عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
حه‌وت ژن یه‌ك پیاو ده‌گرن
له‌و ڕۆژه‌دا،
ده‌ڵێن: «نانی خۆمان ده‌خۆین و
به‌رگی خۆمان له‌به‌ر ده‌كه‌ین،
ته‌نها با به‌ ناوی تۆوه‌ بانگ بكرێین.
ڕیسواییه‌كه‌مان ڕاماڵه‌!»
لقی یه‌زدان 
2
له‌و ڕۆژه‌دا لقی یه‌زدان[a] ده‌بێته‌ جوانی و شكۆ، به‌روبوومی زه‌ویش ده‌بێته‌ شانازی و قه‌شه‌نگی بۆ ده‌ربازبووانی ئیسرائیل.
3
جا ئه‌وه‌ی له‌ سییۆن ماوه‌ته‌وه‌ و ئه‌وه‌ی له‌ ئۆرشه‌لیم به‌جێماوه‌، پێی ده‌گوترێت، پیرۆز، هه‌موو ئه‌وانه‌ی له‌ ئۆرشه‌لیم بۆ ژیان تۆماركراون.
4
كه‌ په‌روه‌ردگار پیسی كچانی سییۆن بشوات و خوێنه‌كانی ئۆرشه‌لیم له‌ناوه‌ڕاستی پاك بكاته‌وه‌، به‌ ڕۆحی حوكمدان و به‌ ڕۆحی سووتان.
5
ئینجا یه‌زدان له‌سه‌ر هه‌موو شوێنێكی كێوی سییۆن و له‌سه‌ر ئه‌وانه‌ی له‌وێ كۆده‌بوونه‌وه‌، به‌ ڕۆژ هه‌ور و به‌ شه‌و دووكه‌ڵ و پڕشنگی ئاگری بڵێسه‌دار به‌دی ده‌هێنێت، له‌سه‌ر هه‌موو شكۆیه‌ك كه‌پر ده‌بێت.
6
به‌ ڕۆژ له‌به‌ر گه‌رما ده‌بێت به‌ چادر بۆ سێبه‌ر و له‌ لافاو و بارانیش ده‌بێت به‌ داڵده‌ و په‌ناگا.
  1. a. 4‏:2 لقی یه‌زدان: نازناوه‌ بۆ مه‌سیح كه‌ له‌ نه‌وه‌ی داوده‌.