عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
دابه‌شكردنی خاكه‌كه‌ 
1
«ئه‌مانه‌ش هۆزه‌كانن، كه‌ به‌م شێوه‌ به‌پێی ناوه‌كانیان ڕێكخران: له‌لای سنووری باكوور، یه‌ك به‌ش بۆ دان ده‌بێت، به‌لای ڕێگای حه‌تلۆن هه‌تا ده‌روازه‌ی حه‌مات؛ حه‌چه‌ر عێینان و سنووری باكووری دیمه‌شق به‌لای حه‌مات به‌شێك له‌ سنووری دان ده‌بن، له‌لای ڕۆژهه‌ڵاته‌وه‌ بۆ لای ڕۆژئاوا.
2
«له‌سه‌ر سنووری دان، له‌لای ڕۆژهه‌ڵاته‌وه‌ بۆ لای ڕۆژئاوا بۆ ئاشێر به‌شێك ده‌بێت.
3
«له‌سه‌ر سنووری ئاشێر، له‌لای ڕۆژهه‌ڵات بۆ لای ڕۆژئاوا بۆ نه‌فتالی به‌شێك ده‌بێت.
4
«له‌سه‌ر سنووری نه‌فتالی، له‌لای ڕۆژهه‌ڵات بۆ لای ڕۆژئاوا بۆ مه‌نه‌شه‌ به‌شێك ده‌بێت.
5
«له‌سه‌ر سنووری مه‌نه‌شه‌، له‌لای ڕۆژهه‌ڵات بۆ لای ڕۆژئاوا بۆ ئه‌فرایم به‌شێك ده‌بێت.
6
«له‌سه‌ر سنووری ئه‌فرایم له‌لای ڕۆژهه‌ڵات بۆ لای ڕۆژئاوا بۆ ڕه‌ئوبێن به‌شێك ده‌بێت.
7
«له‌سه‌ر سنووری ڕه‌ئوبێن له‌لای ڕۆژهه‌ڵات بۆ لای ڕۆژئاوا بۆ یه‌هودا به‌شێك ده‌بێت.
8
«له‌سه‌ر سنووری یه‌هودا له‌لای ڕۆژهه‌ڵات بۆ لای ڕۆژئاوا ئه‌و دیارییه‌ تایبه‌ت ده‌بێت كه‌ پێشكه‌شی ده‌كه‌ن، بیست و پێنج هه‌زار باڵ[a] به‌ پانی و درێژییه‌كه‌شی وه‌ك یه‌كێك له‌ به‌شی هۆزه‌كان له‌لای ڕۆژهه‌ڵاته‌وه‌ بۆ لای ڕۆژئاوا، پیرۆزگاش له‌ناوه‌ڕاستی ده‌بێت.
9
«ئه‌و به‌شه‌ش كه‌ بۆ یه‌زدانی ته‌رخان ده‌كه‌ن، بیست و پێنج هه‌زار باڵ درێژی و ده‌ هه‌زار[b] باڵیش پانی ده‌بێت.
10
ئه‌مه‌ ده‌بێته‌ به‌شی ته‌رخانكراوی كاهینه‌كان: له‌لای باكووره‌وه‌ بیست و پێنج هه‌زار باڵ به‌ درێژی و له‌لای ڕۆژئاواشه‌وه‌ ده‌ هه‌زار باڵ به‌ پانی و لای ڕۆژهه‌ڵاتیش ده‌ هه‌زار باڵ به‌ پانی و له‌لای باشووریش بیست و پێنج هه‌زار باڵ به‌ درێژی ده‌بێت، پیرۆزگای یه‌زدانیش له‌ناوه‌ڕاستیدا ده‌بێت.
11
ئه‌م به‌شه‌ بۆ كاهینه‌ ته‌رخانكراوه‌كان له‌ نه‌وه‌ی سادۆق ده‌بێت، بۆ ئه‌وانه‌ی ئه‌ركه‌كانی منیان به‌جێهێنا، ئه‌وانه‌ی گومڕا نه‌بوون كاتێك نه‌وه‌ی ئیسرائیل گومڕا بوون هه‌روه‌ك چۆن لێڤییه‌كان گومڕا بوون.
12
ئه‌مه‌ بۆیان ده‌بێت به‌ دیارییه‌كی تایبه‌ت له‌ به‌شه‌ ته‌رخانكراوی زه‌وییه‌كه‌، به‌شێكی زۆر پیرۆز له‌ته‌نیشت سنووری لێڤییه‌كان.
