عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
سێ میوان 
1
ئینجا یه‌زدان له‌لای دار به‌ڕووه‌كانی مه‌مرێ بۆ ئیبراهیم ده‌ركه‌وت، له‌و كاته‌دا كه‌ له‌ گه‌رمای ڕۆژدا له‌ ده‌ركی چادره‌كه‌یدا دانیشتبوو.
2
سه‌ری هه‌ڵبڕی و بینی وا سێ پیاو له‌ نزیكی وه‌ستاون. كاتێك ئه‌وانی بینی، له‌ ده‌رگای چادره‌كه‌یه‌وه‌ به‌ره‌و ڕوویان ڕایكرد كڕنۆشی برد و سه‌ری خسته‌ سه‌ر زه‌وی.
3
ئینجا گوتی: «گه‌وره‌م، ئه‌گه‌ر جێی ڕه‌زامه‌ندیتم، به‌سه‌ر خزمه‌تكاره‌كه‌تدا تێمه‌په‌ڕه‌.
4
با تۆزێك ئاو بهێنرێت و پێتان بشۆن، له‌ژێر داره‌كه‌ پاڵ بده‌نه‌وه‌.
5
پارووه‌ نانێكیشتان بۆ دێنم هه‌تا به‌ری دڵتانی پێ بگرن و پاشان تێبپه‌ڕن، چونكه‌ ئێوه‌ بۆ لای خزمه‌تكاره‌كه‌تان هاتوون.»
ئه‌وانیش فه‌رموویان: «ئه‌وه‌ی گوتت بیكه‌.»
6
ئیتر ئیبراهیم به‌ په‌له‌ به‌ره‌و چادره‌كه‌ چوو بۆ لای سارا و گوتی: «خێرا سێ پێوانه‌[a] له‌ باشترین ئارد بهێنه‌ و بیشێله‌ و بیكه‌ به‌ نان.»
7
هه‌روه‌ها ئیبراهیم بۆ لای مێگه‌له‌كه‌ ڕایكرد و گوێره‌كه‌یه‌كی ناسك و چاكی هێنا و دایه‌ ده‌ست كوڕێكه‌وه‌، ئه‌ویش خێرا كه‌وته‌ ئاماده‌كردنی.
8
ئینجا ده‌ڵه‌مه‌[b] و شیر و ئه‌و گوێره‌كه‌یه‌ی ئاماده‌كرابوو، هێنای و له‌به‌رده‌میان داینا. خۆشی له‌ژێر داره‌كه‌ له‌سه‌ریان ڕاوه‌ستا، كاتێك ئه‌وان نانه‌كه‌یان ده‌خوارد.
9
پاشان پێیان فه‌رموو: «كوا سارای ژنت؟»
ئه‌ویش گوتی: «ئه‌وه‌تا، له‌ناو چادره‌كه‌یه‌.»
10
ئینجا یه‌زدان فه‌رمووی: «بێگومان ساڵێكی دیكه‌ ئه‌م كاتانه‌ دێمه‌وه‌ لات و سارای ژنیشت كوڕێكی بووه‌.»
ساراش له‌ ده‌رگای چادره‌كه‌ی خۆیه‌وه‌ كه‌ له‌ پشتی ئه‌مه‌وه‌ بوو، گوێی گرتبوو.
11
ئیبراهیم و سارا دوو پیری به‌ساڵدا چووبوون. ساراش ته‌مه‌نی منداڵبوونی به‌سه‌رچووبوو.
12
سارا له‌ دڵی خۆیدا پێكه‌نی و گوتی: «ئایا له‌دوای ئه‌وه‌ی له‌ كه‌ڵك كه‌وتووم و مێرده‌كه‌م پیر بووه‌، خۆشیم بۆ ده‌بێت؟»
13
ئینجا یه‌زدان به‌ ئیبراهیمی فه‌رموو: «بۆچی سارا پێكه‌نی و گوتی: ”وا من پیر بووم، ئایا به‌ڕاستی منداڵم ده‌بێت“؟
14
هیچ شتێك هه‌یه‌ بۆ یه‌زدان ئه‌سته‌م بێت؟ ساڵی داهاتوو له‌ كاتی دیاریكراو دێمه‌وه‌ لات و ساراش كوڕێكی بووه‌.»
15
سارا درۆی كرد و گوتی: «پێنه‌كه‌نیم،» چونكه‌ ترسا. به‌ڵام ئه‌و فه‌رمووی: «به‌ڵێ، پێكه‌نیت.»
پاڕانه‌وه‌ی ئیبراهیم بۆ سه‌دۆم 
16
ئینجا پیاوه‌كان له‌وێ هه‌ستان و ڕوویان له‌ سه‌دۆم كرد، ئیبراهیمیش له‌گه‌ڵیان ڕۆیشت، تاكو به‌ڕێیان بكات.
17
یه‌زدانیش فه‌رمووی: «ئایا ئه‌وه‌ی كه‌ به‌ته‌مام ئه‌نجامی بده‌م له‌ ئیبراهیمی بشارمه‌وه‌؟
18
له‌ كاتێكدا ئیبراهیم بێگومان ده‌بێته‌ نه‌ته‌وه‌یه‌كی مه‌زن و به‌هێز، هه‌موو نه‌ته‌وه‌كانی سه‌ر زه‌ویش له‌ ڕێگه‌ی ئه‌وه‌وه‌ به‌ره‌كه‌تدار ده‌بن.
