عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
«ئێستاش ئه‌ی كوڕی مرۆڤ، شمشێرێكی تیژ وه‌ك گوێزانی سه‌رتاش بۆ خۆت ببه‌ و به‌سه‌ر سه‌ر و ڕیشتدا بیهێنه‌. ته‌رازووێك بۆ كێشان بۆ خۆت ببه‌ مووه‌كه‌ به‌ش بكه‌.
2
كه‌ ڕۆژانی گه‌مارۆكه‌ ته‌واو ده‌بێت سێیه‌كی له‌ناوه‌ڕاستی شاره‌كه‌دا به‌ ئاگر بسووتێنه‌، سێیه‌كیشی ببه‌ و له‌ ده‌وروبه‌ری شاره‌كه‌ به‌ شمشێر لێی بده‌، سێیه‌كیشی به‌ بادا بكه‌، له‌به‌ر ئه‌وه‌ی من به‌ شمشێرێكی هه‌ڵكێشراو ڕاویان ده‌نێم.
3
چه‌ند تاڵێك مووی كه‌م به‌ ژماره‌ لێی ببه‌ و به‌ دامێنی كراسه‌كه‌ی خۆته‌وه‌ گرێی بده‌.
4
هه‌روه‌ها هه‌ندێكیشی ببه‌ و فڕێیبده‌ ناو ئاگر و به‌ ئاگر بیسووتێنه‌. له‌وه‌وه‌ ئاگر ده‌رده‌چێت بۆ سه‌ر هه‌موو بنه‌ماڵه‌ی ئیسرائیل.
5
«یه‌زدانی باڵاده‌ست ئه‌مه‌ ده‌فه‌رموێت: ئه‌مه‌ ئۆرشه‌لیمه‌ كه‌ له‌ ناوه‌ڕاستی نه‌ته‌وه‌كاندا داممه‌زراند، چه‌ند خاكێكیش به‌ چوارده‌وریدا.
6
جا له‌ نه‌ته‌وه‌كان و له‌ خاكه‌كانی ده‌وروبه‌ری خراپتر له‌ حوكم و له‌ فه‌رزه‌كانم یاخی بوو، چونكه‌ حوكمه‌كانی منیان ڕه‌تكرده‌وه‌ و به‌ ڕێگای فه‌رزه‌كانی مندا نه‌ڕۆیشتن.
7
«له‌به‌ر ئه‌وه‌ یه‌زدانی باڵاده‌ست ئه‌مه‌ ده‌فه‌رموێت: له‌و نه‌ته‌وانه‌ی ده‌وروبه‌رتان زیاتر هاتوهه‌راتان كرد و به‌ ڕێگای فه‌رزه‌كانی مندا نه‌ڕۆیشتن و به‌پێی حوكمه‌كانی منتان نه‌كرد. ته‌نانه‌ت به‌پێی بنه‌ماكانی نه‌ته‌وه‌كانی ده‌وروبه‌ریشتان نه‌ڕۆیشتن.
8
«له‌به‌ر ئه‌وه‌ یه‌زدانی باڵاده‌ست ئه‌مه‌ ده‌فه‌رموێت: ئه‌ی ئۆرشه‌لیم، منیش له‌ دژی تۆم، له‌به‌رچاوی نه‌ته‌وه‌كان سزاكان به‌سه‌رتدا ده‌سه‌پێنم.
9
له‌به‌ر هه‌موو بته‌ قێزه‌ونه‌كانت، وات پێ ده‌كه‌م كه‌ نه‌مكردووه‌، پاشان وه‌ك ئه‌وه‌ ناكه‌مه‌وه‌.
10
له‌به‌ر ئه‌وه‌ له‌ناو تۆدا باوك كوڕ ده‌خوات و كوڕیش باوكی ده‌خوات، سزاكانم ده‌سه‌پێنم و هه‌موو پاشماوه‌كه‌ت به‌ ده‌م هه‌موو بایه‌كه‌وه‌ په‌رته‌وازه‌ ده‌كه‌م.
11
له‌به‌ر ئه‌وه‌ یه‌زدانی باڵاده‌ست ئه‌مه‌ ده‌فه‌رموێت: به‌ گیانی خۆم، له‌به‌ر ئه‌وه‌ی به‌ هه‌موو په‌یكه‌ره‌ گڵاو و وێنه‌ قێزه‌ونه‌كانت[a] پیرۆزگای منت گڵاوكرد، پاڵپشتیت ناكه‌م و به‌ چاوی به‌زه‌ییه‌وه‌ ته‌ماشات ناكه‌م و ده‌ستم لێت ناپارێزم.
12
سێیه‌كت به‌ ده‌رد ده‌مرێت و به‌ قاتوقڕی له‌ ناوه‌ڕاستی تۆدا له‌ناوده‌چن، سێیه‌كیشت به‌ شمشێر له‌ ده‌وروبه‌رت ده‌كوژرێن، سێیه‌كیشت به‌ ده‌م هه‌موو بایه‌كدا په‌رته‌وازه‌ ده‌كه‌م و به‌ شمشێرێكی هه‌ڵكێشراو ڕاویان ده‌نێم.
13
«ئینجا تووڕه‌ییم ته‌واو ده‌بێت و هه‌ڵچوونم داده‌مركێته‌وه‌ و تۆڵه‌یان لێ ناكه‌مه‌وه‌. كاتێك هه‌ڵچوونم هه‌ڵڕشت ده‌زانن كه‌ من یه‌زدانم له‌ كاتی دڵگه‌رمیم فه‌رمووم.
14
«وێران و ڕیسوات ده‌كه‌م له‌نێو ئه‌و نه‌ته‌وانه‌ی له‌ ده‌وروبه‌رتدان، له‌به‌رچاوی هه‌موو ڕێبوارێك.
15
جا ئه‌و نه‌ته‌وانه‌ی له‌ ده‌وروبه‌رتدان لێت ده‌تۆقن و ده‌بیته‌ مایه‌ی ڕیسوایی و جنێو و ئاگاداركردنه‌وه‌، كه‌ به‌ تووڕه‌یی و هه‌ڵچوون و سه‌رزه‌نشتی تونده‌وه‌ سزام به‌سه‌رتدا سه‌پاند. من یه‌زدانم، ئه‌وه‌م فه‌رموو.
16
كه‌ تیری كوشنده‌ی قاتوقڕیم تێگرتن، ئه‌وه‌ی بۆ وێرانی ده‌بێت، بۆ وێرانیتان ده‌یهاوێم. نانتان لێ ده‌بڕم و قاتوقڕیتان له‌سه‌ر زیاد ده‌كه‌م.
17
كاتێك قاتوقڕی و دڕنده‌ی خراپ ده‌نێرمه‌ سه‌رتان، جه‌رگتان ده‌سووتێنن. ده‌رد و خوێن به‌ناوتدا تێده‌په‌ڕێت و شمشێر به‌سه‌رتدا ده‌هێنم.[b] من یه‌زدانم، ئه‌وه‌م فه‌رموو.»
  1. a. 5‏:11 بۆ زانیاری زیاتر سه‌باره‌ت به‌ گڵاوكردنی په‌رستگای ئۆرشه‌لیم، \+xt بڕوانه‌ حزقیێل 8‏:3‏-16.‏\+xt*‏
  2. b. 5‏:17 مه‌به‌ستی له‌ شاری ئۆرشه‌لیمه‌.