13
«به‌شه‌ زه‌وی لێڤییه‌كانیش به‌ ته‌ریبی سنووری زه‌وی كاهینه‌كان ده‌بێت، بیست و پێنج هه‌زار باڵ به‌ درێژی و ده‌ هه‌زاریش به‌ پانی، هه‌موو درێژییه‌كه‌ی بیست و پێنج هه‌زار باڵ و پانییه‌كه‌شی ده‌ هه‌زار باڵ ده‌بێت.
14
نه‌ لێی ده‌فرۆشن و نه‌ ده‌یگۆڕن و نه‌ یه‌كه‌م به‌ری زه‌وییه‌كه‌ به‌ كه‌سی دیكه‌ ده‌ده‌ن، چونكه‌ ته‌رخانكراوه‌ بۆ یه‌زدان.
15
«ئه‌و زه‌وییه‌ی ماوه‌ته‌وه‌ كه‌ پانییه‌كه‌ی پێنج هه‌زار باڵ و درێژییه‌كه‌ی بیست و پێنج هه‌زار باڵه‌ بۆ هه‌موو دانیشتووانی شاره‌كه‌ ده‌بێت بۆ نیشته‌جێبوون و له‌وه‌ڕگا، شاره‌كه‌ش له‌ناوه‌ڕاستیدا ده‌بێت.
16
ئه‌مه‌ش پێوانه‌كانییه‌تی، لای باكوور چوار هه‌زار و پێنج سه‌د[c] باڵ و لای باشوور چوار هه‌زار و پێنج سه‌د باڵ و لای ڕۆژهه‌ڵات چوار هه‌زار و پێنج سه‌د باڵ و لای ڕۆژئاوا چوار هه‌زار و پێنج سه‌د باڵ.
17
بۆ شاره‌كه‌ش له‌وه‌ڕگا ده‌بێت به‌ره‌و باكوور دوو سه‌د و په‌نجا باڵ[d] ، به‌ره‌و باشوور دوو سه‌د و په‌نجا، به‌ره‌و ڕۆژهه‌ڵات دوو سه‌د و په‌نجا، به‌ره‌و ڕۆژئاوا دوو سه‌د و په‌نجا باڵ.
18
ئه‌وه‌ی له‌ درێژییه‌كه‌ ده‌مێنێته‌وه‌ ته‌ریب به‌ به‌شه‌ ته‌رخانكراوه‌كه‌، ده‌ هه‌زار باڵ ڕووه‌و ڕۆژهه‌ڵات و ده‌ هه‌زار باڵ ڕووه‌و ڕۆژئاوا، به‌روبوومه‌كه‌ی ده‌بێت به‌ خواردن بۆ كرێكارانی شاره‌كه‌.
19
كرێكاره‌كانی شاره‌كه‌ش كه‌ له‌ زه‌وییه‌كه‌ كار ده‌كه‌ن، له‌ هه‌موو هۆزه‌كانی ئیسرائیل ده‌بن.
20
هه‌موو به‌شه‌كه‌ چوارگۆشه‌یی ده‌بێت، ئه‌ندازه‌ی هه‌ر لایه‌كی بیست و پێنج هه‌زار باڵه‌. به‌شه‌ ته‌رخانكراوه‌كه‌ له‌گه‌ڵ موڵكی شاره‌كه‌ ته‌رخان ده‌كه‌ن.
21
«ئه‌وه‌ی ده‌مێنێته‌وه‌ له‌م لا و له‌و لای به‌شه‌ ته‌رخانكراوه‌كه‌ و موڵكی شاره‌كه‌ش بۆ میر ده‌بێت. سنووری زه‌وی میره‌كه‌ به‌ره‌و ڕۆژهه‌ڵات له‌ بیست و پێنج هه‌زار باڵه‌كه‌ی به‌شه‌ ته‌رخانكراوه‌كه‌وه‌ هه‌تا سنووری ڕۆژهه‌ڵات ده‌بێت، به‌ره‌و ڕۆژئاواش له‌ بیست و پێنج هه‌زار باڵه‌كه‌وه‌ هه‌تا ده‌ریای سپی ناوه‌ڕاست. هه‌ردوو ناوچه‌كه‌ی ته‌ریب به‌ به‌شی هۆزه‌كان موڵكی میر ده‌بن، به‌شه‌ ته‌رخانكراوه‌كه‌ش له‌گه‌ڵ پیرۆزگای په‌رستگاكه‌ش له‌ناوه‌ڕاستیان ده‌بێت.
22
ئیتر موڵكی لێڤییه‌كان و موڵكی شاره‌كه‌ش له‌ ناوه‌ڕاستی به‌شی میره‌كه‌ ده‌بن. به‌شی میره‌كه‌ له‌نێوان سنووری یه‌هودا و سنووری بنیامین ده‌بێت.
