عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
وێرانكردنی سه‌دۆم و عه‌مۆرا 
1
هه‌ردوو فریشته‌كه‌ كاتی ئێواره‌ گه‌یشتنه‌ سه‌دۆم، ڵوتیش له‌ ده‌روازه‌كه‌ی سه‌دۆم دانیشتبوو. كاتێك ڵوت ئه‌وانی بینی، هه‌ستا بۆ پێشوازییان و كڕنۆشی برد و سه‌ری خسته‌ سه‌ر زه‌وی.
2
ئینجا گوتی: «گه‌وره‌كانم، تكایه‌ لابده‌نه‌ ماڵی خزمه‌تكاری خۆتان. شه‌و به‌سه‌ربه‌رن و پێتان بشۆن، سه‌ر له‌ به‌یانیش به‌ ڕێی خۆتاندا بڕۆن.»
فه‌رموویان: «نا، به‌ڵكو له‌ گۆڕه‌پانه‌كه‌ شه‌و ده‌به‌ینه‌سه‌ر.»
3
به‌ڵام ئه‌م زۆری لێكردن. ئیتر لایاندایه‌ لای و چوونه‌ ماڵه‌كه‌ی. ئه‌ویش خوان و نانی فه‌تیره‌ی بۆ ئاماده‌ كردن و خواردیان.
4
پێش ئه‌وه‌ی ڕاكشێن، هه‌موو پیاوانی شاری سه‌دۆم له‌ هه‌موو لایه‌كه‌وه‌، له‌ گه‌نجیانه‌وه‌ هه‌تا پیرییان، ده‌وره‌ی ماڵه‌كه‌یان دا.
5
ئینجا ڵوتیان بانگكرد و لێیان پرسی: «كوا ئه‌و دوو پیاوه‌ی ئه‌مشه‌و هاتنه‌ لات؟ بیانهێنه‌ ده‌ره‌وه‌ بۆمان هه‌تا لاقه‌یان بكه‌ین.»
6
ڵوت هاته‌ ده‌ره‌وه‌ بۆ لایان و ده‌رگاكه‌ی له‌ پشت خۆیه‌وه‌ داخست.
7
گوتی: «نا، براكانم. خراپه‌ی وا مه‌كه‌ن.
8
من دوو كچم هه‌یه‌ كه‌ ده‌ستی پیاویان به‌رنه‌كه‌وتووه‌. بۆتان ده‌هێنمه‌ ده‌ره‌وه‌، ئه‌وه‌ی پێتان باشه‌ پێیانی بكه‌ن. به‌ڵام هیچ له‌م دوو پیاوه‌ مه‌كه‌ن، چونكه‌ ئه‌وان هاتوونه‌ته‌ ماڵی من.»
9
ئه‌وانیش گوتیان: «وه‌ره‌ ئه‌م لاوه‌!» ئینجا گوتیان: «ئه‌مه‌ هاتووه‌ بۆ ئه‌وه‌ی په‌ناهه‌نده‌ بێت له‌نێوانمان و ده‌یه‌وێت ببێته‌ دادوه‌ر له‌سه‌رمان. ئێستاش له‌وان خراپترت به‌سه‌رده‌هێنین.» ئیتر زۆریان له‌ ڵوت كرد و هاتنه‌ پێشه‌وه‌ هه‌تا ده‌رگاكه‌ بشكێنن.
10
به‌ڵام دوو پیاوه‌كه‌ ده‌ستیان درێژكرد و ڵوتیان ڕاكێشایه‌ لای خۆیان بۆ ناو ماڵه‌كه‌ و ده‌رگاكه‌شیان داخست.
11
ئه‌و پیاوانه‌ش كه‌ له‌ به‌رده‌رگای ماڵه‌كه‌دا بوون، كوێرییان كردن، له‌ بچووكیانه‌وه‌ هه‌تا گه‌وره‌یان، ئیتر په‌كی ئه‌وه‌یان كه‌وت كه‌ ده‌رگاكه‌ بدۆزنه‌وه‌.
12
ئینجا دوو پیاوه‌كه‌ به‌ ڵوتیان فه‌رموو: «كێی دیكه‌ت لێره‌ هه‌یه‌، زاواكانت و كوڕه‌كانت و كچه‌كانت و هه‌ركه‌سانێكی دیكه‌ش كه‌ له‌ شاره‌كه‌دا هه‌تن؟ هه‌موویان لێره‌ ببه‌ ده‌ره‌وه‌،
13
چونكه‌ ئێمه‌ ئه‌م شوێنه‌ وێران ده‌كه‌ین. له‌به‌ر ئه‌وه‌ی له‌به‌رده‌م یه‌زدان هاواریان له‌ دژی خه‌ڵكه‌كه‌ی مه‌زن بووه‌، یه‌زدانیش ئێمه‌ی ناردووه‌ هه‌تا وێرانی بكه‌ین.»