19
له‌به‌ر ئه‌وه‌ی هه‌ڵمبژاردووه‌ بۆ ئه‌وه‌ی منداڵه‌كانی و ماڵه‌كه‌ی له‌دوای خۆی ڕابسپێرێت ڕێچكه‌ی یه‌زدان بگرێته‌به‌ر، بۆ ئه‌وه‌ی ڕاستودروستی و دادپه‌روه‌ری بكه‌ن، تاكو یه‌زدان ئه‌و به‌ڵێنه‌ بهێنێته‌ دی كه‌ به‌ ئیبراهیمی دابوو.»
20
ئینجا یه‌زدان فه‌رمووی: «هاواری له‌ دژی سه‌دۆم و عه‌مۆرا زۆر بووه‌ و گوناهیان زۆر گه‌وره‌ بووه‌.
21
ئه‌وا دێمه‌ خواره‌وه‌ بۆ ئه‌وه‌ی ببینم ئاخۆ وه‌ك هاواره‌كه‌ی كه‌ هاتووه‌ته‌ لای من، به‌ ته‌واوی به‌م جۆره‌یان كردووه‌. ئه‌گه‌ر نا، ئه‌وا ده‌زانم.»
22
ئینجا پیاوه‌كان ڕوویان كرده‌ سه‌دۆم و ڕۆیشتن، به‌ڵام ئیبراهیم هێشتا له‌به‌رده‌م یه‌زدان وه‌ستابوو.
23
ئیبراهیم چووه‌ پێشه‌وه‌ و گوتی: «ئایا له‌گه‌ڵ خراپه‌كاردا ڕاستودروستیش له‌ناوده‌به‌یت؟
24
ئه‌ی ئه‌گه‌ر شاره‌كه‌ په‌نجا كه‌سی ڕاستودروستی تێدابێت، ئایا هه‌ر له‌ناوی ده‌به‌یت و نایبه‌خشیت، له‌ پێناوی ئه‌و په‌نجا ڕاستودروسته‌ی تێیدایه‌؟
25
حاشا، شتی وا له‌ تۆ ناوه‌شێته‌وه‌! ڕاستودروستیش له‌گه‌ڵ خراپه‌كاردا بكوژیت. جا ڕاستودروست و خراپه‌كار وه‌ك یه‌كیان لێبێت. دوور بێت له‌ تۆ! ئایا دادوه‌ری هه‌موو زه‌وی دادپه‌روه‌ری ناكات؟»
26
یه‌زدانیش فه‌رمووی: «ئه‌گه‌ر له‌ سه‌دۆم په‌نجا كه‌سی ڕاستودروست له‌ شاره‌كه‌دا ببینمه‌وه‌، ئه‌وا له‌ پێناوی ئه‌وان هه‌موو شاره‌كه‌ ده‌به‌خشم.»
27
ئیبراهیم وه‌ڵامی دایه‌وه‌: «ئێستا من وێرام له‌گه‌ڵ په‌روه‌ردگار قسه‌ بكه‌م، منێك كه‌ خۆڵ و خۆڵه‌مێشم.
28
ئه‌ی ئه‌گه‌ر له‌و په‌نجا كه‌سه‌ ڕاستودروسته‌ پێنجی كه‌م بوو؟ ئایا بۆ پێنج كه‌س هه‌موو شاره‌كه‌ وێران ده‌كه‌یت؟»
فه‌رمووی: «وێرانی ناكه‌م، ئه‌گه‌ر چل و پێنج له‌وێ ببینمه‌وه‌.»
29
دیسان كه‌وته‌وه‌ قسه‌ له‌گه‌ڵی و گوتی: «ئه‌ی ئه‌گه‌ر له‌وێ چلی لێبوو؟» فه‌رمووی: «له‌به‌ر خاتری ئه‌و چله‌، نایكه‌م.»
30
ئینجا گوتی: «با په‌روه‌ردگار تووڕه‌ نه‌بێت و قسه‌ بكه‌م، ئه‌ی ئه‌گه‌ر هه‌ر سی لێبوو؟»
فه‌رمووی: «نایكه‌م، ئه‌گه‌ر له‌وێ سی ببینمه‌وه‌.»
31
ئیبراهیم گوتی: «ئیتر وا وێرام قسه‌ له‌گه‌ڵ په‌روه‌ردگار بكه‌م، ئه‌ی ئه‌گه‌ر بیستی لێبوو؟»
فه‌رمووی: «له‌به‌ر ئه‌و بیسته‌ وێرانی ناكه‌م.»
32
ئینجا گوتی: «با په‌روه‌ردگار تووڕه‌ نه‌بێت و هه‌ر ئه‌م جاره‌ قسه‌ بكه‌م. ئه‌ی ئه‌گه‌ر ده‌ی لێبوو؟»
فه‌رمووی: «له‌به‌ر ئه‌و ده‌یه‌ وێرانی ناكه‌م.»
33
ئینجا دوای ئه‌وه‌ی یه‌زدان له‌گه‌ڵ ئیبراهیم له‌ قسه‌كردن بووه‌وه‌، ڕۆیشت، ئیبراهیمیش گه‌ڕایه‌وه‌ شوێنی خۆی.
  1. a. 18‏:6 سێ پێوانه‌: عیبری: سێ \+tl سه‌ئا\+tl*، نزیكه‌ی 16 كگم.
  2. b. 18‏:8 یان ده‌ره‌مه‌، قۆناغی پێش دروستبوونی په‌نیر.