23
«سه‌باره‌ت به‌ ئه‌و هۆزانه‌ش كه‌ ماونه‌ته‌وه‌: له‌لای ڕۆژهه‌ڵات بۆ لای ڕۆژئاوا بۆ بنیامین به‌شێك ده‌بێت:
24
«له‌سه‌ر سنووری بنیامین له‌لای ڕۆژهه‌ڵات بۆ لای ڕۆژئاوا بۆ شیمۆن به‌شێك ده‌بێت.
25
«له‌سه‌ر سنووری شیمۆن له‌لای ڕۆژهه‌ڵات بۆ لای ڕۆژئاوا بۆ یه‌ساخار به‌شێك ده‌بێت.
26
«له‌سه‌ر سنووری یه‌ساخار له‌لای ڕۆژهه‌ڵات بۆ لای ڕۆژئاوا بۆ زه‌بولون به‌شێك ده‌بێت.
27
«له‌سه‌ر سنووری زه‌بولون له‌لای ڕۆژهه‌ڵات بۆ لای ڕۆژئاوا بۆ گاد به‌شێك ده‌بێت.
28
«سنووری گاد له‌لای باشوور به‌ره‌و باشوور ده‌بێت، سنووره‌كه‌ش له‌ تاماره‌وه‌ بۆ مێرگی مه‌ریبای قادێش، له‌ دۆڵی میسره‌وه‌ هه‌تا ده‌ریای سپی ناوه‌ڕاست[e] .
29
«ئه‌مه‌ ئه‌و خاكه‌یه‌ كه‌ به‌ میرات به‌سه‌ر هۆزه‌كانی ئیسرائیلدا دابه‌شی ده‌كه‌ن و ئه‌مه‌ش به‌شه‌كانیان ده‌بێت.» ئه‌وه‌ فه‌رمایشتی یه‌زدانی باڵاده‌سته‌.
ده‌روازه‌كانی شاره‌ نوێیه‌كه‌ 
30
«ئه‌مانه‌ش ده‌روازه‌ی چوونه‌ ده‌ره‌وه‌ن بۆ شاره‌كه‌: ئه‌ندازه‌ی لایه‌كی شاره‌كه‌ ڕووه‌و باكوور چوار هه‌زار و پێنج سه‌د باڵه‌،
31
ده‌روازه‌كانی شاره‌كه‌ش به‌ ناوی هۆزه‌كانی ئیسرائیله‌وه‌ ده‌بن، سێ ده‌روازه‌ ڕووه‌و باكوور، ده‌روازه‌ی ڕه‌ئوبێن و ده‌روازه‌ی یه‌هودا و ده‌روازه‌ی لێڤی.
32
«له‌لای ڕۆژهه‌ڵاتیش كه‌ چوار هه‌زار و پێنج سه‌د باڵه‌، سێ ده‌روازه‌ ده‌بێت: ده‌روازه‌ی یوسف، ده‌روازه‌ی بنیامین و ده‌روازه‌ی دان.
33
«لای باشووریش كه‌ چوار هه‌زار و پێنج سه‌د باڵه‌، سێ ده‌روازه‌ ده‌بێت: ده‌روازه‌ی شیمۆن، ده‌روازه‌ی یه‌ساخار و ده‌روازه‌ی زه‌بولون.
34
«لای ڕۆژئاواش كه‌ چوار هه‌زار و پێنج سه‌د باڵه‌، سێ ده‌روازه‌ ده‌بێت: ده‌روازه‌ی گاد، ده‌روازه‌ی ئاشێر و ده‌روازه‌ی نه‌فتالی.
35
«چێوه‌كه‌ش هه‌ژده‌ هه‌زار باڵ ده‌بێت.
«ناوی شاره‌كه‌ش له‌و ڕۆژه‌وه‌ ده‌بێته‌:
یه‌زدان له‌وێیه‌.»
  1. a. 48‏:8 بیست و پێنج هه‌زار باڵ: نزیكه‌ی 12 كیلۆمه‌تر، لێره‌ و له‌ ئایه‌تی 9، 10، 13، 15، 20، 21.
  2. b. 48‏:9 ده‌ هه‌زاریش: نزیكه‌ی 5 كیلۆمه‌تر، لێره‌ و له‌ ئایه‌تی 10، 13، 18.
  3. c. 48‏:16 چوار هه‌زار و پێنج سه‌د: نزیكه‌ی 2‏،2 كیلۆمه‌تر، لێره‌ و له‌ ئایه‌تی 16، 30، 32، 33، 34.
  4. d. 48‏:17 دوو سه‌د و په‌نجا باڵ: نزیكه‌ی 120 مه‌تر.
  5. e. 48‏:28 ده‌ریای سپی ناوه‌ڕاست: عیبری ده‌ریای مه‌زن.