14
ئیتر ڵوت چووه‌ ده‌ره‌وه‌ و قسه‌ی له‌گه‌ڵ زاواكانی كرد كه‌ كچه‌كانی ئه‌میان خواستبوو. گوتی: «هه‌ستن و له‌م شوێنه‌ بڕۆنه‌ ده‌ره‌وه‌، چونكه‌ هێنده‌ی نه‌ماوه‌ یه‌زدان شاره‌كه‌ وێران بكات.» به‌ڵام وه‌ك گاڵته‌چی هاته‌ به‌رچاوی زاواكانی.
15
له‌ به‌ره‌به‌یان، هه‌ردوو فریشته‌كه‌ په‌له‌یان له‌ ڵوت كرد و پێیان فه‌رموو: «خێراكه‌! ژنه‌كه‌ت و هه‌ردوو كچه‌كه‌ت كه‌ لێره‌ن بیانبه‌، نه‌وه‌ك تۆش به‌ گوناهی شاره‌كه‌ له‌ناوبچیت.»
16
به‌ڵام ئه‌و خه‌م ساردی لێكرد، جا هه‌ردوو پیاوه‌كه‌ له‌به‌ر به‌زه‌یی یه‌زدان له‌سه‌ریان، ده‌ستی خۆی و ژنه‌كه‌ی و هه‌ردوو كچه‌كه‌ی ئه‌ویان گرت و له‌ ده‌ره‌وه‌ی شاره‌كه‌ دایاننان.
17
جا كه‌ هێنایاننه‌ ده‌ره‌وه‌، یه‌كێكیان فه‌رمووی: «فریای خۆت بكه‌وه‌! ئاوڕ له‌ دواوه‌ت مه‌ده‌وه‌ و له‌م ده‌وروبه‌ره‌ ڕانه‌وه‌ستیت. ڕابكه‌ بۆ چیاكه‌ بۆ ئه‌وه‌ی له‌ناونه‌چیت!»
18
به‌ڵام ڵوت پێی گوتن: «نا، گه‌وره‌م!
19
خزمه‌تكاره‌كه‌ت وا ڕه‌زامه‌ندی له‌ چاوه‌كانت به‌دی كردووه‌، خۆشه‌ویستییه‌كه‌ت گه‌وره‌یه‌ كه‌ به‌رامبه‌رم كردووته‌، به‌ هێشتنه‌وه‌ی گیانم به‌ زیندووێتی. به‌ڵام من ناتوانم ڕابكه‌م بۆ چیاكه‌. نه‌وه‌ك ئه‌م به‌ڵایه‌ پێم بگات و بمرم.
20
ته‌ماشا ئه‌و شارۆچكه‌ نزیكه‌ بكه‌، بچووكه‌، با بۆ ئه‌وێ هه‌ڵبێم. مه‌گه‌ر بچووك نییه‌؟ ئیتر گیانم به‌ زیندووێتی ده‌مێنێته‌وه‌.»
21
ئه‌ویش پێی فه‌رموو: «باشه‌، له‌م شته‌ش نائومێدت ناكه‌م، ئه‌و شارۆچكه‌یه‌ی باست كرد سه‌ره‌وژێری ناكه‌م.
22
به‌ڵام به‌ په‌له‌ به‌ره‌و ئه‌وێ ڕابكه‌، چونكه‌ هه‌تا تۆ نه‌گه‌یته‌ ئه‌وێ، من ناتوانم هیچ شتێك بكه‌م.» له‌به‌ر ئه‌وه‌شه‌ كه‌ شارۆچكه‌كه‌ ناونرا به‌ زۆعه‌ر[a] .
23
كاتێك خۆر به‌سه‌ر زه‌ویدا هه‌ڵهات، ڵوت گه‌یشته‌ ناو زۆعه‌ر.
24
ئینجا یه‌زدان گۆگرد و ئاگری به‌سه‌ر سه‌دۆم و عه‌مۆرادا باراند، له‌لایه‌ن یه‌زدانه‌وه‌، له‌ ئاسمانه‌وه‌.
25
هه‌موو ئه‌و شارانه‌، ده‌وروبه‌ره‌كه‌یان و هه‌موو دانیشتووانی شارۆچكه‌كان و ڕووه‌كی زه‌وییه‌كه‌شی له‌گه‌ڵدا سه‌ره‌وژێر كرد.
