عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
چوونی یاقوب بۆ میسر 
1
ئیتر ئیسرائیل به‌ هه‌رچییه‌كه‌وه‌ كه‌ هه‌یبوو كۆچی كرد، هاته‌ بیری شابه‌ع و قوربانی بۆ خودای ئیسحاقی باوكی سه‌ربڕی.
2
خودا به‌ شه‌و له‌ بینینێكدا به‌ ئیسرائیلی فه‌رموو: «یاقوب! یاقوب!»
ئه‌ویش گوتی: «ئه‌وه‌تام.»
3
فه‌رمووی: «من خودام، خودای باوكتم. مه‌ترسه‌ له‌ چوونت بۆ میسر، چونكه‌ له‌وێ ده‌تكه‌مه‌ نه‌ته‌وه‌یه‌كی مه‌زن.
4
من له‌گه‌ڵ تۆ دێمه‌ میسر، بێگومان خۆشم ده‌تگه‌ڕێنمه‌وه‌. یوسفیش ده‌ستی خۆی ده‌نێته‌ سه‌ر چاوه‌كانت.»
5
ئیتر یاقوب له‌ بیری شابه‌ع هه‌ستا، كوڕه‌كانی ئیسرائیلیش یاقوبی باوكیان و منداڵه‌كانیان و ژنه‌كانیان هه‌ڵگرت و سواری ئه‌و عه‌ره‌بانانه‌یان كردن كه‌ فیرعه‌ون بۆ هه‌ڵگرتنی ئه‌و ناردبووی.
6
هه‌روه‌ها له‌گه‌ڵ خۆیان مه‌ڕوماڵاته‌كه‌یان و ئه‌و كه‌لوپه‌لانه‌ی له‌ خاكی كه‌نعان ده‌ستیان كه‌وتبوو هه‌ڵیانگرت و هاتنه‌ میسر، یاقوب و هه‌موو نه‌وه‌كانی له‌گه‌ڵی.
7
كوڕ و كوڕه‌زا و كچ و كچه‌زاكانی، هه‌موو نه‌وه‌كه‌ی له‌گه‌ڵ خۆی هێنایه‌ میسر.
8
ئه‌مانه‌ش ناوی كوڕه‌كانی ئیسرائیلن كه‌ هاتنه‌ میسر، یاقوب و نه‌وه‌كانی:
ڕه‌ئوبێن كوڕه‌ نۆبه‌ره‌ی یاقوب.
9
كوڕه‌كانی ڕه‌ئوبێن:
حه‌نۆك، په‌ڵو، حه‌سرۆن و كه‌رمی.
10
كوڕه‌كانی شیمۆن:
یه‌موئێل، یامین، ئۆهه‌د، یاكین و چۆحه‌ر، هه‌روه‌ها شائوول كه‌ له‌ ژنێكی كه‌نعانی بوو.
11
كوڕه‌كانی لێڤی:
گێرشۆن، قه‌هات و مه‌راری.
12
كوڕه‌كانی یه‌هودا:
ئێر، ئۆنان، شاله‌ح، پێرێز و زه‌ره‌ح، به‌ڵام ئێر و ئۆنان له‌ خاكی كه‌نعان مردن.
كوڕه‌كانی پێرێزیش ئه‌مانه‌ بوون:
حه‌سرۆن و حامول.
13
كوڕه‌كانی یه‌ساخار:
تۆلاع، پوڤه‌، یاشوڤ و شیمرۆن.
14
كوڕه‌كانی زه‌بولون:
سه‌ره‌د، ئێلۆن و یه‌حلئێل.
15
ئه‌مانه‌ كوڕه‌كانی لێئه‌ن كه‌ بۆ یاقوبی بوون له‌ په‌دان ئارام، له‌گه‌ڵ دینه‌ی كچیشی. هه‌موو كوڕ و كچه‌كانی سی و سێ كه‌س بوون.
16
كوڕه‌كانی گاد:
چیفۆن، حه‌گی، شونی، ئه‌چبۆن، عێری، ئه‌رۆدی و ئه‌رئێلی.
17
كوڕه‌كانی ئاشێر:
یمنه‌، یه‌شڤه‌، یه‌شڤی و به‌ریعه‌
له‌گه‌ڵ سه‌ره‌حی خوشكیان.
كوڕه‌كانی به‌ریعه‌:
حه‌ڤه‌ر و مه‌لكیێل.
