عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
سروشێك سه‌باره‌ت به‌ مۆئاب 
1
سروشێك سه‌باره‌ت به‌ مۆئاب:
عار له‌ مۆئاب وێران بوو،
له‌ یه‌ك شه‌ودا كاول بوو!
قییر له‌ مۆئاب وێران بوو،
له‌ یه‌ك شه‌ودا كاول بوو!
2
دیڤۆنیش بۆ په‌رستگاكه‌ی[a] سه‌ركه‌وت،
بۆ نزرگه‌كانی سه‌ر به‌رزاییه‌كان بۆ گریان،
مۆئاب به‌سه‌ر نه‌بۆ و مێده‌بادا شیوه‌ن ده‌كات.
هه‌موو سه‌رێك ڕووتاوه‌ته‌وه‌ و
هه‌موو ڕیشێك تاشراون.
3
له‌ شه‌قامه‌كانی جلوبه‌رگی گوش[b] ده‌پۆشن،
له‌ سه‌ربانه‌كانی و له‌ گۆڕه‌پانه‌كانی
هه‌موو شیوه‌ن ده‌كه‌ن
به‌خوڕ ده‌گریێن.
4
حه‌شبۆن و ئه‌لعالێ هاواریانه‌،
ده‌نگیان له‌ یه‌هه‌چ ده‌بیسترێت.
له‌به‌ر ئه‌وه‌ چه‌كداره‌كانی مۆئاب هاوار ده‌كه‌ن
گیانیان ده‌له‌رزێت.
5
دڵم بۆ مۆئاب ده‌ناڵێنێت،
هه‌ڵاتووه‌كانی به‌ره‌و زۆعه‌ر ڕاده‌كه‌ن،
هه‌تا عه‌گله‌ت شه‌لیشیا.
به‌ گریانه‌وه‌
له‌ هه‌ورازه‌كه‌ی لوحیت سه‌رده‌كه‌ون،
له‌ ڕێگای حۆرۆنایم
هاواری شكست به‌رز ده‌كه‌نه‌وه‌.
6
ئاوه‌كانی نیمریم وشك بوون،
گیایه‌كه‌ش سیس بوو،
له‌وه‌ڕگا نه‌ما و
سه‌وزایی نه‌ما.
7
له‌به‌ر ئه‌وه‌ ئه‌و سامانه‌ی به‌ده‌ستیان هێنا و شته‌ ئه‌مباركراوه‌كانیان
هه‌تا شیوی ئه‌سپیندار هه‌ڵده‌گرن.
8
هاوار سنووری مۆئابی گرته‌وه‌،
واوه‌یلای ده‌گاته‌ ئه‌گله‌یم،
واوه‌یلای له‌ بیری ئێلیمه‌.
9
ئاوه‌كانی دیمۆن پڕن له‌ خوێن،
به‌ڵام زیاتر به‌سه‌ر دیمۆندا ده‌هێنم،
شێر بۆ سه‌ر ده‌ربازبووه‌كانی مۆئاب و
بۆ پاشماوه‌ی خاكه‌كه‌ ده‌هێنم.
  1. a. 15‏:2 مه‌به‌ست له‌ په‌رستگای بتپه‌رستانه‌، نه‌ك په‌رستگاكه‌ی یه‌زدان.
  2. b. 15‏:3 له‌ كاتی ماته‌مگێڕان و تۆبه‌كردندا جلوبه‌رگی له‌ گوش دروستكراویان له‌به‌ركردووه‌ كه‌ ئه‌زیه‌تی پێستیانی داوه‌.