه‌ی داوده‌.
  2. b. 7‏:14 بڕوانه‌ \+xt مه‌تا 1‏:21‏\+xt*‏. \+tl ئیمانوێل\+tl* واته‌ خودا له‌گه‌ڵمانه‌.
  3. c. 7‏:15 یان ده‌ره‌مه‌، قۆناغی پێش دروستبوونی په‌نیر.
  4. d. 7‏:23 نزیكه‌ی 11,5 كیلۆگرام.