18
ئه‌مانه‌ش كوڕه‌كانی زیلپه‌ بوون كه‌ لابان دابووی به‌ لێئه‌ی كچی. ئه‌ویش ئه‌مانه‌ی بۆ یاقوب خسته‌وه‌ كه‌ شازده‌ كه‌س بوون.
19
دوو كوڕه‌كه‌ی ڕاحێلی ژنی یاقوب:
یوسف و بنیامین.
20
له‌ خاكی میسریش، مه‌نه‌شه‌ و ئه‌فرایم بۆ یوسف له‌دایك بوون له‌ ئاسنه‌تی كچی پۆتی‌فه‌ره‌عی كاهینی ئۆن.
21
كوڕه‌كانی بنیامین:
به‌له‌ع، به‌كه‌ر، ئه‌شبێل، گێرا، نه‌عمان، ئێحی، ڕۆش، موپیم، حوپیم و ئه‌رد.
22
ئه‌مانه‌ كوڕه‌كانی ڕاحێلن كه‌ بۆ یاقوبی بوون. هه‌موویان چوارده‌ كه‌س بوون.
23
كوڕه‌كه‌ی دان:
حوشیم.
24
كوڕه‌كانی نه‌فتالی:
یه‌حزئێل، گۆنی، یێچه‌ر و شلێم.
25
ئه‌مانه‌ كوڕه‌كانی بیلهه‌ بوون كه‌ لابان دابووی به‌ ڕاحێلی كچی. ئه‌ویش ئه‌مانه‌ی بۆ یاقوب بوو. هه‌موویان حه‌وت كه‌س بوون.
26
هه‌موو ئه‌وانه‌ی له‌گه‌ڵ یاقوب هاتنه‌ میسر و له‌ پشتی ئه‌وه‌وه‌ ده‌رچووبوون، جگه‌ له‌ ژنانی كوڕه‌كانی، شه‌ست و شه‌ش كه‌س بوون.
27
به‌ هه‌ردوو كوڕه‌كه‌ی یوسفه‌وه‌ كه‌ له‌ میسر له‌دایك ببوون، سه‌رجه‌می كه‌سانی ماڵی یاقوب كه‌ هاتنه‌ میسر، حه‌فتا[a] كه‌س بوون.
28
یاقوب یه‌هودای له‌پێش خۆیه‌وه‌ نارد بۆ لای یوسف هه‌تا به‌ره‌و گۆشه‌ن ڕێنمایی بكات. ئینجا هاتنه‌ ناوچه‌ی گۆشه‌ن.
29
یوسف گالیسكه‌كه‌ی خۆی به‌سته‌وه‌ و به‌ره‌و گۆشه‌ن هه‌ڵكشا بۆ پێشوازیكردنی ئیسرائیلی باوكی. كه‌ بینی ده‌ستی له‌ ملی كرد و بۆ ماوه‌یه‌ك گریا.
30
ئیسرائیل به‌ یوسفی گوت: «ئێستا با بمرم، له‌دوای ئه‌وه‌ی ڕووی تۆم بینی و زانیم هێشتا زیندوویت.»
31
ئینجا یوسف به‌ براكانی و ماڵی باوكی گوت: «ده‌چم و به‌ فیرعه‌ون ڕاده‌گه‌یه‌نم، پێی ده‌ڵێم: ”براكانم و ماڵی باوكم كه‌ له‌ خاكی كه‌نعان بوون، هاتنه‌ لام.
32
پیاوه‌كانیش شوانی مه‌ڕن، چونكه‌ خاوه‌ن ماڵاتن، جا مه‌ڕ و مانگاكانیان و هه‌رچییان هه‌یه‌ هێناویانه‌.“
33
ئینجا ئه‌گه‌ر فیرعه‌ون بانگی كردن و گوتی: ”كارتان چییه‌؟“
34
ده‌ڵێن: ”خزمه‌تكارانت خاوه‌ن ماڵاتن، له‌ منداڵیمانه‌وه‌ هه‌تا ئێستا، خۆمان و باوباپیرانمان،“ بۆ ئه‌وه‌ی له‌ ناوچه‌ی گۆشه‌ن نیشته‌جێ ببن، چونكه‌ میسرییه‌كان قێزیان له‌ هه‌موو شوانێكی مه‌ڕ ده‌بێته‌وه‌.»
  1. a. 46‏:27 \+xt بڕوانه‌ ده‌رچوون 1‏:5.‏‏\+xt*‏