26
به‌ڵام ژنی ڵوت سه‌یری دواوه‌ی كرد، جا بووه‌ ستوونێكی خوێ.
27
بۆ سبه‌ی ئیبراهیم به‌یانی زوو له‌ خه‌و هه‌ستا و گه‌ڕایه‌وه‌ بۆ ئه‌و شوێنه‌ی تێیدا له‌به‌رده‌م یه‌زدان داكۆكی كردبوو.
28
ڕوانییه‌ سه‌دۆم و عه‌مۆرا و هه‌موو زه‌وی ده‌وروبه‌ره‌كه‌، سه‌یری كرد وا دووكه‌ڵی زه‌وییه‌كه‌ وه‌ك دووكه‌ڵی كووره‌ به‌رز ده‌بێته‌وه‌.
29
ئینجا كه‌ خودا شارۆچكه‌كانی ده‌وروبه‌ره‌كه‌ی وێران كرد، خودا ئیبراهیمی هاته‌وه‌ یاد[b] و ڵوتی له‌ناو ئه‌و سه‌ره‌وژێركردنه‌ هێنایه‌ ده‌ره‌وه‌، كاتێك ئه‌و شارانه‌ی سه‌ره‌وژێر كرد كه‌ ڵوت تێیدا دانیشتبوو.
ڵوت و كچه‌كانی 
30
ئینجا ڵوت و هه‌ردوو كچه‌كه‌ی زۆعه‌ریان به‌جێهێشت و له‌ چیا نیشته‌جێ بوون، چونكه‌ ترسا له‌ زۆعه‌ر دانیشێت. خۆی و هه‌ردوو كچه‌كه‌ی له‌ ئه‌شكه‌وت نیشته‌جێ بوون.
31
كچه‌ گه‌وره‌كه‌ به‌ بچووكه‌كه‌ی گوت: «باوكمان پیر بووه‌، هیچ پیاوێكیش له‌م ناوه‌دا نییه‌ كه‌ به‌لاماندا بێت، وه‌ك چۆن دابونه‌ریتی هه‌موو زه‌وییه‌.
32
وه‌ره‌ با شه‌راب ده‌رخواردی باوكمان بده‌ین و له‌گه‌ڵی ڕاكشێین، له‌ باوكمانه‌وه‌ وه‌چه‌ بخه‌ینه‌وه‌.»
33
ئه‌و شه‌وه‌ شه‌رابیان ده‌رخواردی باوكیان دا، ئینجا كچه‌ گه‌وره‌كه‌ چووه‌ ژووره‌وه‌ و له‌گه‌ڵ باوكی ڕاكشا. ئه‌ویش نه‌ به‌ ڕاكشانه‌كه‌ی زانی و نه‌ به‌ هه‌ستانه‌وه‌كه‌ی.
34
بۆ ڕۆژی دوایی كچه‌ گه‌وره‌كه‌ به‌ بچووكه‌كه‌ی گوت: «دوێنێ شه‌و له‌گه‌ڵ باوكم ڕاكشام. ئه‌مشه‌ویش شه‌رابی ده‌رخوارد ده‌ده‌ین، ئینجا تۆ بڕۆ ژووره‌وه‌ و له‌گه‌ڵی ڕاكشێ. جا له‌ باوكی خۆمانه‌وه‌ وه‌چه‌ ده‌خه‌ینه‌وه‌.»
35
ئه‌و شه‌وه‌ش شه‌رابیان ده‌رخواردی باوكیان دا، ئینجا كچه‌ بچووكه‌كه‌ هه‌ستا و له‌گه‌ڵی ڕاكشا. ئه‌ویش نه‌ به‌ ڕاكشانه‌كه‌ی زانی و نه‌ به‌ هه‌ستانه‌وه‌كه‌ی.
36
ئیتر هه‌ردوو كچه‌كه‌ی ڵوت سكیان له‌ باوكیان پڕ بوو.
37
گه‌وره‌كه‌یان كوڕێكی بوو ناوی لێنا مۆئاب. ئه‌و باوكی هه‌موو مۆئابییه‌كانه‌ هه‌تا ئه‌مڕۆ.
38
هه‌روه‌ها بچووكه‌كه‌شیان كوڕێكی بوو ناوی لێنا به‌ن‌عه‌می. ئه‌ویش باوكی نه‌وه‌ی عه‌مۆنه‌ هه‌تا ئه‌مڕۆ.
  1. a. 19‏:22 زۆعه‌ر واته‌ بچووك.
  2. b. 19‏:29 \+xt بڕوانه‌ 8‏:1‏\+xt*.